YESUS CONG HIUTARAI WAHUHI KUSTA ¹ Ine Yesus bia na wiwati, pitau hiuntarai kawasa hendakonti ² Remuho hiuntarai we huhi kusta ria bu hia, cuang na aropong kewyo bu. Baba coyo bijong pang peha. ³ Yesus cupitai na warang tekatatoti mae kewyo ma coyo yopanang nawawi cewa pana waui hiuntarai kusta pai. ⁴ Yesus kewyo bu hiama. Rengkakepani mae borari piha bu hiuntarai wampai pe. Pikari ria rehani Ibu woming himi we botuwa bu musa poyawehia. ⁵ Mara Yesus mekowana kapernaum. Hiuntarai rerwira riama cewara buhia. ⁶ Kewyo baba woming pai piaya anti watana manu mae we buoi roa netarai ⁷ Yesus kewyo bu yia, yau ingkai rama yoni penan waru ⁸ Mara perwira pai kewyo, babayoa pai coyo, ingkai katu weheneng tatota poya pa punang ⁹ Impai na yatatomara hiuntarai wenetodak kong rai, hengkawyo bu korisi, rua bu woming wane kwyo buri buong pararia pe pinine. ¹⁰ Pa Yesus tarahoa, newa kewio bu huntarai wewe irakonti, imbaromi payai yau wo yariu woming baba pehina hiuntarai. ¹¹ Ya paya bu hia mara hempau hendama na rewu muran-wanang ba, mahoi baba na surga. ¹² Wape ariang wewenana mahoi baba pai, heng kai hia to weberorang pai na wampa hening henteremi. ¹³ Yesus kewyo bu perwira pai, rua poya imbaromi hendoa, na wai woming pa penang. wawing mertua petrus kiong hiuntarai kasa hempang ¹⁴ Mara Yesus herea na Petrus bye manu. Reho hawani mertua Petrus wita wemanu. ¹⁵ Yesus terara riu na wawing pai, panang pa manaing mara tewaha hiomi Yesus. ¹⁶ Piana curu to hengko kawasa huntari wewe hetonung totu marawang mae cijha wemahi wau na kawo korisi mae cong hiuntarai we huhi wai hia. ¹⁷ Imbaromi aitato we woming we hanong Yesaya peapai anti cong hora weta tapa kong cong huhi ho tata Yesaya 53;4 ¹⁸ Hanine Yesus reho hiuntarai kawasa hembicori, iwo cong hora peha wo heto hemati to hawaru wampa. ¹⁹ Mara hiuntarai pintar riama kewyo bu woming pai rua nupanani orakontau. ²⁰ Yesus kewio bu hia coyo kasiwori kong aya hene rotang mae hiuntarai pahia henetapa hetariuana peha wa. ²¹ Koris na siyeng nye woming pa kewiu bu hia ma coyo Tuhan yewara kontau ra harai amai wo. ²² Mana Yesus kewio bu hia, rua kong yau wekaria pa hia hesarai hia we hiuntarai pahia YESUS CONG COBARA PA MERIORI ²³ Mara Yesus cota ho wawati syeng nye woming hia henda konti. ²⁴ Remura cobara babana tobai pai mara wa pitau wau tarowa wakepana, mana Yesus cena. ²⁵ Siyeng nye woming, hendama, hembanne Yesus maeimbe tanai peinine. ²⁶ Iwyo kewi bu hia pitoi mematatine, mia woroa hoa pe hana miwae? mara vera wara tabung wanang pai tobai pai meriori. ²⁷ Mara hiuntarai hetarokituya inte kengkawyo. Hiuntarai pitoi tina wyo wanang kong tarowa ne manai pai na. HIUNTARAI GADARA MARAWAN CONG WAWERI ²⁸ Impana Yesus biana tobui gadara hiuntarai koru hundana papowane wuramioming webisa hiuntarai peha henda raweng rapai wa. ²⁹ Remura, weanana pai, kewyo pitoi kuonggama ne hapeina ingkai au ariang Allah? ruama bung wehunawa ra hawane. ³⁰ Nya woroi mara rera marandama baba asurang pa hia heta we roweng. ³¹ Pimadi hetewara bu hia mae hengkawyo hetoyo botuwa ama mamakowa to asurang wane hia. ³² Yesus kewyo bu yara ma coyo menda hemati. Hemakowa. na asuran pa hia, interi bohua hia hentawa hengkai to maria pai. ³³ Hiuntarai we woming pai kio asuran pa hia, kio henetarai hemakowa to bender. Hempayai pitatu mantau mara hiuntarai pimadi pa. ³⁴ Hendehoa pi bendar pai meti teriu. Yesus mara Yesus cewara riara warui hia.