¹ Hendeho hinyontarai we pau wau hia, Yesus couta to hubu wati. Were konti wauhia henda buri ma. ² Interi tenyau hia ³ We piboki we hinyontarai wene hametato we mahi pei wa hya hene mararising na rora. ⁴ Wepiboki we werekuru tawapa hia ingkai hembawari hia. ⁵ We piboki we panang hamewai pahia ingkai hia hene mararising na rora. ⁶ we piboki we wawihi werau parai we mahi ingkai hemohi. ⁷ we piboki we wene hamehoa ingkai hetariu kanehoa. ⁸ wepibokki we hanerarong ingkai hendeho piami peiti. ⁹ We piboki weko wewiheng ingkai hetapo hiawa ariang piami. ¹⁰ we piboki we we hemung (hetong tatira). tutu we mahi pai ingkai hia hene mararising na rora. ¹¹ wepiboki we mia hentatipa mia heng kawio pitau wehuna wa homia tutu ya. ¹² memara rising kang kuna tutu mene wiwai tutu he mung tati nabi we pampong mia pa hia. ¹³ Mia wo hahi nu tina, wape hahi wati hei ma ruarung, patoi taintoni heimasuasung reane hembe panduni wato hengkai hinyong tarai henda hentatari. ¹⁴ Miawo wedea (maa) timia kota wetuna hubu hetai nyuni wa. ¹⁵ hinyontarai netata tang kai maa pehi tatanyuinina kabi piwaiwo cuna nu wekakawi woro dea ho nune (manu rarong). ¹⁶ Pui nemu wedea pai tato waromi hendeho nemu we wihyeng buona waromi hetaparanding piami peiti narora. Andi Dera Wemahi ¹⁷ mendeho masane tato yape rama nine rama we yongnanuha kawione. ¹⁸ Rama paija tarai batang ne wemia rora kong kaheopa hunai wape iota korisi kong he nduri kutua naiwarui. ¹⁹ Impaina, matei condandemi kawio korisi na we moma nine interi tenyau hinyong tarai pehi wihiea we hurong piwe mahiwa kuira, ingkai hesa iwe wewe moma batang na maihoi rora mamarang. ²⁰ paina, paya we mia mahi wena kon mia pa wihieng Ahu Taurat Henen kon hinyon taraparisi ingkai mema kowa, maihio wena rora peiti wa. ²¹ Mentaraho piwe hempaya we tantapumi woriapa hia hetoijo tama muni wa mate memunah ingkai hengkorito. ²² wape paija wemia topi ning matei rea kehiou neta wau hia i tato con nasasar. Matei pea neta wauhia coyo membe tolol ita to cona na mananu wetaria. ei pe yai mia we mesane kaeng ita to nija atia naraka. ²³ topi yanapa huo ruato meja altar na wana pa hanen daho ne metai nije kawio kate kontau. ²⁴ puika pipi tau (yanapa wana) altar. wowu taweri ra nemetai mundu mumbarami inte towerira remuho nemu piwe buo bimba wori piami. ²⁵ Moraru, ru waramu kong hiyong tarai we hahari au rapui wane namune rawa waweria wane waromi we hahari au wanei pika au bu nye we barui wanehia hengkai auto wangka wanei. ²⁶ paya tarai batang ne weau. Na wanapa meti wa nua kio buai. Hinyongtarai weong sasar ²⁷ Mentarahoa tone, mendeho metong pamoinong mia pe (Berzina). ²⁸ Wape yo paya we mia, hinyong tarai pa matei riho wawing pehi interi hane wei mara, piampa cong sasar to (berzina) kong wawing wati na hanewai rarong to.