¹ tatüch ayaiw caw tatow apeay tiül mi cambaj nej Israel, wüx candchietoj meawan tajücquichaw nop nej ajlüyiw tiül Jerusalen. ² Jesua, micual Josadac aat micojow nijiw ajcüw miteaats maquieb Zorobabel, micual Salatiel aton mi cojow nejiw witiütoj mawüitichaw tiüt artül oceaj Teat Dios mi Diosüw Israel ndom nejiw mayacüw ichechiw nejiw atnej lamapieng aaga poch leawa tüün nomb Moises, nop naxey oceaj Teat Dios. ³ nganüy aag artül tayacüw nandan nieng lembej, cos aag a mbol alwüx nejiw nipilan tiül cambaj iüt queaj. Nejiw tayacüw nandab ichechiw nejiw umban arraw aton andüy wüx ongwiiüts majchiw Teat Dios. ⁴ Nejiw tajawüw cuane nangox nüt nasoic iümtaag narangüch tiül nawiig aton tayacüw nandab nichech nüt nüt miün atnej netamajlüy, meawan tiül minüt nej apmarangüch. ⁵ Aat nej arangüch tajlüy nandab nichech meawan nüt aat wüx caw aton ajlüy nichech wüx ajlüy nangox nüt oceaj Tiat Dios, aquieb tiül jane andiem müch ichech nej aton. ⁶ Wüx amelich nüt ayaiw caaw miteaats tayacüw nandab nichech majchiw Teat Dios, aag a güy tajlüy wüxan ganaw witiüm tiüt nangaj iüm. ⁷ Atqueaj tajndiw plat acüwa nerang iüm aton nerang najiüt wüx xiül; aton tajndiüw nüteran, anganiowaran aat aset majdiüw nipilan Sidon aton Tiro, atquiaj nejiw ndom mamongochiw aam tiül ndec napac xiül nasoic cedro imiün Libano andüy Jope, atnej tasaj nejiw Ciro, minatang nenajiüt Persia. ⁸ wüx tamong amb ijmbüw caaw amb ijmbuw neat apeayiw tiül nangaj iüm ocueaj Teat Dios tiül Jerusalen, Zorobabel, Jesua, micual Josadac, aton meawan miteaats, meawan levitas, atan nejiw leawa taquieb aranüw mamb, tandüyiw tiül Jerusalen, tarangüw najiüt. tayacüw levitas leawa nejiür nimiow mi neat nej andüy cawüx majlüyiüw wüx aniüng Teat Dios. ⁹ Jesua tayac micual nej aton micoj nej, Cadmiel maquieb micual nej aat mixejchüw Juda majawüw wüx nipilan marangüw najiüt anieng Teat Dios. nieng ajlüyiw aliw queaj mi xejchiüw Henadad, mii xejchiüw nejiw aat aton levitas. ¹⁰ Monrang najiüt tarangüw oleaj nangaj iüm oceaj Teat Dios. atqueaj nejiw miteaats lembetoj, canaag apixaw nejiw atan trompet, aat aton levitas, micual Asaf, matamüüjchiw Teat Dios conaag cuiling netsüen soen, atnej owix David, minatang nenajiüt oceaj Israel atqueaj lamapieng marangüch. ¹¹ Nejiw ajiüngüw arangüw casa at majchiüw monajneaj Teat Dios, "Nej Najneaj Nej" aag a poch leaw almajlüy meawan nüt, tanaam ayac wüx omeants nej Israel, meawan nüt almajlüy. "Meawan cambaj tandeacüw napac apajüw nipilan araangüw casa Teat Dios cos oleaj nangaj iüm laandan ayacüüch. ¹² meawan ajcüwa miteaats, levitas, natangüw xexejchiün atan montaxey landoj majawüw tanomb iüm, wüx awitichaw tiüt oleaj iüm tajawüw canaag oniejcüw nejiw, nejiw tajiütsüw napac. naleang xeyay apajüw ajiütsüw cos apac omeaajtsuw aton noic soen najneaj. ¹³ Doj wüx gondom mangüayiw gün tiül najneajay soen aton müüch mapac omeaatsüw nipilan aton tajiüntsüw, cos xeyay nipilan tepajüw napac nadam apac omeajtsüw atan anguialleran imiün menquiaj.