¹ Ganüy ajcüwa ajcüyiw majawüw Juda at Benjamin tanguiayiüw aag a cambaj leaw landoj ndeajow ganüy teamarangüw nangaj iüm ocueaj Teat Dios, mi Dios Israel. ² Queaj tambüw matachiw Zorobabel aton montang najlüyiw wüx mintaj at micualüw mixejchiüw nejiw. Nejiw tapiengüw: "meach xecon najlüyiün naquiejpan icon marangats, naleaing, nioc nej at icon, xicona sayamban mi Diossan at tayacassan nichechnajchiün Nej wüx aag a nüt quieaj Esar Hadon, minatang monajiüt ocueaj Asiria, tajimiün xicon tiül aag a iüt cam." ³ Ganüy Zorobabel, Jesua aton meawan montang najlüyiw wüx nden ocueaj mixejchiüw nejiw tapiüngüw: "güy ngomeag icona, xicona nej, nieng netamb narangan aag iüm ocueaj mitiatiüts Dios, neleang xicona sanarangan najchiün Teat Dios, aag mi Dios Israel, atnej lamapieng minatang nenajiüt Ciro ocueaj Persia marangüch." ⁴ Atqueaj cambaj iüt cam tarangüw maxojtüw owix ajcüwa Juda; nejiw tajchiw majiürüw mbol Juda marangüw najiüt. ⁵ Nejiw aton tandiemüw mangüyiw mapalüw teambas meawan. Agüy tarangüw meawan nüt wüx alchetem Ciro aton wüx tajlüy chetem Dario, minatang monajiüt ocueaj Persia. ⁶ Ganüy wüx ajanüch tiüt chetem marang nenajiüt Asuero nejiw tatüniw justis tarangüw tiül nawiig go matnej meawan nipilan Juda at Jerusalen. ⁷ Aag a güy tajlüy tatow ajlüy minüt Artajerjes gomeag Bislam, Mitridates, Tabeel aton aquiej püw nejiw tarangüw wüx nawiig majchiüw Artajerjes. Wüx Arameo tarangüch aag a nawiig aton amongochiw andüy wüx alinoic ombeayeran. ⁸ Rehum natang tiül montsoj at Simsai nerang wüx nawiig tarangüw atcüy majchiw Artajerjes andüy wüx Jerusalen. ⁹ Ganüy Rehum, Simsai maqiüb aquiejpüw nejiw netangüw nenajiüt nejaw wüx justis at alinoic ajlüy monajiüt nieng Erec arang nenatang, Babilonia aton Susa tiül Elam, nejiw tarangüw nioc nawiig ¹⁰ tajgottoj cambaj macüliw tiül Samaria asaj nejiw Asnapar nadam tiül at xeyay ajneaj omeants, ajquiej püw monlüy tiül nine cambaj queaj najlüy ndec. ¹¹ Agüy noic nawünich wüx leawa narangüch nawiig majchiw Artajerjes: " mi monrang najiüt nej, monxey najlüyiw amb alinoic ombeay ndec, tarangüw agüy: ¹² Netam najaw minatang nenajiüt ajcuwa Judios leaw naow najlüy ijlüy lawüitiejow ngo matnej tiül Jerusalen atqueaj andiümüw mawütchaw nioc cambaj gomayar nandearac. Nejiw lamatondochiw aag coet atan lamasojquiw tiüt oleaj. ¹³ ganüy netam majaw minatang nenajüit aag a cambaj cüy larangüch at otüng coet lapalaw, nejiw ngome apmangüyiw müjchiw tomien, tengüy apmayacüw tiül nael montang monajiüt. ¹⁴ Naleaing naleaing wüexen xicona tanatien quiniec naw tiül awan, güy nicuajind gomeag netam najawan xicona majlüy mawaijchaw nej minatang nenajiüt. Ganüy aaga tanndiacasan wüexen gonaw majlüy nasajan minatang neanjiüt ¹⁵ Atquiay mayamb nieng ajüiquich tiül nawiig oceaj miteat nej atan netamb mbich meawan cos altiül noic cambaj gomayar nandiarac cos apmayac ngo majneaj tiül minatangüw monajiüt nejiw at tiül namix cambaj. Cos lamayac xeyay nael tiül montang monajiüt at namix cambaj. Aag ayaj monqüy ajgotmiün tajlüy nomb, cos aag a cambaj dajriiüt. ¹⁶ Ganüy salien wüx nasajan natang nenajiüt setiül aag a cambaj cüy atan coet larangüch, mbich nicuajind ique apmeyar ninguien iüt najlüy lamb." ¹⁸ queaj minatang nenajiüt tandilil müch mamb nioc nandearac poch masaj Reum aton Simsai at aquiej püw nej nawüw Samaria atan meawan leawa almajlüyiw niguien menqueaj mbeay lamb: "monajneaj majlüy tiül icona. ¹⁷ Aag a nawiig tendililean mejchiün xic lamongocheran andüy wüx alinoic ombeayeran at tatiowüw xicueaj. ¹⁹ atan menqueaj, tayacas wüx majaraw ton lamong nüt tanaxomb nejiw landoj arangüw andiümüw at ajcüyiw gomandiemüw mayariw andeacüw montang monajiüt.