¹ Chu Israelitas lhawakgolh tuku níx'lilhawatkan xlakata skan tuku xtamapanunit na'talaklhaway. Acán, xkgawasa Carmi, xkgawasa Zabdi, xkgawasa Zera, xalak xpulataman Judá, linkgolh tuku xtalaksaknit nalaklhawakan, chu Puchina sitzinilh xpulataman Isarael. ² Josué kamalakgachalh tachixkuitat nima taxtukgolh nak Jericó chu chankgolh nak Hai, nima lakatsu xtawi Bet Avén xpakgs'takgat Betel. Xla kawanilh: "kapitit chu ka'akxilhtit tiyat". Chunancho tachixkuitat ankgolh chu akxilhkgolh Hai. ³ Latá xlakan taspitparkgolh xlakatin Josué, wanikgolh: "Ni'paks ka'kamakapi tachixcuitat nak Hai. Watiya kamakapi akgtiy'mil o akgtutu'mil tachixkuitat xpalakata ka'ankgolh chu katalachapakgolh Hai. Ni'putum kakamaskuju nak uma litalachapat, xpalakata xalakán nix'khalhuwakan. ⁴ Chunancho ka la'akgtutumilh tachixkuitat ankgolh, xlakán tzalanikgolh tachixkuitat xlak Hai. ⁵ Xpalakata tachixkuitat xalak Hai makgnikgolh la'puxamakuchaxan tachixkuitat nima takatsi lachapay latá xkakstalamakgolh lakatsu nak xmálakcha kachikin, lu'makgat la'niku tamaxtukan chiwix, chu kamakgnika latá xtaktamakgocha nak'jkasipijní. Chu kachikin lu'pekuankgolh nak'xnakukan chu tamakpua. ⁶ Alistalh Josué lakxtitlhi xlhakgat. Xla chu lajkgolón xlak Israel walikgolh pokgxne nak xakgxekgakan, takilhputakgolh xlakatin xpumakim Puchina, anta tamakgxtajkgolh latá chalh kgakgotanut. ⁷ Alistalh Josué wa: "¡Puchina Dios! ¿Wan chu masta talakaskin xpalakata uma latamanin xtitaxtukgolh nak Jordán? ¿Xpalakata nakin'kamakamastaya nak xmakankan Amorreos xpalakata na'kinkamalaksputokgoyan? ¡lhakg lhan xaktatimakgxtakgwi xa'kilhtutu Jordán ⁸ ¡Puchina! ¿Tuku lhan nak'wan, lachu Israel makgalhajakanit chu tsalanilh xtalalhawananin? ⁹ Lachu xlak Cananeos chu putum latamananin xlak'jkatiyatni nakgaxmatkgoy uma. Xlakán nakinkastiliwilikgoyan chu nalhawakgoy pi'latamanin xlak'jkatiyatni napatzankgakgoy kin'tukunikan. Chuna cho, ¿Tuku na'lhawaya wix xpalakata min tukuwini? ¹⁰ Chu Puchina wanilh Josué, "¡Kataki! ¿Wan chu takilhputanita? ¹¹ Israel makglakgalhinanit. Xlakán ni'makgantaxtikgolh kin'talajkaxlaw nima jkalimapakgsilh. Kgalhankgolh nima xtalaksaknit. Xlakán kgalhanankgolh chu matsejkgonit xtalakgalhinkan, tamalakxtumikgolh tuku kgalhankgolh tuku xlakan. ¹² Wa uma xlakata, Israelitas nila lhajakgoy xtalalhaunanin. Chu tzalanikgolh xtalalhaunacan, xlakata sikstukan kalaklhauka. Naj'kamakgtayparayan akxni wixin nalak'lhawayatit tuku mililaklhawakan xwanit. ¹³ ¡Kataki! kimakaxni pulataman chu kakawani: 'Katakáxtit, kalakgchakgantit, xlakata chalí. Xpalakata Xpuchina Dios Israel wan: "Wi ama tuku xlimapapitzit xpalakata nala'klhawakan chi wijku nak milakgstipankan, Israel, nila natalachapayatit mintalalhaunakan sini namapanuyatit amakgolh tuku talaksaknit nalaklhawakán. ¹⁴ ''Lakatzisa, natatána min'tachiki. Xtachiki nima Puchina nalaksaka natamín xtachiki. Tachiki nima Puchina nalaksaka chatuno chatuno xalakchixcuin natalakatsuwikgoy. ¹⁵ Nakgantaxtuy piwa nima nalaksajkan chi kgalhiy ama nikuma takgalhanit: wa uma nalhkuyukan, xla, putum ixchik chu putum tuku kgalhiy, xpalakata xla laklhawanit xtalajkaxlan Puchina chu makglakgalhinanit nakj Israel". ¹⁶ Chuna cho, Josué lutzisa takilh chu lakatzu limilh Israel, chatuno ixtachiki, chu ixtachiki Judá laksajka. ¹⁷ Josué malakatzuwilh ixtachiki Judá, chu ixchik Zera laksajka. Chu limilh ixchik Zera chatunu chatunu chu Zabdi laksajka. ¹⁸ Ixla limilh ixtachiki Zabdi, chutuno chatuno, chu Acán ixkgawasa Carmi, ixkgawasa Zabdi, ixkgawasa Zera, ixtapulataman Judá, laksajka. ¹⁹ Chuna cho Josué wanilh Acán: "Kin kgawasa, kawanti tuku ixlikana nak'xlakatin Puchina, wa XDios Israel, kawani tuku wix'lhawa. Kalhawa lilhan, kakiwani, ¿Tuku wix'lhawanita? Nitu kimatsekgni". ²⁰ Acán kgalhtinalh: "Luxlikana akit kmakglakgalhinalh nak'xlakatin Puchina, wa ixDios Israel. Wa uma tuku klhawalh: ²¹ Lata haya xtamamaxtuminit tumin jkukxli luslan tamakgnu xalak Babilonia, aktiy ciento tumin xaplata, chu oro nima'stsinkan liwkay itat'kilo, luklakaskilh chu ktiyalh. Jkamaknunit nak xitat kin'chik. ²² Josué makalh makatsinanin, tokgoson ankgolh nak'xchik chu anta xwilakgolh tuku ixtakgalhanit. ²³ Ixlakan tiyakgolh chu linikgolh Josué chu skan ixkachikin Israel. Xlakan walikgolh kxlakatin Puchina. ²⁴ Chuna cho Josué chu xliputum Israel, chapakgolh Acán xkgawasa Zera, chu Plata, chu tamakgnu, chu Oro, ixlajkgawasan chu ixlaktsuman, ixwakax, ixMulas, ixkgalhnilo, ixchik chu skan tuku ixkgalhi, chu putum kalinka nak'xakaxtum niku tsukuy ksipi Acor. ²⁵ Chuna cho Josué wa: ¿Wan cho nilhan tuku kinkalitani? Wa Puchina naliminiyan tuku nilhan la uku. Liputum Israel ka'aktalakgolh chu ka'lhkuyukgolh. ²⁶ Ixla limakikgolh akgtum sipi xla chiwix nima wi la'uku. Chuna cho Puchina mapanulh lanka ixtasitzi. Chuna cho, limapakuikan ama pulataman, 'kaxtum niku tsukuy ksipi Acor' la'uku"