¹ Jesús tiwarutaxat+a yu't+riyama hapa+na te+teri mana meyukanierit+akai. ² p+tiwarah+awe: ''Moisés tiwati'+kit+wakaitsie mepayaxike Fariseotsixi metá te'ut+wamete. ³ X+kate ya'mexeten+aka kexentekahuni, yexekeney+aka. Xekawawiyat+ m+k+ kemeny+a, mamutiniukak+ yameka tekahut+'ta. ⁴ H+ p+me 'ane, ika a'heteteme meta kayut+n+akame me wewie, te+teri ta mewaru'tit+t+wat+. Wa iyari ta ye'kwa'ane me menkuhana siere yu'maamak+. ⁵ Ya metekahu te te+teri mewa xeiyanik+ yukamixatsie 'atayeyaume ixuruki mepankutua raka'ut+kaime, tewapait+ yuhek+akak+. ⁶ Hapa+na ta tiwakwaiyatsie 'aix+ 'anek+a meyaxike meta sinagogas tá meyaxike +pari 'aix+ 'anenetsie, ⁷ wanake yunait+ mewakuh+aweni meku 'uwatsie hapa+na Rabí mete 'uh+awar+wani. ^{10 8} Xeme ta 'Rabí' xekwate 'uyuter+wani, xeime xe+k+a ti'+kitame xemexeiyak+, hapa+na yunait+ xe'iwamari. ⁹ Hapa+na ta neyau xeime xekwate 'uh+aweni a'naí kwiepa, xeime yu'yau yuxewime xemexeiyak+, ta heima 'aku yukanierit+a. v 10 Hapa+na ta xekwate 'uter+war+wani 'te '+kitame', yuxewí ti '+kitame xemexeiyak+, Cristo 'aku. ¹¹ M+ta, ke'ani 'iyá xeh+xie raya'axe xeti'uximayatame kanayeim+k+. ¹² Ke'ane ta raya'at+ mayuyeit+a yak+ raya'at+ kanayeit+ariem+k+. Ke'ane ta yak+ raya'at+ mayuyeit+a kaka+yari raya'akame kaneyeit+am+k+. ¹³ ¡tixa+ xekwa'tehauxeiya xeme, Fariseotsixi metá te '+kitamete, xete 'ukatawe'erie! te+teri xekwa wapit+a kaka+yari ta heimá makawe me metimamatekeni. Xeme xekwa 'inake'eriek+ xe'iyari yakwa'ane te+teri me mitanake'eriwani. ¹⁴ pobre xehetsie, Fariseotsixi metá te '+kitamete, xete 'ukatawe'erie! xetenawat+we wiuraxi wakitá. ¹⁵ ¡Ay xeme, Fariseotsixi metá te '+kitamete, xete 'ukatawe'erie! xeku'uwa kwiepa haramatsie hapa+na, xeime yununuyari xekuwaut+wet+. Kepauku mayanitsie xehapa+ aneme xepeyeit+ani hutamek+ m+ki nu'aya. ¹⁶ Pobre xeme, xeka haunenieret+ xewaruwit+xime hipame, xeme 'aku xemutiyuane: x+kate teyupaniek+ yepe'utay+ní kename yepetikayani, tixait+ kwatih+k+. X+kate ta ke'ane oro teyupani miemiek+ ye'utay+ní kename yetikayani, m+k+ kanayukuwieni kemutay+k+.' ¹⁷ Xepu'erie aku xekwahauneniere, ¿Tita masi raya'axe, oro sunu oro teyupani yatua ka+yari hats+a ? ¹⁸ M+ta, 'ke'ane ratimawa'r+watsie yetay+ní kename yetikayaní, tixa+t+ kwatih+k+, x+kate ta mawarikak+ ye'utay+ni kename yetikayaní, m+k+ kanakuwierem+k+ kemutay+k+. ¹⁹ Xeme te+teri xekwa hauneniere xeh+k+, ¿títa masi ti'utewi, mawari sunu ratimawar+wa 'aku mawari kaka+yari yetuirie? ²⁰ M+ta, iya ke'ane ratimawar+wak+ yetay+ni kename yeti'kayani, kanayukuwieni naime mana tikupinek+. ²¹ 'Iya ta, teyupanik+ yemutay+ kename yetikayaní, m+k+k+ payukuwí hapa+na ke'ane mumayakak+. ²² 'Iya ta, ta heimak+ yemutay+ kename yetikayaní, ka+yari'uwenieyak+ kana yukuwieni hapa+na ke'ane mana maakak+. ²³ ¡Pobre xehetsie, Fariseotsixi meta te +kitamete, xete 'ukatawe'erie! diezmo xeyatuaya menta'k+, enldo'k+ metá comino'k+, m+tá 'iya mari'ítsika mayatse'í kentin+á xeka'eniet+: títa aix+ ti'ane, títa ti nenimayatsika metá aix+ eriyarika. Ik+ kemaine p+tá p+xetekahuni, hapa+na xekate hayawat+ kexentekahu. ²⁴ ¡Xeme xekahaunenieret+ xewaruwit+r+me hipame, xaip+tsi xewaranyakatset+ xe'ware yat+t+'ta camellu tsixi xewa x+t+! ²⁵ ¡Pobre xehetsie, Fariseotsixi metá te '+kitamete, xete 'ukatawe'erie! yu'pasu wariena xe hauxina hapa+na yu'xak+r+, yuta+ta'ta aix+ ti'aneme xeka te'uyepit+. ²⁶ Xeme Fariseotsixi xekahaunenieret+, p+ta yu pasute hapa+na yu'xak+r+te xekenewatihauxix+a, ka'kwiemat+kait+ mayanik+. ²⁷ ¡Pobre xehetsie, Fariseotsixi meta te '+kitamete, xete 'ukatawe'erie! M+kite memakuteuke hapa+ xete tutuxa, herie 'aix+ xete 'uyuxexeiya, hupait+ ta m+kite wa'umete xe'puyatu'a hapa+na tita tsiti 'anene. ²⁸ Pa+m+m+ ta hapa+na xete'aka'erie kename aix+ xete uka'iyari te+teri wahep+sta, tatakuri xeteyupit+at+'ta. ²⁹ ¡Pobre xe'hetsie, Fariseotsixi meta te '+kitamete, xete 'ukatawe'erie! xeme temaikate wa teukiya xewawewirie hapa+na 'aix+ xete 'akuyuruwa kewa meme'teuke iyá aix+ mete u'iyari. ³⁰ Xeme p+xemait+ká: 'x+kate teu'uwanike taye'yeuma memu'uwakaitsie, tame tekwa '+arinikekai wahamat+a, temaikate memu kwiyatsie.' ³¹ Yat+t+ ta, p+'xepait+ka kename xeme waniwema kehate temaikate mewaru'kwi. ³² Xeme ta siere tatakuri xepaya'at+wa aku xe' yeyauma memitsut+a. ³³ Kukuterixi xeme, xe'wa nuiwari,¿ke xete wikweni aix+ rakay+nitsie taipa memaux+'riwatsie? ³⁴ Ya 'umieme, xeke neunenieri, nexeheyan+'airi temaikate, te+eri mete maiwaweme hapa+na mete 'ut+wamete. Iyá hipame xewa kwini metá xewa tituaxix+ani. Hipame ta sinagoga ta'xewa'tiwani meta xetewa kwuinit+ani kiekari manhanet+ka xewaku waut+wet+. ³⁵ Xehetsie ta p+katiy+m+k+, aix+ meteu'iyari wa xuriya kwiepa mautax+riex+a xehetsie kanyukatet+am+k+, Abel aix+ tiuka'irarikai muyeikakaitsie pait+ Zacarías Berequías nu'aya tukarieyatsie a'tinieret+, 'aku 'iyá xeme xewarukwi kaka+yari yukanierit+atsie, ratimawar+wa h+xie, teyupanie. ³⁶ Hasunimek+ nexerah+awe: 'ik+ nait+ yatiy+ní 'ik+ nuiwaritsié. ³⁷ ¡Jesrusalén xeme aku temaikate xewa ku'úya metá tete'xik+ xewa tituaxa kehate xehets+a memeyan+'arie! ¡M+ixa p+nereuyah+akai a'niwema newa kuxe+rienik+, wakanari wa hapa+ kemente waru'awietá pix+x+itsi yu'anate ta, ek+ tá p+ pekwatiutanake'eri! ³⁸ keneua'+wi, 'akie 'akumawit+ payeixime. ³⁹ Ya'umieme nexerah+awe, xeme tawaríe xekwanetsi xeiya hipait+ tiyatsut+, kepauku xetiy+ni ke: ' 'aix+ 'it+arie 'iyá mamie ta'Ukiyari kentitewá n+'arieyak+.