¹ Meekisedheki nde datu Muame a Salemo.Datu photo ntombei-phea ndea Mokonga mena bupkepke bhui.Ye ambe dage ondhanisa Abalahamu mbeno nde Abalahamu daonja kaphe a emani nekiti baeme.Aodondani ye na ye,meekisendeki aombisa njaga gua Abalahamu. ² Ye ambe Abalahamu da mophi photo phaeka mochi a nkama a nkumba bui ndea babedi. Kantiti ainando meekisi ndeki andepho <>datu photo Muame a ka Salemu ande gea te<> ³ Abhake n'Amake ba kaubhi kana,batata kephoto bana ubhikana.Mbino a nkpangeo aendake na mbino a kukuake nna kuubikana.Ka nyongo nde a kengiani na Muna-Mokonga,ye aiki ye to ntombei-phea meo. ⁴ Co,onanipho!Meekisedheki ana bokutu ka nyongo nde nanga Abhalahamu abatatasu,damophi phaeka mochi a nkama nkuba nde dadhuki ka mosunge. ⁵ Andiu ekongo a bana Lawi unge eophi ndea mosa a esosi kabobenda phaeka mochi a nkama a nkumba a ba Isilaeli nga,baunde batombei-phea.Co,phaekando,atokande ka njaga a bamunamabo,nanga bobu baba photo kekombo ndea Abhalahamu. ⁶ Co,meekisendeki daka gake,kekombo ndea Lawi.Ye andiu obeda phaeka mochi a nkama a nkumba ndea Abhalahamu datune.Mbusai,aombisa njaga gua Abhalahamu imbe ande mene a moko ndea Mokonga. ⁷ Eya!Atokanga kanga.Nphenga tondo a ambe ambhisa njaga gua a miki. ⁸ Co,bana Lawi bunde baobeda phaeka mochi ao nkama bande bakpa bunde bao kuwa.Mekise ndeki gake aambe abedi phaekando.Buku a Mokonga ayongi gea,ye ande meyo. ⁹ Bii Abhalahamu aphui ye phaeka mochi a nkama ndo ka njaga a bamunamako. ¹⁰ Nga,Abhalahamu dadondani na neekisedheki,Lawi n'aphoto ka sopho a Abhalahamu. ¹¹ Co,eophi ndeke ndea Mosa asosi gea ka batoa k'ekombo ndea Lawi to unge basoboande kabo kekuma a ntombea-phea.Atu gake oba na babedanigi ekuma ndo kanga kiseke,ambe ntombei-phea bangbo bea nkoko ameekisedheki mmbe nn'a kekombo ndea Aloni akidiani kabo? ¹² Nga,ekombo a batobei-phea ndea Mokonga aoangana ambe eophi aangane photo. ¹³ Ande gea te nyongo nde bayongi kaphoa Mokota nesu nga,ye a k'ekuma nengbo nde ka bo moci ka bhedanigimbemono tanda ekuma a ntombei-phea kete-opheo. ¹⁴ Eya,Mokota ndesu aubikana gea abokoteani kekuma ndea Yudha,nnde mosa dakayongi ka mema ka phoa i mbeno nde daoyonga nyongo a batobei-phea. ¹⁵ Eya!A ye to bhase gea ntombei-phea bangbo mmbe a mbea meekisedheki. ¹⁶ Ekuma a ntombei-phea ineke cina i nn'aombea nyongo a ekuna.Anjio ka bopkepke a enda meyo. ¹⁷ Bindo buku a Mokonga a yongi gea,<> ¹⁸ Co,beoni gea ete Mokonga dadeketi eophi a kala nga u dakatu na bukpekpe, photo na nkantiti. ¹⁹ Nga eophi ndea mosa dakatu otoka totokisa ka kema.Beoni ndiu goto gea be ye gake nansebeo anja phee,ka nyongo a nsebeo ndo unge beombhimisia Mokonga. ²⁰ Mokonga da kagi nndo nkanga opha.Bune ngbo da bagi kekuma anto mbei-phea ka opha. ²¹ Co,kaphoa Yeso,Mokonga da ophi njiu mbeno nde dangodi gea,< ²² Ka bondo unge Yeso ayeto nkpande akakamisi ongana anja phe konyenya nnde a mosa. ²³ Gu indo,bato bei-phea bune ngbo da babiki ka nyongo nde da baoguaga.Dabakatoki ye tutuisa a ekuma. ²⁴ Yeso a ndiu oenda meyo.Ekuma neke a nto bei-phea nna na kasungiaga. ²⁵ Ka nyongo indo unge aotoka amisa ka bakpa ka mema na ka sungiaga bunde baomiisia Mokonga ka phe nde a ke nga, Yeso aoenda meyo ka ndengemisaga a Mokonga kaphoabo. ²⁶ E ya!Yeso ande ntobei-phea angbongbo mmbe akeni doni ka besu.Ande mena bonjanja phee,kanga kiseki,kanga bodjookio.Datigani phee na batua-bodjede,Mokonga da mophi bokutu phee ka nyenya kema bhui anakoba. ²⁷ Yeso atingani na batobei-phea ba ngbongbo bunde a mosa.Ye nna na siki atoboa phea esa bu i ka nyongo a bodjede neke,mbusa i,ka nyongo a bodjede a bakpa bobhu.Mbeno nde dabisi nyama ake kopheo mongo imochi,nndo asungiigi tobo. ²⁸ Bakpa bunde eophi ebhisi mbea bato bei-phea,bana kiseki.Co,moyo a Mokonga nde dayongi nn'aopha mbusa aeophi aunge aophangi ndiu bhase gea Muna-Mokonga ande nto bei-phea mmbe akeni doni a doni k'ekuma ndo ka saga na saga.