¹ Jacobe' pacaatnaj ca'anaj ca tu yilaj Esau cu taal ye'etel letie' cuatrocientos ma'aco'ob. Jacobe' tu jaatza' u paalal ichil Lea, Raquel le ca'atuul palitzilo'obe. ² Le ca tun tu dza'a le ca'atuul palitzilo yetel u paalal tu taanil, aalcab paachtaal men Lea ye'etel u paalal, aalcab paachtaal xaan men Raquel ye'etel Jose tu paachil tulakal. ³ Letie' ca biin tu taanil tulakal. Nooclaj taac lu'um siete u p'eelalo', taac ca cu'uch naats ti u sucu'un. ⁴ Esaue' aalcabnaji u ti'al u caaxcujbaal ye'etel, tu machaje', tu mec'aj u caale' yetel tu dzu'udza. Le ca tune' letio'obe ooko'olnajo'ob. ⁵ Le ca tu pactaj Esaue tu taanile', letie' tu yilaj le co'olelo'obo ye'etel le paalalo'obo. Letie'tu ya'alaj: ¿Maax le ma'aco'ob yaan ta wetela'? Jacobe' tu ya'a'laj: "Le paalalo'obo maaxo'ob K'u tu seem yaab dza'a ti a palitzilo'ob. ⁶ Le ca tune' le palitzilo'obo taalo'ob taanil ye'etel u paalalo'ob ca noclajo'ob.Ca dzo'oke' Lea bey xaan taal ⁷ taanile' yee'tel u paalalo'ob ca xoolajo'ob. Tu xu'ule' Jose ye'etel Raquel taalo' xaan ca xoolajo'ob. ⁸ Esaue' tu ya'alaj: ¿Ba'ax ca caaxtik ye'etel tulakal le mu'ucho'ob qui wilka'? Jacobe' tu ya'alaj: "In caaxtic a utzil tu taanil u yocho'ob in yumtzil" ⁹ Esaue' tu ya'alaj: " Yaanten le ba'ax c'abeet'eeno', in suu'un. P'ateen ye'etel le ba'alo'ob a ti'alo. ¹⁰ Jacobe' tu ya'alaj: " Ma' quin c'aat ooltictech, wa dzo'ok in lu'ubul utzi ta wiche', je'el tune c'aam in siibalo'ob ti kaab, tumen jach tu jaajile', dzo'ok in wilic a taan joole', jee biix le u taan jool K'ue, ye'etel dzo'ok a c'aamken. ¹¹ Quin kaat ooltiktech c'aam in siibaltin taasajtecho', tumen K'ue dzo'ok u dza'icteen jach yaabach ba'alo'ob ye'etel tumen yaan teen le ba'ax c'aabeet'eeno'. Beey tuno' Jacobe' tu sen kaat oolta Esaue' ca c'aamti u siibal. ¹² Le ca tuno'Esaue' tu ya'alaj: " Co'ox te beelo'. Ten kiin biin taaniltech". ¹³ Jacobe' tu ya'alaj: "In caambesaj wojelte' in paalalo'obe taanquelemo'ob , le mu'uch tamano'obo, le mu'uch aalaco'obo yaan u mejenilo'ob. Wa letio'obe cu xiimbalo'ob taac un p'eel kiine', tulakal le mu'uch tamano'ob cu quimilo'ob. ¹⁴ In caambesaj xiic tu taanil u paalatzil. Tene' yaan in tuusbelil chaanbeelil, je'el biix cu biin le wacaxo'obo taanil teeno', ye'etel je'el biix cu biin le paalalo'ob, taac queen in chu'uc in caambesajil ti Seir. ¹⁵ Esaue' tu ya'alaj: "Ch'a'a in p'aatic jaay tuul maaco'ob maaxo'ob yaan tin wetel". ba'ale Jacobe' tu ya'alaj: ¿Baaxteen queen a beet beeyo'? In caambesaj ts'o'okyaabcha a utsi tin wetel. ¹⁶ Le ca tune' Esaue' le je'el kiino' tu cajsa' u tuusbeelil u ti'al u su'ut Seir. ¹⁷ Jacobe' bin ti Sucot, tu betaj un p'eel nah ye'etel u cu'uchil u ti'al u baalcheo'ob. Le olale' u k'abae le lu'umilo' Sucot. ¹⁹ Le ca tune' Jacobe' taal lik'ul Padan Aram, letie' cu'uch tu lu'umil Siquem ki' ool, le'ela ti'an Canaane'. Letie' u p'aat he'elel naatz ti le caajtalilo'ob. ¹⁸ Le ca tune' tu maana' u xeet' lu'um tuux u dzaama u chu'uybil nah u paalalilo'ob Hamor, u taatae Siquem, tu yo'olal cien u p'eela u piezasi platae'. ²⁰ Te'elo tu liisaj un p'eel muultunil cultaj ca tu k'abainte El Elohim Israel.