Anyau we heto nanu hara
1
. haneng ka kepang pitoi ko wiori na hinyon de wepau hende napa remuho kowiori we imba ro eha hendehoa toping mara imbe amai na sorga cong wiwai we au wa.
2
. metong sadakah peha , membui trompet hoa parari hinyuntarai we munafik hetonana sinagoge-sinagoge (Gereja I, rang terang imbaromi eha hetaparan ding na. payai wemahine wetopiang hya teru wiwai to.
3
. Mesane tato metong pieha we sadakah, hani warang cowiri reho pitoi warang cobatang conipa.
4
. imbaromi sadakah ainyuing Amai (tama mui) anti rehoa pitoi teinyuingpa
Anyau we Sumbayang (Luk 11:2-4)
5
. Meto membe sumbayang metomparari hinyuntarai we ompampinong pipe
6
. Meto membe sumbayang memokowato ahiri, hui antureang, inte we sumbayang bu tamamui wena rabiang weainyuing tamamui ti rieho pi we ainyumpa cong wiwai buaupa.
7
. Meto membe sumbayang, mendeho mengkawio, kawio we woroiwa wesisiorwa, mahiha pei hinyuntarai wewe rewe roang, Allah peti wa hetora, kawio hengkawiora nepau, paine imbe tarahoa.
8
. Impaina, wetopiang metong parari hya wa w, menta mami peiti riehoa, tarahoa pitoi metewarine.
9
. membe sumbayang topine
10
. Mai hoi pa rama, pihanentatota na nunei rama mahi rora pai.
11
. Buona weama, nahanei, roweang wepau.
12
. kono hoi tetara warui ama sasarne parari ama tato matorapapi sasar eha henempa
13
. Remuho pwika amabu awiwaweria pehape maepwika ana ama wapui we wehuna wapa tutu au nemu maihoi tutu pitau mang taung kira woroi-woroi. Amin" (Mahi).
14
. tutu miatato metira teta eha henesarsar Amai sorgawi tato tira te sasarpa.
15
. mae matirateta eha hene sasarpa wa, Amai tato, tira sasar me nempa wa.
Hentang piwa (Berpuasa)
16
. Nawawau metampi wa, mendeho mendekami pa huna wa pe parari, hinyuntarai weong pibatang wa, imbaro eha hen de hoa ma heto hembe puasa. Payai we mahi tarai ne bumia ma piang hetario wiwaito.
17
. meto membe puasa, mara metong maningho menjuandaupa mein tandau mendemi.
18
. imbaromi puasap ehendohoa wa. mae amai wemahoina nuweainyui kong Amai ti rieho pieainyui ingkai teweria.
Mendiriui Pito Sorga
19
. Remuho buang kikui piweau mamehari pi we ra nunei, piwekangkeng, were ima wa wemati tota wemana na hentota inte hemanana.
20
. Buang ririui pi wemantau au harta wena sorga, rabiang we kang keng ba kong were ima wa we matitota wemana na hentota hemana wa.
21
. tutu nu we pinemupa napa, henemu pai tato nya na.
22
. tandekaminewo mahihapi ma (pelita) impaina rengkami dea nentarai pai kuira dea.
23
. rengkami pa bwing de kakutua nentarai pai kuira berorang, mara dea wena au nya wato, wererorang wicoau.
24
. hinyuntarai pei hani nye syeng humbe koru wa woingkai heneko haru ehi mae hene sisyor haru ehi wa. mendeho mesyombe Allah peiti kong pi maidi pe.
25
. "Ai onama paya wemiapa, mesane karahyuwa waho, pitoi ingkai metang ete, pitoi ingkai metunang nine menetaraipa tato pitoiti ingkai mesasu nune, mene tarai wati memparandeni, wape anti wepie keto mesanenapa.
26
. Aya wehapo na rorapeti wo tentanangwa, ririu roweang ba, mana Amai narora peiti couni. hinyuntarai wau miawo, heneho mia raweina.
27
. Meteitana henekara hyawaripa piang kateha na nyerawa weriapa ne.
28
. Nahasung mesasunapapitoi cona mesane kara hya wa hoa ne mendera aipu wena mamapang wenebaba toa wane, hetong pieiwa, tuanung piewa.
29
. Mana paya we mia, Salomo na nyepitau mantaung wewihyeng ne hesuni wihyeng parari aipuwanewa.
30
. Hamueng wepuna hanei kamie hengkaito atiawaneira. wape Allah coung nanuhari, mae inte mia wohaneho mia raweina huntarai weroa hoa wape mia.
31
. mendoho mesane karahyawa metoyo pitoi ingkai matang ne ? ete pitoi ingkai matunung ne, pitoi ingkai maneng ne. Amai na Sorga rieho pitau wawan kuirato.
32
. Kawasa pitau wena nuwawong hetawe pitau wawau Allah na sorga rie ho piwe mesane wea wau.
33
. mana we pie keto metawepi mararisi na rora tutu memahi wena wau ingkai cong patau wawauma.
34
. Impaina mesane kara hya wa kamiei wa wokami eitutu, tutu pinye wane, hapai tutu pinyeng wane.