Capítulo Akgtujun
1
Chuna cho puxku chu Amán ankgolh najkatawayan nikuma makatlhawanalh puxku Ester.
2
Wa uma xliakgtiy kilhtamaku, lata xtakgamaka xkucho uva, puxku kalaskilh Ester: ¿Tuku wix naskina puxku Ester? Namakgamakglhtinana. ¿Tuku wis lakaskina? watiya itat limapakgsin lhan namaxkikana.
3
Chuna cho puxku Ester kgalhtinalh: par ktakgasnit talakgalhaman nak min lakatin, puxku, par namalhaniya, kilatamat nak kimakan katawi, wa uma tuku kskima, cha nachuna wa uma ksikin xpalakata kin pulataman.
4
Xpalakata akinin kinkastakanitan, akit chu kintapulataman, xpalakata nakinkamalakgsutukanan. Par watiya xakakistakan nak tachin taskujut, la xatachin skujnin lakchixkuwin chu lakpuskatin, akit nitu xaktiwa, wa uma xpalakata klimakgatsankgama puxku.
5
Chuna cho puxku Asuero wanilh Ester,: ¿tiku ama? ¿Niku wi ama chixku tiku limatsamanit xnaku chuna la ama natlhaway?
6
Ester wá: ¡xa ni lhan chixku, ama talatlhawana, wa uma Aman! Chuna cho Amán luxpekuanit nak xlakatin puxku Ester.
7
Wa Puxku Asuero, stsilh, tayalh anta niku xkgotkgoy xkuchu uva anta najkatawayan, chu alh nak xakaxanatni kilhtin wa chu ama Amán tamakgxtakglhi kskinima puxku Ester tamatsankgan xpalakata xlatamat. Xla katsil pi uma tuku xtitaxtuma xma maklakalhaway.
8
Chuna cho puxku taspitlhi anta niku xkgotkan xkuchu uva. Aman xpatastanit nak putawilh anta niku xwi puxku Ester. Puxku Asuero wa: ¿Wa uma nalikamanan puxku Ester nak kilakatin, nak jkinchik? Tunkun lata uma tachiwin taxtulh nak xkilhni puxku lakskujnin akglhapakgolh Amán.
9
Chuna cho Harbona, chatum mapakgsina tiku kskujni puxku, wa: Akgtum tapixchitoka xa puxamakaw xlitalhman kaxtlawakanit xpakstun xchik Amán. Xla makaxtlawinalh xpalakata Mardoqueo, tiku chiwinalh xpalakata namakgtakgalhkan puxku. Puxku wa: anta kapixchimawkatit.
10
Chuna cho xlakan anta pixchimawkgolh Amán anta nak tapixchitowka nikuma xla xmakaxtlawinanit xpalakata Mardoqueo. Chuna cho xtasitsi puxku taktsuwilh.