YESUS HETAMANI PERARI ARIAN RAJA ¹ Nayabapa henda hengkike we Yerusalem he sarea na Betfage, na hubu jaitung Yesus tituwa nye woming humbe koru, kewio we haru ma coyo, ² mundato pandu we musarotara ra wampa munda mahaira ra ho keledai we hongka kahie pehi tutu antung pehi. MUng ketu hene arorapai interi mungkori bu wu yato ninema. ³ Ehi co cutang maru mara, mu royo, Yesus wepanduni, ingkai ⁴ Pini nane tawaha waromi, pi wew Nabi hempaya mahi. ⁵ Poya we wawing Zion, Remura,'' Nemu mananu riabu au mawane. Cong hanerarong tewawa. ⁶ Woming wauhia henda hetong parari piwewe Yesus peyawe hia wane. ⁷ Hengko keledai pehitutu antung wati, hembora hene hasung baba wau na keledai-keledai kara hina wati interi Yesus coutara mehoi na. ⁸ Hinyotarai pitau wawau hia mara, madupu hembora hene hasung baba wau na rang bati, aha wau hia hemperang ka kutu ai kakauri heimbora bati ⁹ Hinyong tarai madupi henda pampong! eha hia henda tatuwari ma hetoyo hosana we Daud antung pai! wepiboki weau werana piami hamongpaau. HOsana na nuwe tariai. ¹⁰ Yesus mekowato Yerusalem, pandu wati hiuruya hetutang ma hetoyo mate tina. ¹¹ Kawasa wau hia hengkawio mahetoyo iwo hinyontarai baba. Baba Yesus riama Nazaret buga lea. YESUS RIOTATA ALLAH NYEMANU ¹² Yesus mekowa piami nye manu wati cuta hinyongtarai we wena wewopi na. Piami nye manu wati, interi biari baberi patahentoi na we heinjuang pata we hemahoina wewe wo aija mandung wau hia. ¹³ Yesus kewio wehia macoyo, piampa hentoito. Ne manunei wo ingkai hetapoi we manu Hesyomi wape metong beri we manu monana. ¹⁴ hinyon tarai we repipu we piaya henda buri to piami nyemanu wanei, interi conghia hempanang. ¹⁵ Topi yanapa, weweriung na imam weworiung na we mamaha ho taurat hendehopipi tau mantau we Yesus conapa inte hendeho ariang we kawio na piami nye manu tarongpai, we piboki Daud nye ariang pa au. ¹⁶ Na yanapam, he tutang bu Yesus, paina taramuhu pi wewe ariang ne hempaya wene? Yesus biaha hia, paina miawo miawo metatora wawin ne, namaria ariang we wehesuhu hiapa hia pianapa, buong hiara hemanyena we nentarai nemu wati? ¹⁷ Yesus pikahia hena na Galilea bet tanua cena na wanapa. ¹⁸ Hanei na hamieiparimo Yesus teweri to Betania, Yesus wewihi ¹⁹ Na yanapa rieho ai ara pehina rang tereng ria riehoi mana teriu pianeha na wa raungwau mantau. Yesus kewiowe ai ara matimacoyo imbe webuong wa ba kio woroi woroi mantau na yampa di ara wati miaha ²⁰ Yesus nije woming pitoi cona mara ai ara wanei miaha na ²¹ Yesus kewio wehia macoya taraibatang paya we mia mene roahoa peha na mia mae mesane kikoraru wa mara ingkai metong piwe yonaho ai ara nei mehari wa wo ingkai mengkawiowe wi nina nei mara ingkai tepira merutu na hahirau mara ingkai pininane pararia. ²² Pipitau mantau we metewara na porapa mendoa hoa wo ingkai metariuta rahi ²³ Yesus mekowa bu piami nye manu wati, wewe riung we imam hengkong weweriung we hinyongtarai Yehudi hendaburi ma , mara Yesus tenijau kong cutang na roahoapa nani aino. ²⁴ Yesus kowio wehia ma coyo, ya tato ingkai yutang mia ho kawio korisi we ingkai metapoi, ingkai ya tato yompaya we mia ho roa hoa nani ai no intong pipitau mantau ning. ²⁵ Baptisan we Yohanes cona rana nanima na rorapeiti ete rana hinyong taraie, ta toyo rana rora na yanapa mantau heng kawiora na hena hetoyo, tato tangkawio, tato na rora, ingkai coyo topi yampa mara, pitoi cona mara mendoho Yohanis wane. ²⁶ Wape tangkawio tatoyo ra na hunyontarai mara tama tai hinyongtarai pitau hetoyo Yohanes wo hinyontara babatina. ²⁷ Hengkawio we Yesus ma hetoyo mandina wa na yanapa Yesus kewio, coyo topiyampa mara ya tato imbe paya we mia ho paya nani aino intong pipi tau mantau nine. KORWAI HO ARIANG HUMBE KORU ²⁸ Hanentato ta nemupa topino, hinyontaruipehi nye ariang muang humbe koru. Tamani riabu wewe retenang wati ma coyo ne ariang pau hanei ruanto romi anggur wanei. ²⁹ Ariang nei rioa pata tamani raupui nemana riawa ³⁰ Topi yanapa tamani riabu ariang wehoru wati ma coyo, mairiai mana hane taweri, interi ria. ³¹ Na ariang koru ning haru matei rioaho tamani ne henkawio kuira ma hetoyo wepipui pai. Yesus kewio wehia ma coyo tarai batang paya we mia, wo, weruru pajak hinyontarai we hunawa ingkai hemakowa, piami nye maihoi wane hempampong mia. ³² Tutu Yohanes riabu miama na rang rarong wemahi wape mia wo weneloa hoiwa, wape waruru pajak kong weong pampinong hia, mia mendeho pininane mara nayapa mendoa hoi KORWI HO WENE ROMI ANGGUR KONG WEBAI ROMI ANGGUR ³³ Mentara maho korwaine hintarai pehi cong rami anggur, cong worwa wari romi wati herai ru pehi we hetoni we heintawa anggur cong menara pehi cong nye romi wati ³⁴ Marep aibong kikye weato wene romi wati tetuwa nye woming wau hiabu petanipetani wauhia hendirui buong aibong anggur. ³⁵ Wewe awu romi wau hia hentapu ehi hendora ehi he munehi interi heso ehi hokami. ³⁶ Wene romi wati tetuwa nye woming wau hia naria rea hempau kankuna warui we pampong hia wape petani petani hetong parari ³⁷ Wene romi wati tetu wa antung wati bujiama coyo mesyomi ne ariang nei. ³⁸ Wape nayamapa petani wau hendeho antung wati mara hengkawio waweria wehya mahia ma hetoyo iwo ahli waris mendama tamuni ma tangko nye papus wane. ³⁹ Hentapu weneromi wati hengkai tori warui romi inte hemuni. ⁴⁰ Topi yanapa wene romi anggur wati riama, pitoi petani petani wa hendama, pitoi ingkai coni peyani petani itu. ⁴¹ Hengka wei hetoyo ingakai hemung hinyong tarai we mamuna wau nai mamuna we huna wa ingkai wenye romi anggur bu petani petani we wihieapehia, wewe ingkai hengko nuong peha na marep ⁴² Yesus kewio wehia wawa metato anyau mamarang nei na eha wamin ne kami we tukang tuhang hengkaya wane ingkai wekami retenang pininane harea syeng rerawane pininane we ajaip na tanda nawane. ⁴³ Topi yanapa paya weau, piami nye maihoi ingkai heng ko waroi au ingkai heto wo hinyontarai we ingkai on buong wanei ⁴⁴ Madei cawa to kami nei wawonpai ingkai hembabahui wekehang madei ti kami nei teweau pa mara ingkai cawa. ⁴⁵ Imam imam hengko hinyong tarai parisi hentaraho kawio korowai wesyeng cona wau mara hesane rahoato, Yesus kewio hia ⁴⁶ Wape heto sahera we hentapu Yesus mana hematai hinyontarai pitau mantau hetorato Yesus wo Nabi tina. ABAR WEWEHO YESUS TEWAHA WAU