1
Eophi ndea mosa a to na imbio a kema anjanja nde aobhika.Nna gake ophangia kodoni a kema kau.Na nga bakpa bakuia opheo ndo ka saga bhubhui,nna tanda otokan'aimi bojede a bakpa nde baobhika mosa a Mokonga.
2
Atukoba n'aotoka, ambe bakpa nde baobea moango ndo, Mokonga aoima bojede nebo mongo imoci tondo.Ambe baka ye kooyoka batoa-bojede na bakatu ye ophuia k'etete a opheo.
3
Co,ka opheo ndo,bakpa bandiu okanisia bojede nebo ka saga bhubhui.
4
Nnde ande ka nyongo nde magia a muku a ngombe na muku a meme nn'aotoka n'atokisi bojede.
5
Ka bondo unge,mbeno angia a Yeso ka mokonda dayongi gea,<6
Opheo na sadaka a ima a bojede kaobengei.
7
Deyongi be,co,eme ye, nebiki ototokisa kema nde obe Mokonga okondi nga,bondo unge badundu ka phoani subi a buku neko>>.
8
Kiisito dayongi pho be,<>.Nga opheo ndo bhui,eophi ndea mosa to unge a sosi.
9
Mpo Kiisito a goto otutuisa yonga be, <>Oa,Mokonga aophuia mongo a kala ka bhisa nnde a keke.
10
Co,Yeso atotokisi kema nde Mokonga dakondi.Aophisa nyama ake sasake to mongo imoci ka phea.Ka nyongo indo unge bojede a ka mema asu aimiki.
11
Ande doni gea,ntobei-phea bhuake ao mamaga esa bhui ka bhedanaga ekuma neke.A photo ophuiaga nkoko a opheo nde nna tanda otoka ima a bojede.
12
Kiisito dabhisi ndiu nyama ake sasake k'opheo imoci tondo ka ima a bojede.Mbusa a i, aoika ka njaga a muku a Mokonga ka saga na saga.
13
Oa unge aobondea gea te, Mokonga aobhise babibia neke kusi a ecinji ake.
14
Ka sadaka ndo tondo moci,aina a bojede k'esa bhui ka bunde etangi batoa-bonjanja.
15
Mema a Mokonga photo asodigimisii bii a yongi pho,
16
<>
17
Goto,<>.
18
Co,kabe bojede n'aimigi,sadaka aima bojede nna ye na kantiti.
19
Co baya!Ka nyongo a magia a Yeso unge beke na ka ngaka ka ngia k'oma abonjanja phee.
20
Ye asokodei aphe akeke a boamia ka nyenyea bhongo a gbae a endu a Mokonda.Bhongo ndo ande nyama ake sasake.
21
Co,bena ntobei-phea angbongbo mmbe emamei batoa-Mokonga.
22
Kabundo,bembhiimisieni Mokonga na mema a kodoni nnde atumi na beekea,photo na nyama nde besokoni u na ibo nde a anja.
23
Beambeni akpe nsebeo nesu nnde beotomisiga mosa a bakpa nga,Mokonga nn'aotinganisa moko neke.
24
Beengani ka gea te nkpa na nkpa atotokise ekondi na ekuma anja ka dhake.
25
Bekedeketembe dhondanaga kimoci bindo bakpa buangbo baembani na deketa i.Bekpagisanegeni goto phee nga,boonigea esa a ja a Mokota a ye to bhibhi.
26
Co,aoba na bebeeki sekisiaga a bojede mbusa a ubha bhase kodoni,nna ye na phea nde abei ka ima a bojede.
27
Kema nde ajigi gake a to bondeaga a tena nyongo akpe nnde aobangisa,photo na nsa angbo nde eekekisagande babibia ndea Mokonga.
28
Bakpa babe babe kabe basao aoba na bamamei nyongo a nkpa bhuake mmbe datingiigi eophi ndea mosa,baommoa nkpa ndo kanga ngomi.
29
Co,bookanisia bo?Nkpa nde aom'benjiaga Muna-Mokonga, kakeni bantambisisege akpe phee?Nga,ye nn'aoona kantiti a magia a ionga nde aimi bojede neke,abhomi photo Mema mmbe asoubhisi bonjanja ekondi ndea Mokonga.
30
Nga,beomuubha mmbe dayongi, <>A goto oyonga gea, <>
31
Co,ande ngomi ka nkpa nde Mokonga mene a bukpekpe aotena nyongo neke akpe.
32
Kanisiani pho kema nde datotokeani ka benu mbeno nde dobotoi oanga ndea Mokonga.Mbusa a indo abhoa bootambaga akpe phee,bo gake ophiphia u.
33
Bakpa bunengbo sosobe anu dabakpangi pho bhoma abo na tambisaga abo mosa a bakpa bunengbo sosobe anu boogama bunde dabaotambaga.
34
Nga,dobokui ngomi dunde dabatu ka mekako.Bo photo obeekea na maseye uta a nkumba nenu ka nyongo nde dobouubha gea bona etoi anja phee nnde nn'auujukana.
35
Bokodeketembe nsebeo nenu nga,ka nyongo indo unge botoande ophendo angbo.
36
Co,akeni bobe na moingi mpo bototokise kema nde Mokonga akondi ka bondo unge botoande kema nde danooku.
37
Badundu subi a buku a Mokonga be, <38
Nkpa nde ande ntoa-doni mosa ani,aendande ka nyongo a beekea.Agake oba n'ecoe,mema ani kabeku na maseye ka ye.>>
39
Beke bakpa nde beocoa ka beekea na ga bungaga.Be ndiu bakpa nde bem'beeki Mokonga ka gea te asoamise ka mema.