¹ Jesus p+tikú'xatakai: kwiepa'hekwa kaka+yari nuani'tsie p+tiy+me'tiyini, keane iya tamamata ukari me'yuxexuikai yu k+xeme me utihapaka mepek+ nene+keme ma'haunakiyuka. ² Yu'auxuwit+ mekua' yukuh+awekai hipat+ta me yu'auxuwit+ mepeyuta'eriwakai . ³ M+k+ ukari mekwua'yuku h+awekai yu'auxuwit+ mekwa'hehapa haceiti k+xeme'tsie mieme. ⁴ M+k+ ukari''tá memu yuka'iyarit+wa h+rix+a haceiti k+xeme hautin+kame mepe'hapa. ⁵ M+ta nene+keme reuyetewikaik+ kwanuawekai, yunait+ me'hau kutsikut+ mepak+ ya'umieme mepaukutsix+. ⁶ M+ta t+kari'hix+apa hiwari pawet+ya: ¡xeunieri, karik+ nene+keme! xekenayak+ni hamat+ana xeyukaxeiyak+. ⁷ U'maniere yunait+ m+k+ ukari me'panku'ui yu k+xeme mapaukumaix+a. ⁸ Me kwayuku'h+awekai p+mete'warah+awe me yuku'h+awe: xeta'neumikwa yu haceiti etsiwa ta'k+xeme puya x+x+a'xime. ⁹ M+k+ta meyuku h+awe p+'mete wara'eiya: 'hawaik+ te kwatenakist+ani tame hapa+na ta k+xeme' tsie pauyewetse. xeke'nehu xenenanaiyu xeme yu'hetsie mieme. ¹⁰ Mexi m+k+ me'heinanaiyu, a'na nene+keme kanuani kehate aix+ memauyu'kuyuriekai me pek+ hamat+ana ne+kiya wiestayari ma'xuawetsie yapauku'ta kitenie reunamie. ¹¹ Yapauku'ta hipat+ ukari ma'payeix+a hapa+na p+'meputiy+: ti'+kitame, ti'+kitame ta'ketaneuyepi. ¹² M+k+ta p+tiwaru'ei sasunimek+ nexera'h+awe ne nekwa ixexeiya ¹³ Ya'umuieme xekeneyu'h+xiyani, xekuate akumatek+ kepauku t+kari tukarillari'tsie h+k+t+ni. ¹⁴ Anyit+ kananyineni hapa+na xewit+ tewi yu'haarit+at+ xeitapa kiekariyari'tsie. M+k+ waruta h+awix+ yu n+'arima m+k+ ti waya'tuiri naime ketipa+meme tiyu'pinit+akai ¹⁵ Xeime tiyatuiri auxume tuminiyari, xeime'ta huta tuminiyari xeimeta tiayatuiri xei tuminiyari. U'maniere pe't+a tewapai. ¹⁶ Yapauku'ta iya ke ane auxume tuminiyari mu +it+ariekai m+k+k+ tiuta'uximayatax+ pena'nuiwit+a tawari axume tuminiyari. ¹⁷ Ya'xeik+a hapa+na ke'ani mu'+it+arie huta tuminiyari piti'm+iriyax+ tawari'hutamek+ ¹⁸ Iya'ta, n+'ari keani xei tuminiyari mu+it+arie petia puti'ini, kwieta muwa peika'awietax+ yu ukiyari tuminieya. ¹⁹ U'maniere m+ixa anyaya'kaku m+k+ n+'aritsixi wa ukiyari panua aix+ rakayuri mete'apikai wahats+a. ²⁰ M+k+ n+'ari mu'+it+ariekai auxume tuminiyari nuaka pi'at+a tawari auxume tuminiyari anamaneme, p+'reh+awe: 'ukiyari, ek+ penetsi'yatuiri auxume tuminiyari. Neunierí ne pitim+iriyax+ auxume tuminiyari tawari. ²¹ Ukiyarieya'ta, p+reh+awe : ¡Aix+ ane aix+ petikat+a papau'ena ek+ n+'ari! Ek+ aix+ petikat+a yak+ ti'pa+memetsie. Ne nemetih+ri't+ani ek+ ti wa+kawame'tsie masi. Keneuta'haki keneatemawieka a ukiyari'mat+a.' ²² Iya n+'ari huta tuminiyari mu +it+ariekai nuaka p+'putay+: 'Ukiyari, ek+ penetsiyatuiri huta tuminiyari. Neu'xei ne pitim+iriyax+ huta tuminiyari tawari. ²³ Ukiyarieya p+re h+awe: '¡aix+ ane aix+ petikat+a, Ek+ n+'ari! ek+ aix+ petikat+a yak+ ti'pa+memetsie. Ne nemeti'h+rit+ani masi ti'wa+kawame. Keneuta haki kene'atemawieka a ukiyarimat+a.' ²⁴ U'maniere n+'ari mu'+it+ariekai xei tumini, nuaka hats+ana p+'putay+: 'Ukiyari, nerakumaterí ek+ ya'ané pakatinake'erie. Ek+ papuka'itsana pekwa uka'etsie, ek+ petiu ka'in+we kewa pakwa tiuka'iwitsie. ²⁵ Ne marika ne pexeiyakai kepetikayanikekai x+ka neheiya'h+anike tumini penetsi ni+t+a nemitam+iriyak+, ya'umieme nepikateukix+ kwieta. Neuxei Amamatsie keneh+ka ik+ ti'apinik+. ²⁶ M+k+ta ukiyarieya p+tita'ei p+'reh+awe: 'Ek+ tsipetiuka'iyari pakwahau'ena n+ari, ek+ perakumakairi ne nekai'itsana kewa ne'kwaheka'e, netiuká'in+we kewa nekua'rekaíwi ²⁷ Pekatiy+wekai ek+ karí pemi'yatuanikekai ne tumini iya tumini +wiyamete wahats+a, nemanuanikekai tsie, nepiwaya'+nikeyu ne tumini menaiwax+ anamaneme. ²⁸ Ya'umieme xekeneu'nawairi m+k+ tumini xekeneyatuiri m+k+ iya n+'ari tamamata tuminiyari me xei'ya. ²⁹ Keane iyá wa+ka rexeiyani masi tiyatuiriyarieni wa+kawa masi ranapikame. Iya'ta kehate mekuate'hexeiya ni'tixa+t+, tita mete hexeiyakai mete nawai'yerieni. ³⁰ Ik+ n+ari tixa+t+k+ kwatiyunake'erie xaya'h+wa me y+witsie takwa, kewa tsuari maxuawetsie hapa+na yu tamete memawa'kuxikauteke'tsie. ³¹ Ke'pauku Tewi Nu'aya nuani raya'at+ hapa+na yu nait+ akerimama Hamat+ana, u'maniere M+k+ pankaya´ni'yu +paritsie t+r+ka+yemek+. ³² M+k+ h+xiena meti'uni meyuxe+rieni yunait+ nuiwarite, M+k+ta waranye'te+x+ hipame watsie, iya ti h+weme hapa+ waranaya'arieni yu muxatsi kapuratsixi watsie. ³³ M+k+ waku'uit+ani muxatsi yu tserieta, m+k+'ta kapuratsixi yu utata. ³⁴ M+k+ta Ukiyari p+tiwata'h+awe ke'hate 'iya yu' Tserieta memeku'úka: 'Xekena'huni xeme kehate xeyatuiriyarie imikieri Ne Yau hepa+sta, xekenanwiyani naime kwiepa hekwa mutawewiya xe'hetsie mieme ik+ kwie katawewiyawe'kaku. ³⁵ Kepauku ne mu hakam+ xeme xenete'umí; Ne nemuharim+´tsie xenetsi'uharit+a; wautseme tewi kuaxexeiyar+wa ne mat+atsie a kita penetsipit+a muwa nemanhunik+; ³⁶ Ne nekwa haukéekai'tsie xemetá Xenetsi'utiket+a; Ne netiuta'kuinix+ tsie ek+ penesta'+wi Ne namanta h+iyatsie ne hats+a xepank+. ³⁷ U'maniere aix+ metekahu p+'mepetiyini: ukiyari ¿kepauku temetsi xei tsie pehakam+kame temete'umi? ¿hapa+na peharim+kakaitsie temetsi harit+a? ³⁸ ¿Kepauku te metsi uxei wautseme hapa+ pe'aneme ta kie temetsiutaini? ¿a'kemari pakwakemakai'tsie temetsi'utiket+a? ³⁹ ¿Kepauku temetsi'uxei peti kuyeme hapa+na pemanta'h+iyatsie temetsi he ku'ix+ari? ⁴⁰ Ta Ukiyari p+tiware'eiya p+'utait+: Sasunimek+ Ne p+'nexerah+awe, kexentekak+ iya keani itsimem+t+t+k+ ne iwama a'nai, Ne nehepastak+ xetekak+,' ⁴¹ Muwa'ta M+k+ p+petayini ke hate utatana meku'uka: 'xekeneutewani Nehats+a, xeme aix+ xekwate u'iyari, tai kwa'ut+t+tsetsie mukawewiya wahetsie mieme iya t+kakame hapa+na akerimama, ⁴² Ketiuts+ Ne nem+hakam+tsie xeme xekuanete'umi; Ne nemuharim+tsie xekuanetsi'harit+a, ⁴³ Ne tewi yeikame ne mat+atsie yu kie xekua'netsi'pit+a; Ne nekwayu'kemakaitsie kemari xekwa'netsitiket+a; netiuta'kuinix+ nemantah+iya, ni xekuanesta +wiyax+ Ne.' ⁴⁴ U'maniere m+k+ hapa+na p+mete'ani: Ukiyari ¿kepauku Te metsi'uxei pehakam+kame , peharim+kame, yat+ni wautseme hapa+, pakaukakemarime , petikuyeme, pe manta'h+iyakatsie, ni'tekuametsi'uparewi?' ⁴⁵ Ne p+'nepetayini: yurik+ kepauku xeme ni tsixekuatekak+ yuparewiya xekwa wayatuiri iya ne te+terima, mekate aya'axe ne xenetsiyurieka xe'puy+.' ⁴⁶ Ik+ me'pek+, tukari'mautihane kastiku waxuawetsie, m+k+ta aix+ mete u'iyari tukari kuax+wetsie mepek+.