¹ hawopoi,maihoina sorga hengkorwai ho ariang karawing weko pelita. ² Hembeding hyawo hesane rapong wa, hedmbe ding hyawo hesane anuanung. ³ Ding wehane rapong wenenghya hengko pelita ne mana hengko maning peha kontawa. ⁴ Mae wewe hane rapong nehya wo hesoni maning hopi wawita peha hengko kong no hene pelita wau. ⁵ Inte mempelai ne hihyi ryama wau,hya kuira haye tainye na paihetana. ⁶ Topi angpararabing hinyong raipui peha rotu, mempelai muang ria mato memati imbaro metama mani. ⁷ Inte ariang kara wing wau henta waha hengkai pelita wau. ⁸ Wehane rapong wenahya hengkawiobu wehane anaunang nehya,''metong maning katehawe ama wo pelita manangne kikie moyo peto. ⁹ Mana wehane anuanung hetoyo, piawai ingkai mahi ama kong mia wa wewimpeino mendabu wewo maning wanehya imbaromi meta wayang we mantung mia. ¹⁰ Hentawaha hendewa hetawayangpe ariang muangneiriama impaina weamamang nehya hindiriui konti hendato ani ririui inte antureng hesuri. ¹¹ Pira ranto,ariang karawing werane inte hendama hengkawio hiupa antu reng nei waema. ¹² Mana wape, coyo tarai batang peya wemia,reweroang mia wa. ¹³ Topiang pa paina mesane kakepana tutu mendinari hora haw we rama wanewa. Korwai Ho Woming Hembetoru ¹⁴ Tutu maihoina surga mahihapi hinyantarai pei meti to nu we woroi, hya nye woming wau ya pika pinyemwau buhya. ¹⁵ Buhya ehi, cono talenta peding buehi nariatea talenta pe koru, bu ehinaria rea,talenta korisi. tetara parari peya wena hyapa inte meti ria. ¹⁶ Hinyontarai weko talenta ding nei meti ria, tedai wewari talenta wau, impaina teriu nari talenta pe ding konta rea. ¹⁷ Topiang pahi nyungtarai weko talenta koru nei tedai wewari teriu talenta koru konta rea. ¹⁸ Mae interi, wewe ariu talenta korisi nei meti ria biai kako panei cong kambirei pehi tedhinyuing nyewawe nyung nei nye doine. ¹⁹ Weruhuara rohara pei woming wauhene wewe riung nei riama cong atora kong hya. ²⁰ Wewe ariu talenta ding nedi riama,kio talenta pe ding konta coyo reuma talenta ding buana ho yapei yariu ding konta rea.'' ²¹ Wewe riung nei kewio burira,piboki kira woming wepiboki wemaya muayaho maiti cau wemomane,ingkai ruwaha au na piwepau,makowa bu mararising nema. ²² Interi hinyontarai weko talenta koru nei conda rema inte kewio coyo tauni wo buong tlenta pe koru hoya reuma yariu talenta koru konta rea. ²³ Wewe riung nei coyo piboki woming weong piwe wihyeng buong na nuhua piwe mai ticau nine ingkai ruwaha auhopiwepau peha mokowa maho mararising nei. ²⁴ Interi hinyontarai weko talenta korisi pai riama concoyo tuani rehoama hinyuntarai wekara kwaitiau koupinanu we totang nawa rai ryui ra na rabiang ruayang pikawi nawa. ²⁵ Impai ona mara marai impaina tano yainyuing neung talenta pana kahopa rarong. reuma pitoi nemuipa-pineumpina.