¹ Jacobe' biin tu beel, le u angeli' Yumtzile' tu ca'axtajo'ob. ² Jacobe ca tu yilajo'obe tu ya'laj: "Le je'ela u cu'uchil u naajil Yumtzil, le olale tu k'abainte' le cu'uchilo' Mahanaim" ³ tu tu'uchi'itaj wa jay tuul bisaj t'aano'ob tu taanil ti letie' ti u sucu'un Esau, tu caajil Seir, tu lu'umil Edom. ⁴ tu tu'uxtajtio'obe: " Le je'ela le ba'ax can a wa'leex ti in yumtzil Esau: Le je'ela le cu yaalic a palitzil Jacob: Ti ya'anen caachi ye'etel Laban ti yaanen cachi ye'etel letie' taac bejlae. ⁵ ya'anten wacaxo'ob, burro'ob, jun mu'uch tamano'ob, j xiibil palitzilo'ob, x chu'up palitzilo'ob. Tene' kin tuuxtictech a waaltech le je'ela in yumtzil, u ti'al in caaxtic k'aat oolal tu taanil a wicho'ob. ⁶ Le bisaj t'ano'ob su'unajo'ob ti Jacob tu ya'alico'ob: Bino'on tuux yaan a sucu'un Esau. Letie' taan u taal u c'amech, cuatrocientos j xiibo'ob yaano'ob ye'etel. ⁷ Ca tune' Jacobe' jach j'ak'yoo ye'etel tu ch'a'a yaab sajakil. Le olale' ca tu jaatza' le ma'aco'ob yaano'ob yetelo'ob ti tu ca'p'ee cu'uchil wene, beey xaan tu beetal ye'etel le mu'uch tamano'obo, le wacaxo'obo bey le camello'obo. ⁸ Letie' tu ya'alaj: "Wa Esau cu taal ti un p'ell cu'uchil wenela' cu beetik loob ti' u laak' cu'uchil wenel cu p'atale je e'el u paajtal u pudzu'ule. ⁹ tu ya'alaj: "K'u in taatae Abraham, K'u in taatae Isaac, Le Yumtzilo, maax tu ya'alajten: Suunen ti a caajtalil, ti a laak'tzilo'ob, tene' yaan in yabachcuunsique ¹⁰ ma in najalma tulacal u chu'ucanil a wooli' ye'etel ba'alob a nu'upt'antma miix ti tulakal ba'alo'ob le dzo'ok a c'ubik a wool ti palitzil. Tumen che'en ye'etel in xo'olte' tin maansa le Jordano', beorae' yaan teen c'ap'eel cu'uchil wene'. ¹¹ k'aat ooltik, lojen ti tu k'aab in sucu'un Esau, tumen yaanten sajakil ti letie', ca taalaque', cu beet loob ti teen ti watano'ob ye'etel u paalalo'ob. ¹² Teche' ta walajteen: "Ten jach tu jaajil yaan in yaabachcunsiquech. Ten yaan in beetik a ch'i'ibalo'ob je biix u sa'am lu'umil le ka'anabo, ma' tu paajtal u xo'ocol tu yo'olal ya'abi. ¹³ p'aat te'elo te aakabo'. Letie' tu ch'a'a u p'iit ti le ba'alob yaan ti yete'elo jee biix un p'ell si'ibal u ti'al Esau, u sucu'un: ¹⁴ x yuuco'ob, veinte j yuuco'ob, doscientas x tamano'ob yetel veinte j tamano'ob; ¹⁵ xcamello'obo ye'tel u kaab iim yetel u mejenilo'ob, cuarentax wacaxo'obo, diez j wacaxo'obo, veinte x burra'ob, diez j burro'ob. ¹⁶ cu'ubaj ti u palitzilo'ob jujun payil u mu'uchlo'ob. Letie' tu ya'alaj ti u palitzilo'ob: "Xeneex tin taanil", iilex ma u nadzal ichil jaatzili le mu'ucho'ob. ¹⁷ tu caansaj u yaax u palitzilo', tu ya'aljtie': "Le queen u naactan teech ye'etel u caax teeche in sucu'un Esaue' queen u c'aatch'iitiche': ¿Maax a yu'umil? ¿tuux ca biin? ¿maax u ti'alintik le ba'alche'obocu biino' ta taanilo? ¹⁸ tune' ca wa'alicti'. letio'obe u ti'al a palitzil Jacob. Letio'obe u siibalo'ob tuuxtaan u ti'al in dzu'ulil Esau. Paacte', letie' tu taal beey xaan paachil toon. ¹⁹ Jacobe' beey xaan tu nu'uctaj le ca'p'eel mu'ucho'ob, le oox p'eel, ti tulakal le ma'aco'ob cu biino'ob tu paach le mu'uch aalaco'obo.Letie' tu ya'alaj: " Teche' laaili' bey ca bin a wa'alique'ex ti' Esau le queen u caxtaanteche'. ²⁰ Yaan a walicti' beey xaan: " A palitzil Jacobe' taan u taal paachi toon. Tumen letie'tu tucultilac, bey quin jooms u yool u pu'ujul ye'etel le siibalo'ob cu biin tin taanilo', beyo' le queen u caaxte' je'el u c'a'anqueme'. ²¹ Beyo' le siibalo'obo binoo'ob tu taanil letie'. Letie' p'aat cheen tu jun le aakabo' te cu'uchil wene.. ²² Jacobe' j liik' te aakabo' ca tu ch'a'a u caatu'ulal u yatano'obe, u caatu'ulal palitzilo'obe, u once u tuulil u paalal. Letie' tu tuuxtajo'ob tu laak' u jaalil le vadoe'. ²³ Beyo' letie' tu tuuxtajo'ob te beel jao' ye'etel tulakal u ba'alob. ²⁴ Jacobe biin cheen tu jun, untul j xiib'e ba'atelnaj ye'etel tak ca saaschaji. ²⁵ Le keen le j xiib'o tu yilaj ma' tu paajtal u toopke, tu jaadza' u t'eet' Jacob. Le u t'eet' Jacobe' tuuk'esabi le ca'a koola'obo. ²⁶ Le j xiibo' tu ya'alaj: "Ch'a'a in biin, tumen taan u saastah". Jacobe' tu ya'alaj: "Tene' ma' tin ch'a'a a biin wa ma' ta qui'qui t'aantquen. ²⁷ Le ma'aco'ob tu ya'alaj: ¿Biix a k'abae'? Jacobe' tu nuucaj: "Jacob" ²⁸ Le j xiib'o tu ya'alaj: Ma'biin a k'abaent Jacobi'.Bejlae a k'abae Israel. Tumen teche dzo'ok a bateel yetel K'u y'etel winico'obe dzo'ok a p'a'a muuk ²⁹ Jacobe' tu c'atch'i'naji ti: "Aalten biix a k'abae, quin k'aat ooltiktech". Letie' tu ya'alaj: ¿ba'axteen ca c'aatikteen in k'abae? ca dzo'oke qui'quit'aanta' telo'. ³⁰ Jacobe' tu dza'a' u k'abae le cu'uchilo' Peniel, tumen tu ya'alaj: "Dzo'ok in wilik K'u quetlan iche' ye'etel in cuutale' dzo'ok u haalk'aabtah. ³¹ Le kiino' ko'ok yo'okol Jacob caliquil letie' maan Peniel. Letie' kohk'alak tu yo'olal u t'eet'. ³² Le olale' tac bejlae u paalal Israele' ma' tu jaantico'ob le xiich' nupic u baaquel u t'eet'o, tumen le j xiib'o tu loobiltah u xiich'i u t'eet Jacob.