¹ Jesúsi tiuta hayawaka tikuxatat+, yu't+riyamama p+tiwarah+awe: ² '' Xete akumate kename huta tukari hautineyu Pascua 'ayaní, metá 'Ukí Nu'aya yatuiyani kawiyanike.'' ³ U'maniere tatsinitsixi memanyateí meta 'iyá te+teri 'ukirawetsixi meyun+t+ me payetekai Caifás kitana, tatsinitsixi wa'ukiyari. ⁴ Yunait+ mepi xewiriyakai ke'hapa+ Jesúsi mete wiyakekai awiek+ meta me'imieniké. ⁵ P+'memait+kateik+: '' tekwa teyurieka wiestaxa kataku te+teri hetsiena me'utanuani.'' ⁶ Jesúsi 'uyeikat+ Betania, Simón Lepra mexeiyakai kiítana ayakaiku, mexa tsie 'utikaiku, ⁷ xewit+ uka 'auriena pat+a, tek+xi aceite witsi'+akame uyamakame wa+kawa raya'akamé, mu'uyatsie naime pikawiri. ⁸ T+riyamama me'uneniereka me puyaha'a p+ meteheh+awe: ''¿ke títak+ peti tsewixima? ⁹ putuiyanike tuminik+ wa+kawa meta 'iyá mekwa te hauxeiya me puyatuiriyarienike.'' ¹⁰ Jesúsi ta, rakumait+, p+ tiwarah+awe: ¿ketiuru tsixetei'erit+a 'ik+ uka? m+k+ ne k+manak+ 'aix+ katiyurieneni. ¹¹ tukarik+ me xuawe xe hats+a 'iyá 'aku tixa+t+ mekwa te hauxeiya, m+tá Ne tukarik+ xe'hamat+a nekwa'uyeikani. ¹² Kepauku tsi+'a netsitawiri, m+k+ katiuyurieni neka'teukienitsie mieme. ¹³ Hasunik+ nexetikuh+awe, kewa 'ik+ niuki meyukuxatani a'na kwiepa tamatsie, yeka'tikuniuwam+k+ 'ik+ uka kentiuyuri. ¹⁴ U'maniere xewit+ iya tamamáta 'ata huta aku Judas Iscariote, meyu pa+met+kai, tatsinixi wa 'ukiyarima wa hats+a pet+a ¹⁵ p+ tiwarutah+awix+: ''¿Títa xeneteyatuirieni x+kate ne nexeyatuirieni?'' 'Iyá 30 tuminiyari me'itiín+ataka mepi '+it+a miyatuanik+. ¹⁶ A'na m+ pait+, iyá yuta +wiyakai kepauku miyatuanik+. ¹⁷ Hik+ ta, muyu katsut+atsie pani kan+kame levadura muyu kwaiximetsie t+riyamáma Jesúsi hats+a meu'ax+aka p+meteheh+awe: ''¿kewa te peiwewieni ek+ Pascua pekuanik+?'' ¹⁸ P+tiwarah+awe: kiekari anyawatsie xekenehu, xeime ukí p+'xeketenetah+awi: ' ti'+kitame p+ paine: ne tukari paya'aximeri. A'kié Pascua ne kwaní ne t+riyama wa'mat+a.'' ¹⁹ T+riyamama yemetekak+ Jesúsi kentiwarun+a, aix+ mete'uyuri Pascua mekwanik+. ²⁰ U'kuy+reku, tamamata ata huta yu't+riyama wa'hamat+a paya ti'kwanike. ²¹ Mexi'metekwa'a p+ti warah+awe: '' sasunik+ nexerah+awe kename iyá xewit+ uwa'xeyukanierit+a xewit+ netsiyatuani.'' ²² Iyamexi mepuyutiheiweri wa+kawa a'na mete utsut+a yu'xexuit+ p+mete iku'iwawiyat+: ''me'ne nekwa'h+k+, ¿ne 'Ukiyari?'' ²³ Iyaá p+tiua: '' iyaa ke'ane ne hamat+a ranatikwani xak+r+tsie m+k+ kanenyatuam+k+. ²⁴ Ukí Nu'aya kaniyemieni'ri kenreuku'uxa hetsina meripait+; m+ta ¡ ay iyá tewi k+manak+ 'Ukí Nu'aya yatuiyani! aix+ anekai x+ka ka'utinuiwake.'' ²⁵ Judas, miyatuanikekai p+'putay+: ¿ne neti'h+k+, Rabí?'' Iyaá p+re'eiya: ''ek+'ts+ p+penaine." ²⁶ Mexi metekwaá, Jesúsi pani uti'+ka, aix+ piyuri uyu'tanenewieka m+ta yu t+riyamama warutatsani p+hait+: ''xekenanu'+ka xekeneutikwaí. 'Ik+ Ne'waiyari kah+k+t+ni.'' ²⁷ U'maniere tek+xi winu'uyamakame utihanaka pampariusi Kaka+yari kaniupit+ani, waruhant+aka p+ti warutah+awix+: ''Xeke nan'í, yunait+. ²⁸ 'Ik+ h+k+ Ne xuriya aku tax+riyani yuwa+kawame wahe'tsie wa'tatakurik+ maukumaweriyarienik+. ²⁹ M+ta p+'nexerah+awe, tawaríe'ta nekwaí'ieni ik+ kaxie ikwaxi kepaukurike hekwamek+ nemen'ieni xehamat+a ne'Yau kiekarieyatsie.'' ³⁰ Kaka+yari meteutakwit+aka, mepek+ h+rimutsie Olivos maxuawetsie. ³¹ U'maniere Jesúsi p+'tiwarah+awe: ''Nek+manak+ yunait+ xetax+riex+ani hik+ t+karik+, p+'reuku'uxak+: ' TI'H+WEME NETIKWINIT+ANI M+TA MUXATSI TEWAMAMA METAX+RIEX+ANI.' ³² M+ta, ankuketuarieyu Ne ne nehanyakait+ meri neyemie Galilea.'' ³³ M+ta Pedro p+reh+awe: '' tsepa yunait+ memautak+nix+a a'k+manak+, ne'nekwayemie.'' ³⁴ Jesúsi p+tita'ei: '' Sasunik+ nemerah+awe, hik+ t+karik+, wakana uki katahiwawekaku, haikak+ petay+ni kename pekanetsixexeiya.'' ³⁵ Pedro p+reh+awe: '' yenitinake'erie ahamat+a nem+nik+, nekwatay+ni kename nekametsixexeiya.'' ³⁶ M+ta Jesúsi pet+a wahamat+a Getsemaní tiyatewakaku m+ta yu t+riyama p+tiwarah+we: anai'i xekenekuteni mexi akuxi huma nehauyu'nenewimie. ³⁷ Yuhamat+a Pedro pewit+, metá yu hutame Zebedeo niwemama, a'na puyukaheiweri wa+kawa. ³⁸ U'maniere p+tiwarah+awe: ''Ne k+p+ri yuheiwerie wa+kawa, netim+xime hapa+ netiyumate. Xekenenete+tani xe'ayenenieret+ nehamat+a.'' ³⁹ Humápait+ u'yaka utitunumakeka pu'yutanenewi p+'hait+: ''Yau'a, x+kate a'iyari ye'aneni nekwa'kumiemieriwani netiukakukuit+; m+ta pekwanetsipit+aka ne iyari kenre'yah+wa p+tá ek+ kepereuyah+wa.'' ⁴⁰ munuatsie yu t+riyama wahats+a warukaxei me kutsume, Pedro p+rah+awe: ¿Xekate uy+wekax+a, xemayeniniereni xeime horayari? ⁴¹ xekeneyuh+xiyani meta xekeneyunenewieka kataku xe'utain+atsieni kataku tatakuri xeteuyupit+ni. Espíritu yetinake'eriet+t+, ta'waiyarita yekwatinake'erie.'' ⁴² Hutarieka heyaka puyutanenewi; m+k+ p+'putay+: '' Ne'Yau, X+kate hauyewekani netikuine, p+ketiuyini ek+ kepereuyah+wa hapa+. ⁴³ Tawarie'munuatsie warukaxei mekutsume, mekway+wawekai memayeniniereni. ⁴⁴ M+ta warukwe'eirieka tawarie pet+a, hairieka puyutanenenwi yaxeik+a hait+. ⁴⁵ Jesúsi yu't+riyama wahats+a unuaka p+'tiwarah+awe: '' ¿akuxi xetekutsu xe'uxipiekut+? ⁴⁶ Xekeneunenieri, kanaye'aximeniri tukari m+ta Xewit+ Tewi Nu'aya kayatuaximeni tatakuri meteyupit+a wa'mamatsie. ¡Xekeneuti'uka! ¡tewaxeiyakuni kehate me h+k+!. Hura pawie iya aku netsiyatuani.'' ⁴⁷ Mexi akuxi tikuxata, Judas pu'nua, xewit+ h+k+t+t+ tamamata atahuta t+riyama. Hamat+ana mepu'ax+a te+teri meyu'wa+kawat+, me'aya'ut+ 'ukirawetsixi kiekatari meta tatsinitsixi meteaye'axe. Kutsirate meta k+yexi meu'+t+. ⁴⁸ Judas p+tiwarutah+awekai kename tihek+atakekai, p +'hait+: '' ¡ke'ane tewi ne'itseni m+k+ kah+t+ni. M+k+ xekeneuwiya!. ⁴⁹ Yapauku Jesúsi hats+a nuaka p+'reh+awe: '' ¡mariítsika nemetsipit+a, Rabí'' m+ta pi'itsi. ⁵⁰ Jesúsi p+re'eiya: ''hamiku, yaketekayei titak+ pentikuy+ane.'' M+ta te+teri me ak+neka hura, Jesúsi mapuwi. ⁵¹ Yepauka, xewit+ Jesús mat+a muyeikakai, yu kutsira wati'kweka tatsinitsixi wa'ukirai n+'arieya nakaya peukuxite. ⁵² m+ta Jesús p+reh+awe: '' Akutsira keneuka'uta, iya ke'ane kutsirak+ tiyumiekame mayani, pa+m+ ti m+ni. ⁵³ ¿P+pekati'erie kename x+kate Ne'Yau ne'utah+aweke, M+k+ y+we wa+kawa akeritsixi netsihan+'airieni? ⁵⁴ M+ta, ¿ Kehapa+ tiy+me paya'ani utsika kenreuku'uxe, x+kame hik+ P+katiuy+ni? ⁵⁵ A'na m+tsie Jesús te+teri p+tiwarutah+awix+: '' ¿xeme xete'akumate kename nekatinawayame, titak+ xenetekuwaune kutsirate hapa+na k+yexi xeu'+t+? m+ixa nepaya teyupanie aurie, anam+ xekwanetsuwi. ⁵⁶ Ík+ta yekatiuy+ni maya'anik+ te'maikate yemeteu'ut+a. '' U'maniere t+riyamama yunait+ mepuyuta'unax+ yuxa+ta me'ikwe'eirieka. ⁵⁷ Ke'ane Jesús memuwí Caifás tatsini manyaka hats+a mepi'at+a, te'+kitamete m+ta 'ukirawetsixi meyuxe+riekaitsie. ⁵⁸ Pedro hamat+ana yatewa ut+mana umiet+ Tatsini kie takwaya ya'a. Hautayaka kuyaxi wahamat+a pa'ya tanieret+ kentiy+ni. ⁵⁹ Hik+ta tatsinitsixi memanyetei m+ta kawiterutsixi niuki itarika memewiekai Jesús hep+sta, y+wet+ mayani mierieni. ⁶⁰ Xeime makwa'ukaxei, yuwa+kawa meputine t+t+ itarikak+ meikuxatat+. M+tá yuhutat+ meu'ax+aka ⁶¹ p+'meputiy+: '' Ik+ tewi p+'putay+: ' Kaka+yari teyupanieya x+ka neuka'una ney+we m+ta ney+we haika tukari nemitawewieni.''' ⁶² Tatsini raya'axe ankukeka p+reh+awe: ''¿ xeime arika pekarexeiya? ¿ kepetiwa'eiyata a hep+sta yametekuxata?'' ⁶³ M+ta Jesús kaiwat+ pumakakaí. Tatsini raya'axe p+reh+awe: ''Nemetsin+á Kaka+yari Mayaniere k+manak+, yaketateutah+awi x+kate ek+ peh+t+ni Cristo, Kaka+yari Nu'aya. ⁶⁴ Jesús p+re'eiya: '' Ek+ ts+ p+penaine; M+ta p+nemerah+awe kename anaií tiyahanet+yani ek+ pe'ixeiya 'Uki Nu'aya yu'Yau tserietana'akaime, m+ta akamiekame taheima haiwitsie yewet+.'' ⁶⁵ M+ta tatsini raya'axe yu kemarite'utitsanaka p+'putay+: '' Iyaá Kaka+yari kananaimaka. '' ¿ketiuru ta'akuxi tewareuyah+wa hipame hep+stana metetixatak+? ariri hik+ xepu'enana kentiku'itawa. ⁶⁶ ¿Xeme ta kexeteku'eriwa?'' iyamexi p+'meputiy+: ''Kay+weni hik+ k+rix+a mierieni.'' ⁶⁷ M+ta h+xiena hipat+ mepeye'itsikamawakai, hipat+ mepitihutsunakai meta yu mamatek+ mepei'tiwayakai nierikayatsie. ⁶⁸ p+'meteheh+awet+: ''Kaka+yari niukieyak+ yekeneutay+ki, Ek+ Cristo. ¿Ke'ane metsu uwa? ⁶⁹ Pedro takwa makuyawatsie pukatei, m+ta 'uka'ti'uximayatame hats+ana nuaka p+reh+awe: ''Ek+ hapa+na Jesús Galilea'tanaka hamat+ana pepuyeikakai.'' ⁷⁰ Iyaá puyutaíma yunaime wah+xie, p+'utait+: '' Nekwarakumate títak+ yepenetikuh+awe.'' ⁷¹ M+ta iyaá kitenie pet+a, xewit+ ta uka ti'uximayatame ixeiyaka hipame p+tiwarah+awe: '' Ik+ tewi hapa+na Jesús Nazaret'tanaka hamat+ana puyeikakai.'' ⁷² Hekwamek+ puyutaíma p+'utait+: ''Ík+ tewi nekwaxexeiya." ⁷³ U'maniereta etsiwa reutewikaku, Pedro aurie hura memu'uwakai, meu'ax+aka p+meteheh+awe: '' Wa'at+ ek+ hapa+na petih+k+, iyamexi hamat+ana memu'uwakai, wahapa+ petiuxaxata. ⁷⁴ M+ta, yu'hax+ama haniut+ p+'putay+: Iyaá tewi nekwaxexeiya,'' anam+ wakana'uki putáhiwax+. ⁷⁵ Pedro paye'eri Jesús meripait+ kenreh+wekai: '' Akuxi katahiwawekaku wakana'uki haikak+ pe'átaimani pehait+ kename pekanetsixexeiya.'' M+ta wayeyaka wa+kawa yuheiweriet+ putátsua.