¹ Uxa'arieka maya'atsie, yunait+ tatsinitsixi wa 'ukiyarima meta 'ukirawetsixi kekatari niuki meputawewi Jesús hetsie mieme kename kehapa+ mete'imienikekai. ² M+k+ me'ih+ka Pilato hats+a mepiyetua meta tatuwani. ³ M+ta judas retimatsie, ke'ane mutixanetakai, munierix+tsie kename Jesús 'uwiyeriekai, 'uyutimaix+aka 30 plata tuminiyari wayetuiri 'iya tatsinitsixi wa 'ukiyarima meta 'ukirawetsixi, ⁴ P+'putay+: '' netatakuri netiunepit+a xuriya aix+ ane neyetuaka.'' m+k+ta p+'meputiy+:''¿titata tih+k+ tame tahats+a? ahetsie'ts+ri mets+ri ek+ peniuy+ni.'' ⁵ m+ta m+k+ plata tuminiyari teyupanie hautax+rieka, pet+a tewapait+ m+ta puyukawi. ⁶ Tatsinitsixi wa'ukiyarima plata tuminiyari me 'ukute+x+ka m+ta p+meputiy+:'' Ni'aix+ kway+ni 'ik+ temeika'utani raye'at+ ti'utsetsie, k+mana munanaiyak+ xeime xuriya.'' ⁷ M+k+ yamay+nek+ mete'utixa m+k+ta tuminik+ Alfarero kwieyari mepunanai mana mekateukenik+ tewatari. ⁸ Yerany+nemek+ 'ik+ kwie p+rakumatiwa hik+: kwie xuriyama'' ⁹ Jeremias timaikame kemutay+ meripait+ yetiuy+,yehait+: '' M+K+TA 30 PLATA TUMINIYARI ME'UTI+KA, ISRAILITA YEMEPUTIY+ KENRAYE'ANIKEKAI ¹⁰ M+TA MEPIYETUA ALFATERO,KWIEYARITSIE MIEME, NE 'UKIYARI NETIUN+'A HAPA+.'' ¹¹ Hik+ta Jesús tatuwani h+xie putake tatuwani pita 'iwawiyax+:''¿ek+ petih+k+ hudiyutsixi wa Rey?'' Jesús 'ta p+tita'ei:'' 'ek+ts+ yepenaine.'' ¹² M+ta kepauku xanetsiekaitsie 'iya tatsinitsixi wa'ukiyarima meta 'ukirawetsixi wah+xie tsikwa'utay+. ¹³ Anam+ta Pilato p+'katitah+awe:''¿pekati'ena kememait+ka yunait+ 'ak+mana?'' ¹⁴ M+ta m+k+ tsikwa'utay+ ni'xeiniuki, m+ta tatuwani púh+xixi wa+kawamek+. ¹⁵ M+ta wiestak+'ta tatuwani p+katiumiekait+ni ke'ane kaxariyarie memayehe, xeime tatuani kememait+kani yuwa+kawa te+teri. ¹⁶ Anam+tsieta m+k+ kaxariyarie xeime menayekekakait+ni wa+kawa ayukumaikame Barrabás titewakame. ¹⁷ Kepauku 'anam+k+ memuyukuxe+ritsie, Pilato p+katiwarutah+awe'' ¿kexetehauyeh+wa ke'ane netatuani? Barrabás sunu, Jesús, Cristo tiuter+war+wa? ¹⁸ M+k+ri rakumaikai kename m+k+ me'iat+kai meteheikwatsiriet+. ¹⁹ Mexi m+k+ yu'+paritsie 'akatei aix+ rakay+netsie, '+'yaya niuki peiyan+'airi p+hait+:'' neuhayawa m+k+ 'Uki tixa+ kwarexeiya ; m+k+ k+mana hik+ wa+kawa netikwine hein+tsikatsie.'' ²⁰ Hik+'ta 'ukiyarima meta tatsinitsixi yaxeik+a'ta 'ukirawetsixi mewarax+ri te+teri meyuwa+kawame p+meke 'utiy+nike kename Barrabás ke 'utatuani Jesús'ta ke'umienike. ²¹ Tatuwani waruta 'iwawiyax+:''¿kexetehauyeh+wa ke'aneme 'ik+ me yu'huta nexetatuirieni?'' m+k+ta p+'meputiy+:'' karik+ts+ Barrabás.'' ²² Pilato p+tiwarah+awe:''¿keta xete'hauyeh+wa ne kenetiyurieni Jesús k+mana aku titewa Cristo?'' yunait+ m+k+ p+'meputiy+: ''neukawi.'' ²³ M+k+'ta p+'putay+''¿titak+'ta kekuta tiuyuri? m+ta m+k+ meniutihiwa masi wa+kawamek+: karik+ts+ neukawi'' ²⁴ M+ta Pilato nierekai kename kay+wekai heimana mutanuani, 'imieri tiyutsut+anekai haá'utihanaka, puyukamamait+ te+teri wa'h+xie p+'putay+ta:'' netsinekwatiuyuri 'ik+ 'Uki mierienik+ tsikatiuka 'iyarit+: yu'hetsie xeme kexemiyurieka.'' ²⁵ Yunait+ te+teri p+meputiy+: ''kename m+k+ yaxeik+a waniwema, yumamatsie me'ih+nikekai.'' ²⁶ Anam+ta m+k+ Barrabás 'utatuaka Jesús haukuwax+ka wayetuiri memikawienik+ kuruxitsie. ²⁷ A'nam+tari tatuwani xutarumama Jesús menehana memayeyaxiketsie m+ta hipame yu 'iwama yunaime mewaruxe+ri. ²⁸ M+k+'ta menitikemaripieni 'eimame y+nama+yeme menenakuweririeni. ²⁹ M+tari xuya kurunayari me 'utawewieka, menentimanirieni muú'yatsie, m+ta mamaya,tserietana miemetsie 'its+ mepikweit+a, m+ta meputitunuma'ui h+xiena m+ta mepitinanaima p+'mehait+kait+:''¡ke'ayeniereni hudiyutsixi wa Rey!'' ³⁰ Mepiti 'itsikamax+a 'its+' ta memikweit+aka me 'inawairieka k+mana mu'uyatsie mepitiwax+a. ³¹ Me'itinanaimakatari, 'eimame mepenakuh+niri, kemariteya mete 'enakapinit+a menei'hana meheikawienike kuruxitsie. ³² Anam+ memayek+tsie, xeime 'uki meniukaxeiya Cirene kekame Simón titewakame, ke'ane wa+riyarika memupit+a wahamat+a yemiek+ m+ta kuruxi tit+nik+. ³³ M+k+ meputa'ax+a xeitapari tiyetewakaku Gólgota, m+k+'ta p+'any+t+ pany+ne:'' m+ki muúyamanka.'' ³⁴ M+k+'ta mepi 'it+a winu hiel n+kamé. m+k+ta miwaku 'iniatax+tsie, kwaen'i. ³⁵ Kepaku m+k+mexi memikawitsie, kemariteya mete 'uyutapit+a suerte'tsie me'itipit+ kename ke'ane hetsiemieme rayani; ³⁶ Me'ankayaxekata mepitah+i. ³⁷ Muú'yatsieta mepikuwiri p+reuku'uxame, kename ketiuru 'ukawiyakai: ''IK+ KAH+K+T+NI JESÚS JUDIYUTSIXI WA REY.'' ³⁸ Hamat+ana meniukaw+t+arieni meyuhutat+ tenanawayamete, xeime tserietana m+ta xeime utatana. ³⁹ Hipat+ mana memuyek+kakai, yumuúte meputiyuit+wakai ⁴⁰ m+ta p+me'utiyuat+: ''ek+ xeniu teyupani peka'unakekai m+ta haika tukari hautineyu,pe'menkukenikekai, ak+mana keneu'akuwi'kweist+a. X+kate aku ek+ peh+k+t+ni Kaka+yari Nu'aya, kuruxitsie kenakaye'a.'' ⁴¹ Pa+m+m+ siere mete'ikunanaimawakai tatsinitsixi wa'ukiyarima, meta ukirawetsixi te'ut+wamete wahamat+a, p+me'utiyuat+: ⁴² ''Iyaá hipame kawaru'kuwikweist+ani, kay+wet+ta yukuwikweist+ani. Iyaá h+k+ Israeltari wa Rey; ke'akayani kuruxitsie anam+ke tame sasuni teteita'eririeni. ⁴³ M+k+ Kaka+yari'tsie yuri kati'erieka. X+kate Kaka+yari p+tinake'erieka heimana ke'utanuani, p+'mainekaik+ Iyaá: Ne ne H+k+t+ni'Kaka+yari Nu'aya .''' ⁴⁴ Meta siere tenanawayamete memutiw+t+arie hamat+ana yaxeik+a mete'ikute'ákai. ⁴⁵ Naitsarie kwiepa pukuy+rix+ ata taxewi upaukukaku utinieret+ ata nauka. ⁴⁶ uhurakaku taikai ata nauka aya'aximekaku, Jesús putahiwax+ p+hait+: "ELI, ELI, ¿LAMA SABACTANI?" p+'any+t+ pan'y+ne: '' NE KAKA+YARI, NE KAKA+YARI, ¿TITAK+ PENETIUKWE'EIRI?'' ⁴⁷ Anam+ta hipat+ mana meti'ukai mepiti'itsikamax+a, m+k+ta p+meputiy+:'' m+k+ Elias.''kah+aweni.'' ⁴⁸ Xeimieta xewit+ putanautsax+ 'ixurik+ yumenimetsie, winu hatsiwime'itawirieka'ua'tsie,'enyeka pi'it+a. ⁴⁹ Yunait+ mana meka'uwakai p+'meputiy+:'' Neuhayawa yuxewime; tenierikuni x+ka'aku Elias hamieni'ikuwikwest+am+k+.'' ⁵⁰ Tawarita Jesús tiutawau wa+kawa t+r+ka+yemek+ m+ta yu Espíritu yetua. ⁵¹ M+ta, 'ixuriki teyupanie mutawiekai hix+apa pukatsanet+ya hutapai hakanet+ haukanet+. kwie putayua tetexi putikainix+. ⁵² M+ta m+kite meteukekaitsie pantayepierix+a, m+ta ke'ane waiyarite kaka+yari'tsie memukwikai panku'ui ⁵³ M+k+mexi'ta mewatik+ meteukekaitsie 'ariketa Jesús, mantanierix+tsie hamat+ana mepautahax+a kekari aix+'anetsie m+ta meyuwa+kawa mepuhek+arix+. ⁵⁴ Tawarita kepauku xutarutsixi wa'ukiyari m+ta Jesús meh+kai me munierix+ kwie mutayuanekai yaxeik+ata wa+kawa ti'anekai, m+k+ta wa+kawa meputimama m+ta p+'meputiy+:''sasunimek+ 'ik+ Kaka+yari Nu'aya kah+k+t+ni.'' ⁵⁵ yuwa+kawa ukarawetsixi ke'ane Jesús ut+a me'muhukai Galilea meyek+neka me'ita '+wiyake, tewapait+ta meka'ut+ menierekai. ⁵⁶ Wa'hamat+ta mana yukanierit+akai María Magdalena, María Jacobo meta Jose watei hapa+nata Zebedeo niwemama watei. ⁵⁷ Kuy+rir+mekaku'tari, 'uki kanuani tuminikame Arimatea kekame, José titewat+, yaxeik+ata Jesús nu'nuyarieya kah+k+t+kait+ni. ⁵⁸ Pilato hats+a kaye 'ani kaniuta 'iwauni Jesús waiyarieyak+. A'nam+ta Pilato katiutan+'ani meke 'iyetuirienike m+k+. ⁵⁹ José yumamatsie pih+i, 'ixuriki raye'ar+kamek+ aix+ 'anemek+ pita'eimax+ ⁶⁰ Muwa pikaté kateukienikekaitsie, hekwameta teté'ta muyuta'aitsiriekaitsie. M+ta m+k+ tete hax+nekame utakainaka mukateuketsie kitenita peiye m+ta pet+a. ⁶¹ María Magdalena xewit+ tawari María muwa mepatekai kewa mekateukiwatsie h+xie. ⁶² Uxa'ariekata, h+k+t+kai 'aix+ ti'anenikekaitsie, ukiyarima meta tatsinitsixi yaxeik+ata Fariseotsixi mepuyuxe+ri Pilato hats+a. ⁶³ M+k+ p+'meputiy+: ''ukiratsi tame tepa'eriwa m+k+ ti'itawame muyeikakaitsie, M+k+ p+painekai: 'kename hairieka tukari hautineyu antanierekekai. ⁶⁴ Teutan+'a kehe'+wiyarieka haika tukari; mukateuketsie m+ta t+riyamama me'uax+ame mepinawawe p+ta metewarutah+wiwe te+teri: 'M+k+ kanantaniere m+kiriyatsie' m+ta kwinat+rieka wa+kawa itarika kanayeikani keyuri mat+ari.'' ⁶⁵ Pilato p+'tiwarah+awe: ''ti'h+weme xa'iniet+.Xehuni m+ta xehakaxewiriya wa+kawamek+ kexentey+wawe''. ⁶⁶ M+ta m+k+mexi mepek+ aix+ metenanike teukekaitsie, tete meputsinax+ m+ta tih+weme mepukwe'eiri.