¹ Co,nyongo a ngbo ka nyongo a ngbo danga-danga nde beyongi aungee:Bena nto bei-phea angbongbo mmbe abindo betoki kayonga i.Ye aambe aiki ye to na kobha ka njaga a muku a kankaanga a kokota a Mokonga mena a bukpekpe. ² Aobhedanaga ekuma ndeke subi a oma a bonjanja.Oma ndo ande ema a doni nnde Mokota ambe acumi,na bakpa. ³ Nto bei-phea a ngbongbo bhuake, bambisi ka mphuia sadhaka na ka phuia photo opheo.Co,akeni photo gea mmbe aso ambe na kema ndeke a phuiande. ⁴ Ngatu oba Kiisito n'aka odo ambe dakatu tanda nto bei-phea nga,kabeana n'eophi ndea mosa,a na bakpa nde baophiaga sadhaka. ⁵ Bundo baobedhanaga na bao bea nphangio na kaengeko a kodoni nde a nakobha.Atobindo Mokonga dansosi mosa kea abhedanege ka mbeno apheka a ema.Dangodi be,<> ⁶ Kekende gake,ekuma ndea Yeso agu inde a bato bei-phea bune ngbo nga,ye adjukanisi ionga nde anyenyi nndo a mosa nnde tinai a ka moko anja phea ka nyenya nnde a mosa. ⁷ E ya,ionga a mosa datu na kiseki.Ka nyongo indo unge ambe aangane n'inde a koibe. ⁸ Mokonga aphekeigi bakpa neke aogea be< ⁹ Longa ndo kabeku bindo deogani na batatabo esa nde de dungi ka njaga katokisa abo na Misii.Mokota ayongi goto gea,ka nyongo nde dabakataei ionga ndo aunge nedeketi gake. ¹⁰ Co,ionga nde neoganande na ba Isilaeli mbusa a esando ungee nebisande eophi nemo subia a ubapha abo. Nedunduande photo u ka mema abo.Nebande Mokota nebo,nabo babande bakpa nemo. ¹¹ Nkpa sosobe abo ka bekuye na siki a goisaga ndake,kabe muna-make gea te ambe amumbe Mokota nga,bakpa bhobu bamumbhande,kpanga ka baniki na sungiaga ka bagbega. ¹² Neimande bodjede nebo,na kekanisieeka ye ka kema nde dabagi adjede.>> ¹³ Co, bi Mokonga ayongi ka nyongo a ionga a keke,ande gea te nndea mosa a ye to akala.Co kema a ye oba a kala,aongbega ande gea te obibi a kukua.