1
Kewio remuho kutu kawio ho eipe waromi hengkutu kawio ho auwa.
2
Remuho kutu kawiyo mar ingkau hengkawio au talo remuho buong aitatu bintata ei mara ingkau hentato au tato.
3
Pitoi conama remuho ai keheng nemeta wampai rekami wanei ne mae remuho ai taba wena mantau rengkami nemu wati.
4
Ma pitoi cona mangkawio we meneta wenaima topiamara yang kang kehapai wurui renkamipai wape remeho ai taba wena rengkami pai.
5
Hinyotarai wemahoi kutu pampinong kawio buo balok pai warui rengkami pai mara ingkai remu hoa na wemahi ma buong ai kang kehang paitari nemeta wang pampai rekami wanei.
6
Remuho buong piwe mamara ne wona hia wa remuho hua mutiara pai bu asurang waromi hendeho hentataripe ma ingkai nana ayeng tedai werima Keri Haha Buau Au.
7
Buewara bowe tuowi.buewara pi wawau ingkau hetana weau bowe ma ingkai boriuta tuowi mara pi wawau ingkai wehepa we au.
8
Tutu hinyong tarai we emara ingkai hetona wei ma hinyongtarai we awe ingmehepawei.
9
Nana miaimara matei antung cewa roti mara cong kami pai we antung paine.
10
Ma ei antung pai cewa tiang ma hani cang pinamunai wa? huraha korisi paina hinyontarai manuma wau hia buong topi
11
Ingkai con tapi nani ho nye ariang bau hia pi we bouna wahien we syen na rora Peiti ingkai cong wewihjeng we mia we meteriauta we matei Anjau Wekorisi.
12
Nana pitau wawe tasane kangkona hinyon tarai hetona we au na wawa tato.kamu lakukan we eha kia tutu wawau mara anjau tarai tarau anyau wewe mama syen je womir.''Ran We Rabu Wewihjeng.
13
Moko mana angture baba wewihjeng ma weluas we rang wewe rabu wewe hunawa madupi hja hemakowa.
14
Tutu ticu angture wewe ticu we rabu tica rang wewe rato wewe wihjeng ma kakosisia hjona hemakowa napa.''Aninde Waromi Hamenikakep Napa
15
Ingkai tasanekakepana woming weang kakar wera tutu hesasun dombas wepa tarai hendemama hemparari serigala wewe barui.
16
Nana boungpai me mendewerong hia tandeh hinyontarai wewe ruru buong anggur nana wewe arora kara wewe nehina wurui pitangtanang wewe nehima.?
17
Na wawau mara ai wewe wihjeng weong buong wihjeng mae rabong banei nawa mara ingkai cong buong.
18
Rabong we wihjeng wenai hani cong buong hunawawai wa ma rabong we hunawa wanei hani cong wewe wihjewanei.
19
Nana rabong wewe ong buong wewe wihjeng ingkai hendobomi mae hengkai to ati rarong wa nei.
20
Ma na bung wanei mara ingkai mandeweroan hya.
21
Hani hinyong tarai pitau wawau heng kawio syeng nyati hemakowa na maihoi rora peitipa wape hinyontarai wewe omparari amai nye kawio anyai na rora peiti.
22
Na ha wawati hinyontarai pitau hengkawio we syeng-syeng ama wa mangkawio kawio aninde nana hanemupa ma hetuha wewe hunawa nana hanopa.
23
Ma ingkai yong pitau mangtaung we mamara nanas hanomupa ma ingkai kong wewe wihjeng peha ya reweron miawa mande wurui ,''Renane Mia Wo Motong Sasar.
24
Na wawau hinyongtarai wetaraho kawio aneta ma hetom pararia.hiati hemparari-hemparari hinyongtarai wehane koowang wewe ong manu cuna kami wawong.
25
Mara interi mama bia,ma we poha kiong wanang riria manu wati wape manu wati wape cawawa tutu coni kami wawong.
26
Ma hinyontarai we tarai ho nekawione me hetong parariawa ha pemparari hinyontarai we hani koang ba wewe ruaha manuna nyapa wawong.
27
Interi mamang bia ma wepoha kong wanang riria nyo riri manu wati mara manu wati tebari mara pitau mantang matota.
28
Wawau mara Yesus riara kewio pitau nine hinyong tarai wepau ho anya a wau.
29
Nana tenya hya parari hinyontarai wena paja wa parari baba wewe kutu kawi hyawa hentutuma