¹ Jesús p+'wayet+a teyupanie meta pet+a yu huyeta.T+riyamama mapayeix+a me ixeiyast+anike kií ut+t+me teyupanie. ² M+k+ta p+tiu'a,p+tiwarah+awe iyamexi.''¿xeme ik+ naime xekwatexeiya?sasunimek+ Ne p+ nexerah+awe, tete xewit+ kwayukuhayawa xeime tsie atet+ kaunarienitsie.'' ³ Mexi'ta mana mukaya,H+riyaritsie Olivos tiyetewakaku,t+riyamama awie mepu'ax+a m+ta meputiy+:''yatate'utah+awi ,¿Kepauku p+'tiy+nitsie?¿Tita ti'hek+are penuani'tsie meta kepauku kumawire kwie ena'tama?'' ⁴ Jesús p+'tiwarutaeí:''xeneyu'+wiyani kataku xewit+ xetiu'itaiya. ⁵ M+ta me yu'wa+kawat+ menakauni 'Ne ne H+k+t+ni Cristo; me'utiyuat+ meta m+k+ iyamexi menen'enikuni itawarikatsie. ⁶ Xeme kwiyatsie xe'enanakuni.xem+nierenitsie xekwamamaka,m+ta ik+ pinitsie aix+ katiy+m+k+ m+ta akuxi kwa'aya'awe. ⁷ M+ta kekarite me panku'uni hipat+ hapa+na kekaritetsie meta ya'xeik+a kwieparitetsie,haaka taweni meta ya'xeik+a kwie tayuani naitsarie. ⁸ M+ta nait+ ik+ m+h+k+ kwikwiniya yutsut+at+ . ⁹ M+ta xeyetuiyakuni xeme marikatsie meta xekani'kwiyakuni.meta kekarite yu'nait+ me xeye'hekakuni ne k+mana. ¹⁰ M+ta xe'yum+iret+ meti'y+y+aka meta meyu'itax+ani meta tame hipame wahamat+a. ¹¹ Meyu'm+iret+ temaikate te'itawmete mepanku'uni meta me'waran'ínieni yu'wa+kawame itarikatsie. ¹² M+ta wa+kawa iwaurika ti'xuawire meta ha+t+re aix+ eriyarika wa+kawa wa'hetsie . ¹³ Meta keani iya tinewieni maya'anitsie m+k+ kuwíkweni. ¹⁴ Ik+ kaka+yari niukieya ta'xatsieni naitsarie kwiepa metama mete'hetimanik+.m+ta ana'paya'ani hamie. ¹⁵ Mexi'ta kepauku xeme xenieretsie MAWARIKA YE 'TUIYANI TSITIANET+,kaka+yari h+xie p+'mutay+kai Daniel mat+ari'pait+ hutipaí maiwe'tsie teyupanie,(keani iya mekater+wa ke'heitienieni). ¹⁶ Meta keani Judea me kutei h+rimutsie meke'hek+ne, ¹⁷ Keani kií heima makakaka kwa'anakayeikani tikuwa+net+ tixa+t+ yu'kita, ¹⁸ M+ta iya xekeneu'hayawa keane yauta muyeika muwa kwahamieni yu tsaketa kuwaunet+. ¹⁹ M+ta,¡pobretsixi siere iyamexi mete'tsitsit+a a'na tukari'tsie! ²⁰ Xeyu'nenewiweka kepaku xeyuta'una'tsie muha+'t+nitsie tiy+ni,meta tukari uxipiyaritsie. ²¹ M+ta tixuawire marika,hapa+na mat+ari kwiepa kwa'tiy+we hapa+ hik+ meta pa+'kwatiy+ni. ²² Ya'pamex+a tukari yak+'pa+met+ payani ni'xewit+ tewi kwa'kuwikweni.Meta aix+ many+nek+ iya mamana'yahapanie iyamexi a'na tukariyari'tsie yak+ mete'hauteriyerieni. ²³ M+ta xewit+ pa+ xetitah+awe xeme:xeunieri, ¡a'na yukanierit+a Cristo!' yat+ni ¡huma yukanierit+a Cristo!' sasuni pekwati'erieka. ²⁴ M+ta te'itawamete cristo me'yuxatat+ meta temaikate te'itawamete mena'huni meta metenihek+atakuni wa+ka tihek+ak+ meta mete'hek+atakuni itarikatsie x+ka'iya mamanaye'hapanie wa'hetsie y+wenike. ²⁵ Xeu'nieri Ne ya'umieme p+'nexerah+we meripai. ²⁶ Mexi'ta perah+awar+wani ,'Neunieri,Iya Cristo kaniuyekani tixa+ kwati'uxuaweriwe'tsie; pekwaheyeikani tixa+ kwati'uxuaweriwe'tsie.M+ta tawarie'keneunieri ,Iya kita p+yeyeika sasuni pekwati'erieka. ²⁷ Kepuku mu'nua mimierika mer+ka+yet+ utata meta hek+at+ tserieta pait+,m+pa+ anet+ hamie Uki Nu'aya. ²⁸ Kewa tewaxi meme'xuawe me'kwikwí't+ mana wir+k+xi meyuk+xe+rieni. ²⁹ M+ta yapauku ut+mana marika tixuawereyu anam+ tukari'tsie iya tau pau'y+ne ,meta xurawetsixi ta heima katei pakax+rieni m+ta ta'heima tixuawe tit+r+kawi titikatsire. ³⁰ M+ta uki Nu'aya hek+ariya kahek+arim+k+ ta'heima ,meta yunait+ kwie nuiwarieya yu'tawie meneuyuhutsukuni .Iyamexi'ta mexeyakuni Uki Nu'aya haiwi'tsie akamiekame t+r+ka+yemek+ raya'akamek+ yu'akerima wamat+a. ³¹ M+k+ warakan+'ani yu'akerima m+ta yu'awate meutiyuit+wat+ t+r+ka+yemek+ me'ax+ani, m+k+ta me wa'kuxa+rieni axeik+a meta mewarana'yehapani nauka ekatsie naitsarie. ³² Tetimaki higo ite+riyaritsie.Meta ya'pauka k+yeyari kaneukayaxim+k+ y+rit+ meta kananex+akuni xawariteya ,xeme xetehakumaika witari muhuratsie. ³³ Hapa+na siere kepauka xem+niere ik+ naimetsie xeme'xeteakumaikake iyaá kename hura muyeika meta hurawa kitenie. ³⁴ Sasunimek+ Ne pa+'nexerah+awe,ik+ nuiwari kwa'anyeyani,m+ta kepauka ik+ pini pa+'tiy+nitsie. ³⁵ Ta'heima muyema meta kwie panyak+ne m+ta ne niuki kwa'anyeyani. ³⁶ M+ta a'na tukari timietsie meta xewit+ kwara'kumate meta ni'xewit+ akerimama,meta iyaá Nu'aya kwaraku'mate,xeik+a yauya. ³⁷ Noé tukarieyatsie pa+'tiuy+ meta ya'xeik+a pa+'tiyini hamietsie meta Uki Nu'aya. ³⁸ A'nam+tsie me kwate'akumaikai kena ketiyinikekai kepauka munua witari,m+k+mexi mete'kwakai me'íet+wekai meta siere me'yuwit+t+wekai anarike me punierix+ kepauka Noé mautat+a yu'kanuwatsie, ³⁹ Meta tsime'kwatehetima,m+ta anarike witari pu'nua me puku'hau yunait+ te+terixi,meta ya'xeik+a pa+'tiyini hamietsie Uki Nu'aya. ⁴⁰ M+ta ukitsi me yu'hutat+ me pu'uwani yetapa,m+k+ Pam'wit+kieni meta xewit+ kwa'eíriwa. ⁴¹ Meta ukari yu'hutat+ me t+x+kaku t+x+mek+;xewit+ pam'wit+keni meta xewit+ kwa'eíriwa. ⁴² M+ta mexi xeta'niniereni,ek+ pekwarakumate kepauka kaka+yari hamie. ⁴³ M+ta ik+ xetenakumaika,x+ka kiekame rakumaikake kepauka hamie tinawayame,m+k+ tih+kake kwatipi't+akake mautahani kitana. ⁴⁴ Mexi'ta xeme siere aix+ xekeneu'yukuyurieka,m+ta iyaá Uki Nu'aya kana'hamieni xei'in+ariyaritsie hautinekaku xeme pa+ xekwate'itakwewieka'tsie. ⁴⁵ M+ta,¿keane h+k+ iyaá kwati'itawa,meta rakumaikame wa+kawa,m+ta keane kiekame h+k+ mih+rit+a yu'kií,meta wata'uximayatak+ ikwaitsie aix+ tianenik+? ⁴⁶ Aix+ it+arie h+k+ m+k+ ti'uximayatame,kepauka kiekame mu'nuani mika'xeiya pa+ tikamiekame. ⁴⁷ Sasunimek+ Ne pa+'nexerah+awe m+k+ kiekame ti'h+rit+ani naime pini rexeiyakai. ⁴⁸ M+ta x+ka xewit+ ti'uximayatame tsi'tiukaiyarit+ pa+ haineni yu'iyaritsie:'Ya'pawie kiekame', ⁴⁹ M+ta x+ka yu'iwama warutiwani te'uximayatamete meta x+ka ti'kwaka meta hapa+na i'eneni tar+wekarixi wa''mat+a, ⁵⁰ M+ta iyaa' kiekame ti'uximayatsiriwame punuani xei'tukari hauyewekakaku kepauka pa+ kwatita'ikwewanitsie,yat+ni xei'in+aritsie upaukakaku tsi'kwaramaikatsie. ⁵¹ M+ta kiekame pi'xiteni hutak+ meta yu'huye tawewieni yuhetsie iya'wahapa+ te'itawamete,kewa me'xuawe heiwerika meta yu'tamete xe'tixikauteni kwikwiniyak+.