¹ Yesus meti warui manuari Allah. interi ria teru manarua henda hentuba tate manu ari Allah buhia kong iwyo cutan bu hia. ² Piwai keto hendeho pitau nine ? vai paya wetaraipa bu mia wowe buong kami peinine pikari wyata na kami pewa,weweimbe hembe hentotai. ³ Mara Yesus mehoi na wisaton pai,manarua henda hemehari inte hengkowyo, hengkowyo bu ama hanani mara pi yampa tawahane,mana ingkai pitoiwe kamang ne we taweri wo hapa kaipeinato. ⁴ Yesus kewyo bu hia mendekakepana waromi huntarai peha hetong wawicomaiwa. ⁵ Wape kawasa wehendama wa hanopa mae heng kawyo ma hetoyo ama wo krutus nama.mae hetong kawasa hindirai. ⁶ Mia wo henturahoi rai peha kong arai we hempai rai pehi mande kakepana waromi mia wo mematai wa wo pi wawau imbtawaha, wape hapeina wami. ⁷ Wo pandu pehi hetawaha hemamuna we pandu nani mara ingkai wawihi kong mundi ria nunei. ⁸ Kaima nawepang pumpa wo we huhi hetuwing ⁹ Interi hetong mia bu wewe sasar wane.mahemung mia,mae hesanesung mia wa na pandu ne wo hanopa ai na. ¹⁰ Na, hora wawi kawasa hendama henewara, kong hesane kakepana kong hengkanyuhu via korisi na eha wau. ¹¹ Wowining pampinoma yatihenda ma he hetong hasiong we kawasa hiuntarai wepau. ¹² Impaina hura inte pau rama ongnanuhara hiuntarai wo oparimang. ¹³ Konta hiuntarai we kora nunei kiai pa wo teriu wewihieng pai da. ¹⁴ KOng syeng nye maihoi ne iwo ingkai coni to nune we kamang we hendehoa na pandu ne mara interi hawane rama. Huraha Ding Babakong Kristus Hetong pampinama ¹⁵ Paina menderaho we umpa pinomi,parari wewe woming Daniel peyai dai cera na rahora wewekakawiri imbaro wewe hetatura hembetau weong pampinoma mara wehengkawyo ra mara henuahua. ¹⁶ Mara wehenana Yudea hengkai hembawu ro wiwati. ¹⁷ Maatei nyana manu iwa bia ra kio pine nana manu wanewa. ¹⁸ Matei ti nyana romi pai mara wewu taweri kio hasung we hesiomi. ¹⁹ Mara ingkai hasiung we hioha pahia mae wewe ong huhu na ha yampai wane. ²⁰ Home waromi wowu na,hawe parimang wape ha we kai wawi. ²¹ Mara interi we hunawa tawaha wewe baba maintai parai wewe tawaha wamipa nu pampong pi kong we tara na hamine wau. ²² na ha wempa ibetana mae ehe hembihie wa wo wewe riu pira wane hia, na hawe tanang pa. ²³ Mara hiuntarai reho wehi kewio,remuhui Kristus pampi numa. ²⁴ Mara Kristus wehetung pampinoma kong waming pang pinoma ingkai hetong kamang baba kong piwe tawaha peha ong, wewe hua parari wewe biria pa. ²⁵ Rengkakepani yai kawio buri paineha wami. ²⁶ Impaina hedngka wyo burau remuhoi iwo anti nya roni belantara wane ruato wampa wah cayo anti nya ahiri wane. ²⁷ Wape pararia pe wewe bieria pehi kiayana wanang maran pai dea wesampewanangba pararia pe syeng toweri parai toara. ²⁸ Na rahura nani nehina pa nayampayanu ingkai hendiriui ²⁹ Ria mawe antung pai we hiuntarai na ha we hasiona wane mara wowedeane berorang kong hembai dai hinyau hentawa kong piwena kora peti pa rirora Yesaya. ³⁰ Impaina raming antung we hiuntarai ingkai riana rora peti keret wenana nunei ingkai hesanekara hiwa teri hendeho antung ma hoina mandep wane kong mei na mandep wane kong ha we baba. ³¹ Na nye hartuwara wau hia hengkong rapui rere pakarari kiong hia mara hendiriu pitau wetiria na nu rewo pato kong nu rora rewu eha wane. ³² Impaina metanyau mandeho arai na ai ara wane wo arawang wena kong rung wan wakamamara mebetuwa ra wo nawe mangka kopi kikieto. ³³ Mendehoi pitau mantau nine,tawaha mara membedekakekepaana piana kikiketo. ³⁴ Porawaya ma yoyo payabuhia mae voyo hora nine wo ingkai ai karwaruiya parai piwe ai wanepa. ³⁵ Rora peti kong nunei iwo ingkai manaing mae mamarang nei iwo kiri wa. Hawe Siyeng Antung Wehiuntarai Wane Riama Pa ³⁶ Paina hawanekong apa wane,tata wo tandina wa atutuwa na surga wane hia pawai kong antung wa ne piwai wo tamani mataung. ³⁷ Parai peipiwe tawaha na pura Nuh pai parari hawe antung pai riama pa ingkai tawaha. ³⁸ Parari andei ha we piriruitu riutu wami hetampi hetanung hendiriau werora parari nu pa merowa ho Bahtera. ³⁹ Kong hia wo heto henda hoa wa, wekora Maria baba riama cupi tai hia henkai parari syeng nyeha we antung wane teweri wau ingkai pariak. ⁴⁰ Mara hambe koru na romi wanei harewu korisi hingkai kioripa mae hanuepai wewuri. ⁴¹ Wawing koru huna hundoya kami mara harue kiori kong korisi kiori tato. ⁴² Imba romi boma mang wewona hawe siyeng riama wa ne wa. ⁴³ Impaina boma mang wei wo wane manu yo ingkai riama,mara imbebomani woriama cocotai. ⁴⁴ Impai na mia tato meta mangwo siyeng we tamoa nei riana hawe tambetau wa. Wowing Wehiomi Kong Woming Wenkunir ⁴⁵ Imbere woming pai nyana kong wepandu weria wahara na manu weong roweang na ha we kai. ⁴⁶ Wepiboki wewoming pai tenong babayoa riama,babayoa teriuri nya congb pi rari hawewae. ⁴⁷ Pora mae kawyo bu mia ma wo hiuntarai baba pai riuwaha ra woming hia na pihenang pa. ⁴⁸ Interi woming we ompampinumapai kewona hanewai pai coyo we baba yoa ne hiopan. ⁴⁹ Interi nunor wau nanrera woming pai ingkai riana ha we wetauwa. ⁵⁰ We baba voa, na woming pai ingkai riana ha we wetauwa. ⁵¹ Mara interi hengkori ra hempa baba hiji ,hengkori kong huntarai weong pampinoma.