Capítulo Akgchaxan
1
Ama katsisni puxku ni lay klhtata chu kalimapakgsilh xtasakua xpalakata xliminikgolh tatsokgni niku wan tuku taxtunit nak xlimapakgsin, chu pixlakan xtakgaxmata xlikgalhtokganimaka.
2
Takgaska anta nak tasokgni nikunlh Mardoqueo xkamalakapunit Bigtan chu Teres, chatiy xmapakgsinanin puxku tiku xmakgtakgalhnankgoy nak kmalakcha, pi xlakan xlakgslakgaputunkgoy puxku Asuero.
3
Puxku kgalaskininalh: ¿Ninkunlha lixokgonika chu limalankika Mardoqueo xpalakata uma tuku xla tlhawalh? Chuna cho lakskujnin lajkgawasan kgalhtinankgolh: ni tuku maxkika.
4
Puxku kgalhtinalh, ¿Tuku tayacha anta nak xakaxanatni tankgilhtin? Ama puntsu Amán xtanunincha nak nak xa kaxanatni tankilhtin anta nak xchik puxku xpalakata xama litachiwinan napixchiwkakan Mardoqueo anta niku xla xmakaxtlawinanit.
5
Xlakskujnin puxku kgalhtikgolh: wa Amán. Puxku wa: kamaxkitit talakaskin katanulh,
6
lata Aman tanucha puxku kgalaskilh: Tuku xlitlawanit ama chixku wanti puxku malankiputun? Aman lapaxtaklhi nak xnaku: ¿Tiku tlhakg malankiputun puxku nixtachuna akit?
7
Aman kgalhtilh puxku: Wa ama chixku tiku puxku malankiputun,
8
kalimalhakganika xtalhakgan puxku, lhakgan nikuma puxku litlhakgananit, chu tantin cawayu nikuma puxku kgatolanit chu nikuma akgniy diadema.
9
Chuna cho wa tlhakgat chu kawayo kamaxkika wa ama lu akgstitum kskujni puxku. Kamastaka talakaskin kamalhakganika ama chixku wanti puxku malankiputun chu katalhawanka nak xtiji kachikin. Kaliakgtasaka nak xlakatin: ¡Wa uma tuku tlhawanikan ama tiku puxku malankiputun!
10
Chuna cho wanilh Amán: lakapala, katiya lhakgat chu cawayu, la wix wanita, chu chuna katlhawani Mardoqueo, ama judio tiku wi nak xmalakcha puxku. putum kamakgantaxti la wix kiwaninita.
11
Chuna cho Amán tiyalh lhakgat chu kawayu. Malhakganilh Mardoqueo chu talhawalh nak xtiji kachikin. Chu lichiwinalh nak xlakatin: ¡Wa la uma tuku tlhawanikan ama tiku puxku malankiputun!
12
Mardoqueo taspitpa nak xmalakcha puxku. Chu aman lakapalalh alh nak xchik, tamamaxanilh, chu takglhapalh.
13
Amán wanilh Zeres, xpuskat, chu putum tiku lhan xkatalalin putum tuku titaxtulh. Chuna cho xlakskujnin tiku xtalilakgapasa xliskgalalakan, chu xpuskat Zeres, wanikgolh: Par wa Mardoqueo, tiku hay tatatsuwinipat, wa judio, ni kitimakgalhaja, chu xlikana napatastaya nak xlakatin.
14
Lata xtachiwinamakgolh, chinkgolh xmapakgsinanin puxku, chu lakapala linkgolh Aman nak jkatawayan wanti Ester xmakaxtlawinanit.