¹ Beekea a Mokonga ande digimisa kema nde be ye to na besebei.Ande photo ubha a doni gea bekeoona atotokeanande. ² Ka mbeno a mosa,Mokonga daebeeki batoa-kala ka nyongo a beekea nebo. ³ Ka nyongo a beekea aunge beubhi gea te Mokonga daconji mokonda k'esa ake nga,kema nde beoona datotokeani k'inde nna oonekana. ⁴ Ka nyongo a beekea,Abeli daphui phea anja phee ka Mokonga konyenya nnde a kaina.Ka nyongo a beekea ndo unge Mokonga ayongi gea Abeli ande ntoa-doni nga,Mokonga dabeeki phea neke.Nanga bii Abeli aku ye,beekea neke aphoto n'aosophea. ⁵ Ka nyongo a beekea ndea Enoka, Mokonga dantoisi na kobha na kaku.Dakaonekani ye nga,Mokonga aambe dantoisi.Buku a Mokonga ayongi gea,mosa a ga ake na ye,Enoka daogea kema nde daom'bongea Mokonga. ⁶ Co,kanga a beekea nna na nkpa nde aotoka n'ekondisigi na Mokonga.Nkpa nde aombhiimisia akeni abeekee gea te, Mokonga a bei.A photo ophenda bundo baonkaba. ⁷ Ka nyongo a beekea ndea Noa, Mokonga dantomigi nyongo a kema nde dakaonimbe,aobeekea nyongo nde Mokonga ayongi kanga a ngaka,aoseka koko angbo ka amisa ake n'ekombo neke bhui.Ka bondo unge dateni nyongo a batoa ka mokonda akpe.Ka nyongo a beekea, Mokonga aontanga ntoa-doni. ⁸ Ka nyongo a beekea,Abhalaamu dabeeki mophani ndea Mokonga gea te,atoke ka nji neke age ka nji nde Mokonga damoku gea atoe u ka botiko.Abhulaamu aotoa kanga ubha oma nde aoga. ⁹ Ka nyongo a beekea,dage koika ka nji amoko ndo bea mokeni.Daiki ka ema k'imoci na Isaka na Yakobo bunde dabatoi to moko ndo moci ndea Mokonga; ¹⁰ Nga, Abhulaamu daobondeaga nji nde Mokonga daangi na dakumi ngeo i akpe mbeno a mopheko i. ¹¹ Ka nyongo a beekea,sala photo ka kophomi ake datoi bukpekpe a kumba a eme nanga bii datu ngomba.Datu bondo ka nyongo nde dansebei Mokonga,mmbe damoku gea te,abande ama k'ebokoti. ¹² Ka bondo unge ka nyongo a nkpa moci, mmbe daphomi ye to phee,aoba n'ebokoti n'abiki bea baseengoa na bea mbume a ka mpephe a obenge nnde nkpa nn'aotoka tanga i. ¹³ Subi a beekea nebo,baokua bobhu kanga toa a kema nde Mokonga deoku.Co bo,dabaoni gake n'a photo danga,baosesea u.Mpo baodigimisa gea,dabatu bakeni,nji nesu nna ka mokonda.>> ¹⁴ Co,bakpa baoyonga bo,ambe baphangisi bhase gea baokaba nji nde baendande ka u bea nji nebo a bokoteana. ¹⁵ Atuoba na bakanisi nji nebo a kala, ambe dabatu na mbeno aja abo ko. ¹⁶ Eya,dabakondi ndiu nji anja phee,ande gea,nji a n'ego.Ka bondo unge Mokonga nn'aokua na soni a ophana ake Mokonga nebo.A bo ka nyongo nde Mokonga dabongisigi ka bo nji. ¹⁷ Co,ka nyongo a beekea,Abhalaamu damphui Isaka ka phea mbeno nde Mokonga dantombisi ka digimisa a beekea neke.Nanga bii dantoi ngomu ndo ka moko. ¹⁸ Mokonga aongea,<> ¹⁹ Nga,Abhulaamu daoubha te Mokonga ana bukpekpe a jujukisa a nkpa n'aku.Ka bondo unge Mokonga dansikisii anake. Nndo ande bea mphangio a jujuka ka kukua. ²⁰ Ka nyongo a beekea,Isaka dabhiki njaga gu a Yakobo na Esau nnde atomi nyongo nebo nde abhikaeka. ²¹ Ka nyongo a beekea,Yakobo mbeno nde datu bhibhi a kukua,aobhisa njaga gu a bana-Yosephu gbogbo abo,aombhebha Mokonga n'etumii ka sese a motumbo neke. ²² Ka nyongo a beekea,babokoti a Mosa baonsomea ka basonge basao,mbusa a bokotena ake nga,dabamoni mbenje na anjanja.Dabakabangi gake eophi ndea moame. ²³ Ka nyongo a beekea,babokoti a Mosa baonsomea ka basonge basao,mbusa a bokoteana ake nga,dabamoni mbeje na anjanja.Dabakabangi gake eophi ndea moame. ²⁴ ka nyongo a beekea, Mosa, mbeno nde datu nkpa angbongbo, dakakondi bamophane gea ande muna-nseka nde ba moame Phalao. ²⁵ Dakondi ndiu gea,atambege kimoci na bakpa ndea Mokonga.Aoya ba na maseye ka mbeno a bhoa ka bojede. ²⁶ Daubhi gea,tondea ake bindo dabantondii Kiisito,ana bokambia angbo phee konyenya etoi bhubhui nde datu ka Misii nga,daobhisa mophe ake k'ophendo nde Mokonga amphendande. ²⁷ Ka nyongo a beekea,Mosa datoki na Misii kanga a banga esuia ndea moame. Aosuia u bea nkpa nde aomoona Mokonga mmbe bakaomoona n'iso. ²⁸ Ka nyongo a beekea,Mosa dagi Pasaka a ka mosa-mosa, aososea ba Isilaeli gea basie magia ka iganga a endu nebo gea malaeka a kukua kemembe ba anga ba Isilaeli. ²⁹ Ka nyongo a beekea,ba Isilaeli dabajabhi obenge a otona,n'aphu.Bii ba Misii dabakengi gea bo,obenge aomia, baotinda bobhu ko! ³⁰ Ka nyongo a beekea,ba Isilaeli dabatimbi Yeiko ka besa ngia njaga(6).K'esa a ko ngia njaga ibe(7),bogao a ete nnde datimbi u aongbookana. ³¹ Ka nyongo a beekea, laabha nke a iebe dakaku kimoci na babibia ndea Mokonga nga,deesesi anja basoni-emani. ³² Co,neyonge ye goto bo?Ke ye na mbeno a tomiaga nyongo moci-moci ndea Gidioni, Balaka,Samusoni,Yephuta,Dhaudhi photo Samuele na baotu-nyongo. ³³ Ka nyongo a beekea nji ndea baame. Dabaobhedanaga ka kokota nebo na kodoni na toa a kema nde Mokonga daoku. Bakpa buangbo dabadaki aphe-noko a basimba. ³⁴ Bakpa buangbo dabakasidi mbeno nde dabemaki ka nsa a kae.Bakpa buangbo dabatu bauka ka mbeno a emani ka beaga ekombo ndaea bakeni. ³⁵ Datu photo na ka bake nde dabeboni goto bundo dabasi na bajujuki ka kukua. Bakpa buangbo gake bii dabetumigi baokua,baoya gea bakekodembe.Dakondi to kukua,ka nyongo nde dabakondi ndiu jujuka ka kukua,baoba na enda anja phee a meyo. ³⁶ Buangbo goto dabenephei na binda abo.Dabeboege na ngoi a ngoa baomakea ka mekako. ³⁷ Baobeta buangbo n'ete baokua.Dabetenigi buangbo na ngea gbutuka ibe.Dabeme buangbo na pindi.Buangbo dabaokoba na baoli mpoko a bamogogo na nnde bameme.Dabaendi ka kiuka,tambaga na gea a bojede ka phoabo. ³⁸ Eya,mokonda dakakenani na bakpa bea bundo.Dabaondandabiaga ka nkankda na mamba.Baoda ka kubhu a ete na kubhu a odo. ³⁹ Bakpa ndo bobhu Mokonga aosega ka nyongo a beeka nebo.Nanga bo,dabakaoni gake kema nde Mokonga deoku. ⁴⁰ Co,Mokonga daangi ka phoasu kema anja phee,dakakondi gea batoe u kanga a besu.