Capítulo Akgkitsis
1
Lata titaxtulh akgtutu kilhtamaku, Ester lilhakganalh xlhakgat xa puxku chu alh tayay nak xpulakni xakaxanatni xtankilhtin xalanka xchik puxku. Puxku ka xwi nak xpumapakgsin, nak xlakatin niku xlaktanukanacha.
2
Lata puxku akxilhi puxku Ester pi anta xliya, lhajalh xtalakgalhaman. Xla litamakgastokglhi cetro xa oro. Ester talakatsuwilh chu tokglhi xakgstan cetro.
3
Alistalh puxku kgalakgaskilh: ¿Tuku lakaskina puxku Ester? ¿Tuku kiskiniya? watiya itat kilimapakgsin lhan nakmaxkiyan.
4
Ester kgalhtinalh: Par chuna lakgatiy puxku, kamastalh talakaskin pi puxku chu Amán ka ankgolh wayankgoy anta niku akin kmakaxlhawinanit xpalakata puxku.
5
Alistalh puxku wa, kalitantin Amán xpalakata naktlhawayaw tiku Ester wan. Chuna cho Puxku chu Aman ankgolh nak jkatawayan nikuma Ester xmakaxtlhawinanit.
6
Lata kxtakgamakga xakucho uva, puxku wanilh Ester: ¿Tuku wis naskina? wa uma akit nakmaxkiyan. ¿Tuku wix lakaskina? itat kilimapakgsin lhan nak maxkiyan.
7
Ester kalhtinalh: Tuku akit klakaskin wa uma:
8
par akit ktakgasnit min talakgalhaman par lakgatiy puxku nakimaxkiy tuku akit nakskin, kamilh puxku chu Amán nak jkataway tuku akit nakmakaxtlhawinan chali min palakatakan, chuna cho nak kgalhtiy xtalakgaskin puxku.
9
Amán jkatapaxuwan taxtulh ama kilhtamaku chu xpaxuway nak xnaku. Chu lata Amán akxilhi Mardoqueo nak xalanka xmalakcha puxku, chu wa uma ni pekuanilh chu ni lakgachixkuwilh, Amán lupekua sitsinilh Mardoqueo.
10
Wa chu Amán takaksli chu alh nak xchik. Kamaputsinal tuku lu tlhan xkatalalin chu kamastokglhi anta nak xchik chu xpuskat. Zeres.
11
Amán kalitachiwinalh lulanka xlitlhewekge, nikuntlha lu chalhuwa xkamanan, putum nikunla puxku xlimalankinit, chu nikunlha xla xkamakgalhajanit amakgapitsin xlakskujnin puxku.
12
Aman na wa: Puxku Ester nitiku tasaninit, watiya akit, xpalakata najkanaw kwayanaw puxku chu akit nak jkataway tuku xla makaxtlawinalh. Nachuna chali, kinkawaniparan najkamparayaw xpalakata nak ta´an puxku.
13
Wa uma nitu kxtapalh kinpalakata wa xpalakata Mardoqueo judio tawilanalh nak xkilhtin lanka xmalakcha puxku.
14
Chu wanilh Zeres xpuskat chu tiku lhan xkataralin: Ka kaxtlhawaka akgtum tapixchitukan xa tipuxamakaw makgtsan xlitalhman. Kakuni katachiwinanti puxku xpalakata anta kapixchimawkaka Mardoqueo. Alistalh jkatapaxuwan katapi puxku nak jkatawayan. Uma lu lakgatilh Amán chu makaxtliwinalh tapixchitoke.