¹ Utaikaikakuri, uxipiya tukariyaritsie, kepauka muka hek+arir+mekaitsie mat+ari tukari semana'yaritsie, Maria Magdalena xewit+ siere Maria menek+ne mehau nieriyuka kewa meka teukiekaitsie. ² Enata kwie tiukuyua, m+ta ta ukiyari akerieya ta heima yuawitsie kanakaneni; kaninuani tete kaniuku yuit+ani, hetsiena kanayar+ni. ³ Kaniuyu katet+ani xawat+riya hapa+, kemarieya ti tuxat+ +wi hapa+. ⁴ Te'h+wemete mekaniuti t+t+riwa marikak+me'úkwini hapa+ me anenet+me kaniuyukuhayawa. ⁵ Akeri ukari wahats+a kaniuyani m+ta pa+ tiwarah+awe: '' xekwa'mamaka, neri nerakumate kename xeme Jesúsi xe'u wauximet+ xe'y+a, ke'ane mukawiya. ⁶ M+k+ uwa kwa'yaka, m+k+ri kaneunta niere, m+k+ muta y+kai hapa+. xeke nehuni xeneunieri uwa ukiyari kakateitsie. ⁷ Xenehuni xe'iyarik+ pa+ xeteneware xat+a t+riyamama: 'm+k+ kanankukeni m+kite wa tsata. xeneunieri, m+k+ aunyahait+at+ kaneyani Galilea heyaka. mana xeme xeneixeiyakuni .neu'xei ne pa+ nexera'xat+awe.'' ⁸ Xeimiemek+ kewa meka awietsiekaitsie memuyak+ me mamat+ meta siere meyu'temamawiet+, menek+ne w+xanarik+ pa+ metewareu xat+a'yuka t+riyamama. ⁹ Xeimiemeta, Jesúsi kaniwarukaxeiya m+ta pa+ kaniutay+ni:''Wa+ritsika'' xenanwiyani ukari mekaniwa k+'ne hats+ana ketateya mekana +t+k+ne meka neyexeiyakait+ni. ¹⁰ M+ta Jesúsi pa+ tiniwarah+aweni ''xekwa mamaka''. xekenehuni pa+ xetenewaretah+awi ne iwama meke hek+ne Galilea; manam+ m+k+mexi menenexeiyakuni.'' ¹¹ M+ta mexi ukari mehek+, hipat+ xutarutsixi menek+ne kiekaripa m+ta memanyetei tatsinitsixi pa+ meteniwaruxat+ani naime kere'y+kai. ¹² Kepauka tatsinitsixi memuyu xe+ritsie ukirawetsixi wa'hamat+a meteniuti xata naime kem+rey+kai, m+k+mexi wa+kawa tumini menyatuani xutarutsixi wa'hats+a ¹³ M+ta pa+ mehait+ka+it+: pa+ xetewaruxat+a hipame,' Jesús t+riyamama mekani ax+ani t+karik+ waiyarieya mekaniunawani mexi tame tekutsu.' ¹⁴ X+ka ik+ niuk+ nuani tatuwani hats+a, tame tekaneh+akuni m+ta xe'heima tetanuani xahepa+sta tixa+ kwaranierenik+.'' ¹⁵ M+ta xutarutsixi tumini kaneun'+ni pa+ metenka k+ne kemete uta h+awariekai. ik+ niuki naitsarie kaneyutimani judíyutsixi watsata hik+ kuxi niuk+ kaniyemieni. ¹⁶ Meyu once n+'arimama menek+ne Galilea, h+ritsie jesúsi ke aneme waruxeiyest+akai. ¹⁷ M+k+mexi kepauku memixeitsie meneyexeiyakait+ni m+ta hipat+ sasuni mekwate'utaeri. ¹⁸ Jesúsi kaniwayani wahats+a pa+ta tiwarah+awe: naime t+r+kariya Né neyatuiriyarie yuawitsie m+ta siere'ena kwiepa. ¹⁹ Xekenehuni m+ta xenewarutiwewi n+'aritsixi naitsarie kwiepa. xewa'+yat+ ta'yau teriwar+kayatrsie, nu'aya, meta siere Espíritu Santo. ²⁰ Xetewa +kit+at+ yameteka'hunik+ naime ne kenexeti n+'a. m+ta xeniereni, Né xahamat+a neyukanierit+a tukarik+, kepauka ke kwie'tama makax+ni.''