¹ Co,ionga a mosa datu photo na moango danga-danga a bhebhea a Mokonga na oma a bonjanja nnde a ka mokonda. ² Ka bondo unge dabacumi endeu nde dabapheki na eme.Oma a ka mosa-mosa a endu ndo debaoophana oma a bonjanja.Subia omando unge dhababhisi obhea,meja na mokati aopheo ka Mokonga. ³ Oma a ko i be da baoophana oma ka bodjadja phe.Mbhongo ambae aunge da katisani oma ndo aibe. ⁴ Subi oma akoibe ndo unge dadu na miki a menja nnde bakophei na olo katoboa gae a ophea.Datu photo na sanduku a i yonga nnde dabakombei na olo oma bhubhui.subia sanduku ndo datu na mbeka nde babongisigi na olo n'na na maana subii.Datu photo na Motumbo ndea Aloni nndea daphui maya.Datu na mbete nde Mokonga da dundu eophi nde a ke kau. ⁵ Gua sanduku,datu na iii a bakelumbhi ka phangia gea Mokonga mena boabi a o a.Baka lumbhi bundo imbio a kepupe a bo daongbukumia m'bombio aomande da baduka magia ka ima a bodjede a bakpa.Co,keke nde beketomieku nyongo ka u bhibhibhi. ⁶ Mbeno nde kemando bhui dadhondanigi ye,batobei-phea ndea Mokonga bangiaga esa bhi k'oma a ka mosa ka bhedanaga ekuma nebo. ⁷ Co,ntobei-phea angbongbo to aambe andiu aongia subi a oma a ko ibe mongo imoci ka saga moci.Ye,nn'aobhika mosa a Mokonga kanga a magia a nyama k'opheo a ka phoake sasake,photo a bojede nde bakpa bagi kanga a magia a nyama k'opheo a ka phoake sasake,photo ka phoa a bojede nde bakpa bagi kanga ubha i. ⁸ Bondo unge mema a Mokonga aphangi gea:Aphe a ngia k'oma a bonjanja phee kaukukanimbe mbeno nde moanga a mosa aphoto bei. ⁹ Nndo ande bea meni ka matu nnde.Ande gea te:Sadaka na opheo a banyama nn'aotoka n'atokisi bonjanja subi a mema a nkpa nde aobea moango ndo. ¹⁰ Nndo bhui atondo ka nyongo a kema a koea,kema a onoa na moango danga-danga a sokosa a bojede a nkpa.Kantiti indo dasungiigi ka mbeno nde Mokonga dabongisigi moango a keke. ¹¹ Co,Kiisito aambe akidi ka gea abe ntobei-phea angbongbo a kema anja nde aobhika.Angi subi a ema angbo nde ande a bonjanja phee konyenya ndo a mosa.Ema ndo,nna bakpa baunge babongisigi na njaga abo.Ande gea ta nna kema a ka mokonda nnde baconji. ¹² Nna gake ka nyongo a magia a buku a meme na magia a bamponjo a buku a ngombe,dabhisi ndhiu magia ake sasake ka phea,mpo a to ongia mongo imoci tondo k'oma a bonjanja phee, aosokodaga ka bojede nesu doni, beoba na boamia a meyo. ¹³ Bindo,asii asosi, baokpanjiaga magia a meme na magia a ngombe na ebhu a mponjo a ngombe nkei mmbe bantobu gu a bakpande ba gi bojede.Mpo bojede a ka nyama abo aotoka. ¹⁴ Co,kabe nndo bui n'ande doni,ande gea te magia a Kiisito a na bukpekpe phe konyenya nndo bhui. Nga,ka mema a meyo,Kiisito dabhisi ende a ke sasake ka Mokonga be a nyama aphe nde nna na kidoti.Magia ake aunge aosokosa ubhapha asu katoka k'aphe nde asobotea ka kukua,ka gea bembendanege Mokonga mmbe aoenda. ¹⁵ Ka nyongo indo unge Kiisito ande moonganisi a ionga a keke.Daku ka tokisa a bakpa a boyede nde da baogea u ka mbeno a ionga a kala.Ka bondo bunde Mokonga eophani batoka na batoi nkuba nde beoku nnde kaujukaneka. ¹⁶ Nga,omonde baoba a gabhisana a nkuba a bei,aanja boengekise gea nkpa nde adundu baoba ndo aye n'aku. ¹⁷ E ya,baoba a gabisana a nkumba a to na kantiti ambe mene i aku.Agake oba na kakumbe,baoba ndo ka bimbe na kantiti. ¹⁸ Ka bondo unge nanga ionga a kala dakakpangimbe kanga a duukana a magia. ¹⁹ E ya!Mosa datomi a bakpa bobhu moango danga-danga bindo eophi asosi, pho aobeda magi a mponjo a ngombe na magia a muku a meme,a photo obeda ibo.Aobeda gbutu-gbutu a me nde baophana isopo,aoboaga na mgoi anje,ao kanisaga u ka buku nde dadundu eophi subii.A photo ocadisiaga bakpa. ²⁰ Oa,n'aoyonga be,<> ²¹ Dagi photo bogu a eme na gu a nkumba bui nde daobhedanaga ne k'ekuma a Mokonga. ²² Co,ande bea bindo eophi asosi gea bojede bhubhui a to otoka ka duukana a magia.Aoba magia na kaduukanimbe ande gea bojede kaimikimbe. ²³ Co,kabe moango ndo unge aotokisa bojede a kema nde atondo iii ndo ana kobha,akeni gake kodoni a kema a na koba a be na phea nde a anja phee konyenya indo. ²⁴ Co,Kiisito dakangi oma a bonjanja nde bakpa bapheki na njaga abo.Nndo a to iii a oma a bonjanja ndoa doni.Angi ndiu doni na kobha,oma ande ye,keke nde a ye mami mosa a Mokonga ka phoasu. ²⁵ Nga,tobei-phea a ngbongbo ndea ba Yudha aoga k'oma a bonjanja phee mongo imoci ka saga bhui.Aongia na magia a nyama.Co,Kiisito kangi gake na koba ka gea abhise enda ake k'opheo mongo asii; ²⁶ Nga,atuoba n'abo,ambe datambigi mongo asii kpanga a konja a mokonda.Co,kekende ka mbeno a sungiaga,Kiisito aonekani to mongo imoci ka gea aime bojede ka bii ye sasake aku bea nyama aphea. ²⁷ Bii nkpa bhuake ato okua mongo imoci,mbusa a kukua Mokonga aotena nyongo neke, ²⁸ A to bindo Kiisito dabisi to nyama ake mongo imoci ka ima a bojede a bakpa basii.Asenekaeka goto goto mongo a ko ibe.Seneka ndo,kabeku ye kaima a bojede abande ndiu ka amisa abunde bao mbondeaga.