¹ Quiaj Hageo nendeac andeac Teat Dios at Zacarias, micual Iddo nendeac andeac Teat Dios, tandeacüw wüx minüt mi Dios Israel masaj ajcüw judíos monaw Judá at monaw Jerusalen. ² Zorobabel, micual Salatiel at Jesúa micual Josadac, witiütoj at tamelichaw marangüw nangaj iüm tiül Jerusalén maquiejpüw ajcüw profeta monbeol nejiw wüx. ³ Quiaj Tatnai, aag nejiür najiüt tiül cambaj nenüt necam lam, Setar Boznai at aquiejpüw nejiw tiünuw at tasajüw nejiw: "¿Jane neech icon aag a nawiig mirangan aag a iüm quiaj at mipalüchiün aag neyey tiüt cambaj a?" ⁴ Aton nejiw tandeacüw: "¿Ngün minütiw ajcüwa monxey leaw teamawitichaw tiüt aag a xeech iüm quiaj? ⁵ Naleain Teat Dios tenguial majaw ajcüw montantang ombas Judíos quiaj ajcüw moncüy majaw nejiw ngome tapalüw nejiw. Nejiw tenguial macüliw münd noic narangüüch nawiig teat natang nenajiüt ndoj aton mandilil noic nawiig mandeac naleaing andiüm aag ayaj. ⁶ Aag a nawiig quiaj aneay Tatnai, Setar Boznai at aquiejpüw nejiw monrang minajiüt natangüy nenajiüt Darío. ⁷ Tüjchiw mamb noic nawiig müünd natangüy nenajiüt Darío ayacüw tiül: "Ineay meawan aag monajneaj. ⁸ Ijiquichan majaw natangüy nenajiüt xicona tambasan Judá andüy tiül nangaj iüm ocueaj Teat Dios. Tenguial awiticheran naag nadamdam piedra at ayacyacüw xiül wüx neyey tiüt cambaj. Aag a najiüt najneajay tenguial acül at teajüy teowixaw nejiw najneajay. ⁹ Sanatiün nanguiayiün teat montantang ombas: '¿Jane neech icon aag a nawiig mirangan aag a iüm quiaj at a neyey tiüt cambaj?' ¹⁰ Atmiün sanatüniün nanguiayiün cuane minütiw nejiw atquiaj ique mijaw minütiw nopnop monjaich nejiw. ¹¹ Nejiw tendeacüw at tapiüngüw: 'Mimos xicon aag Dios neneay iüt at mbas acaats nganüy tenguial nandilian nawitichan tiüt aag a iüm leawa tarangüüch lamajiür neat wüx aag a natangüy nenajiüt ocueaj Israel tawitich at tatondoch. ¹² Nganüy wüx xexejchiün tajcüyiw majawüw Teat Dios naw mbas acaats, Nej tayac nejiw teowix Nabucodonosor,natangüy nenajiüt ocueaj Babilonia, nej tajarrich aag a iüm cüy at taquiüb mamb aag a cambaj andüy Babilonia. ¹³ Atan miün quiaj, tiül nomb neat wüx Ciro tarang minatangüy nenajiüt, Ciro tajiquich noic nawiig atquiaj witiüm tiüt nangaj iüm ocueaj teat Dios. ¹⁴ Natangüy nenajiüt Ciro tandilil aag a oro at meawan narangüüch naag plata leaw nacül tiül nangaj iüm ocueaj Teat Dios leaw Nabucodonosor tawün tiül nangaj iüm Jerusalen andüy tempots ocueaj Babilonia. Nej tayac a Sesbasar, aag a nej tüüch marang natang nenajiüt. ¹⁵ Tasaj nej: "Ixainguiün meawan. Quiür iyacan tiül nangaj iüm Jerusalen. Mandilil witiüm nangaj iüm ocueaj Teat Dios." ¹⁶ Quiaj a nej Sesbasar tiün ndoj tayac a nesapüy tiüt nangaj mi iüm Teat Dios tiül Jerusalen; tenguial matajcüw majneaj naleaing mbich ngo naw ndom.' ¹⁷ Nganüy, ndot najneaj mijaw teat natangüy nenajiüt, iich mayambüch tiül niüng acül mi nawiig Babilonia ndot aliün majlüy noic mi nawiig natangüy nenajiüt Ciro atquiaj ndom witiüm tiüt nangaj iüm ocueaj Teat Dios naw Jerusalen. Quiaj ndoj natangüy nenajiüt müüch xicon najawan nguineay tapiüng."