¹ Paina mekowana hawati,Yesus hembora hembia na bendar pai. ² Hendeyo hengko wepaya nei witana piwecena pai hendoho nye roahorwau mara nye sasar paomanaing . ³ Mara hiuntarai wemamarang hengkahiowi ne hesanewai hiuntarai nine kengkani au. ⁴ Mara Yesus pioturi ho hanetatota hempau miawo mamuna na mesanewai pa,coyo pitoi mesanetatoti hiuna watona mesanewai pa ding. ⁵ Mara weworu pehi kewio, sasar piana marandeng to mana kewi towaha rua.? ⁶ Mboromi miawo membetau wona nunei ariang hintarai pehi hak rio sasar, mara Yesus.kewiobu wepiayapai coyo towa kuo piwewanapai kouri rua. ⁷ Mara tewana ria wewu. ⁸ Interi hiuntarai kawasa hendeho piampa mara heta parandinau Allah piami weong roahoa pa we hiuntarai. Matius Pengumpul Pajak Menfgikut Yesus ⁹ Mara Yesus meti ria interi reho Matius mehoi na heindiriui cewara interi Yesuske wio ma coyo? rakong ta inte Matius Tewaha Ria Kong Yesus. ¹⁰ Na hawe Yesus mehoina manu rarong pai,remuho pitau weruruo ai wewara na kawasa we sasar rima mehoi campi kong Yesus nye manarua. ¹¹ Nana kawasa parui hendeho kawio nine hia hengka wiowe syeng nye atatuwara pitoi wawing pai campi rurui kong mahoi we ai wewara hiuntarai we sasar. ¹² Mara Yesus taraho kawo tehawa kewio coyo panang ariu wewihieng piwai mara imbe huhi. ¹³ Menda metanyau pihoi ne hanehoa yai rama ha hiuntai wewemahi woh hiuntarai sasar. ¹⁴ Mara wowing Yohanes hendama,bu Yesus hetutang ama kong hiuntarai parui matong kakari noi,mae siyeng nye woming ne hia piwai ne. ¹⁵ Yesus kebwio bu hia,metaruiti hiun tarai bwe karia riuang muang hengkong we anona we muang wehengkori kong karari. ¹⁶ Webisa ei cewa hare waworu kong harei tawa,wo cawana wau ingkai mararang wau baba. ¹⁷ Iwo hiuntarai pehi anggur waworu rotan tawa.ingkai kantong tawa tehabu,mara anggur wati hioro warui kantong pai femeroya,mana hetemanuha anggur waworu pai imbaromi buong bicori. Yesus Cona Hentawa Cong Hentawa Waru Hu Hi ¹⁸ Mara Yesus peyai di ninewehia,mendeho wowing manuari riama hiomi mara kewio antung wawing inte keria pena mara inte riama teka narui wawing mara wihieng. ¹⁹ Yesus tawaha rinkun hintarai pai. parari nye wowing bau hia. ²⁰ Remuho hiuntarai wawing we huhi na haruha koru puria pehi,kike Yesus na karudui maengkatuni na juba wati mara penang. ²¹ Waei ne pea we neterai pai miehari ma coyo yakatun juba pai mara panang. ²² Mara Yesus Tedai weri arota wawing mae kebwio hane wai ne buoni metui mara kateha rea wawing pai penang . ²³ Inte Yesus herea na manu woming airipai haha rabiang werotu. ²⁴ Kebwio bu hiuntarai hia ma coyo arian wawing pai keria,piwai wo cena mara hamari Yesus. ²⁵ Mara hiuntarai wepau wau hia hetuna hia hemati, Yesus mekowa riuna ariang ne mara tewaha. ²⁶ Hemberoang kawo wau hatera na du wati. Yesus Cong Humbe Koru We Humbe Kami Kabe ²⁷ Mara Yesus meti ria,teriu hiuntarai koru hunda konti wape harunana,hanemuho aru,arian Daud. ²⁸ Interi hina manu wati,koru werepopu wau haru huno ma horutang hia huroyo mia wo mendoa hoa wae yawo mane roa hoa peha wae,hengka bwio bu piami. ²⁹ Inte Yesus tekabu hendekami wau ma coyo parari peimene roahoapa. ³⁰ Inte hendekami marera, Yesus wemambiri hane kakepang hia imbarom eha hendeho tatana pi neniwa. ³¹ Mara hemati hetong pearenta ho Yesus ria wari nu wati tentenang. Yesus Cong Panang Ho Hiuntarai We Mowi Pai ³² Ma hiuntarai koru humati hunde ra,ho hiuntarai hengko wemau wewe hane rabong berui bu Yesus. ³³ Mara hanewai webaru wati meti wewu ri hiuntarai wemowi wati kewio hintarai kawasa hentatumara hengkawio,mahetoyo pinine eha tawahana nu Israel ne wami. ³⁴ Impaina hintarai parisi hengka wio ma hetoyo iwo cuha hinyo sanewai we mamuna kong hasane wai we mamuna. ³⁵ Yesus meti riatatera na bendar kong pandu wau mae tenyau hia,mae peai anyau mamarang nei . ³⁶ yesus reho hiun tarai wepau iwo haneho hia ho hembe rarapai na mae ting payai mamarang nyewoming pa hia. ³⁷ Mara interi kewiobu manarua wau hia coyo romi wane wo piau wape wewe hetaruri wanehia wo wempau wa. ³⁸ Impaina buewara bu piami peiti wo ante nye romi pai pa, ho wewe hamaya na romi pai pa.