¹ Jesusi tawari tiwarutaxat+a '+xatsik+, p+hait+: ² "Kaka+yari kwieparieya p+ 'anet+ ane xewit+ rey wiesta ne+kixa yuniwe hep+sta. ³ Yun+'arima wareutan+'ax+a teewa 'iya ke'ane mamuta'inieriekai wiesta ne+kixatsie, m+k+ta yamakwate 'utanake'eri makwa hayeix+a. ⁴ Tawarita tatuwani yu n+'arima waren+'a, p+hait+: p+xetenewarutah+awi ke'ane aku newaruta'ini: "ikwai ne tiukawewi taikai mieme. Ne turu, muxatsi meweweret+ mapukwiya, hapa+nata ariri ikwai aix+ ti'ane. Xenahuni wiesta ne+kixa." ⁵ M+ta iya teuteri sasuni makwa te'utaeri mete utatawe'eri m+k+ mamuta inierikai. Hipat+ mepe'k+ yu kie hipat+ta mapanuax+a meteyutiurietsie. ⁶ Hipat+ta Ukiyari n+arimama mawarutiwi, wa+kawa mawarutewin+a m+ta mawarukwi. ⁷ M+ta m+k+ ukiyari ha'akai. M+k+ yu xutaruma waren+'a, mawarukwi m+k+ teyukwikate, m+ta siere wa kiekari mapakutaiyax+. ⁸ M+ta yu n+'arima p+tiwarah+awe: "ne+kixari 'aix+ ti'ane, 'iya ta ke'ane mamuta 'inieriekai mana makwa tenakekai. ⁹ Ya ti'anek+ xene'huni kewa teuteri mamauyak+ka teuteri yunaime kepame xewarekaxeiya xewareta'ini wiestak+ta ne+kixa. ¹⁰ M+ta n+'aritsixi mepek+ huyeta m+k+ kepame teuteri mawarekaxei mawaruta'ini, 'aix+ meteu'iyari hapa+na tsimete 'it+t+a. Pa+m+ muwa kitaa tine+ket+nekaitsie meputah+nix+ teuteri mamutá 'inierikai. ¹¹ M+ta kepauku m+k+ rey munua waku xeiyanet+ waruta'iniekai, mana xeime tewi puxei pini wiesta mieme karanakapikame. ¹² M+k+ rey p+reh+awe: ' ne hamiku, ¿Kepetiut+a 'uwa pini wiesta mieme pakaranakapit+? ' M+k+ta tewi kwa uy+wekax+a kemutay+ni. ¹³ M+ta m+k+ rey yatiwarah+awe yu n+'arima: ' 'Ik+ tewi xeu h+a mamateyatsie hapa+na +kateyatsie, m+ta muy+witsie takwa xanyah+wa, 'aku kewa tsuari mexuawetsie hapa+na watamete metixikaur+ka kukuiniyak+. ¹⁴ M+ta waukawa teuteri mah+awarie, yak+ meyupa+met+ xeik+a mapanayahapaniwa." ¹⁵ M+ta fariseotsixi mepek+ mepeitimaix+a kehapa+ Jesusi metewiyakekai niukieyatsie. ¹⁶ M+ta m+k+mexi mepein+'airi Hats+ana yu t+riyama, hapa+na siere Herodianotsixi mame. M+k+ Jesusi p+mete hah+awe: "Ti'+kitame tete 'akumate kename 'ek+ peh+k+ aku peti'+kita Kaka+yari huyeya sasunimek+. Kename xewit+ ke'maine pakwai'enie, m+ta hipame xeik+a mete 'aya'ar+kame pakwa wareyeit+a. ¹⁷ M+ta yata teutah+awi, ¿ke petiku 'eriwa? ¿'aix+ ti'ane teteyutuaka Cesar hats+a sunu hawaik+? ¹⁸ M+ta Jesusi wareti'eni tsimete yukuh+awekaik+ p+tiwarah+awe: "¿Ketiu xenetsi 'in+atat+we, te'itawamete? ¹⁹ Xeneneu xeiyast+a m+k+ tumini xemiyatua". M+ta mepi at+iri xeime tumini. ²⁰ Jesusi p+tiwarah+awe m+k+mexi: "¿Ke 'ane 'ik+ nierikaya m+ta ketitewá?" ²¹ M+k+ta p+meputiy+: "César ti'pinieya". M+ta Jesusi p+tiwarah+awe: Yati 'anek+ César tipinieya César xeteneyatuirieka m+ta Kaka+yari tipinieya Kaka+yari xeteneyatuirieka". ²² Kepauku memi'eni, mapu wairix+a. M+ta m+k+ mepikwe'eiri tewapai memek+. ²³ 'Ana tukari hipat+ Saduseotsixi mapu ax+a Hats+ana, iyamexi ke'ane p+mamait+ka kename kay+we xewit+ mankukeni. 'Iyamexita mepe iwawiya, ²⁴ p+mahait+kait+: "Ti'+kitáme, Moisés p+putay+: 'X+ka xewit+ tewi 'u m+ní, ka'nuariet+, 'iwaya kehe'wit+ni +yayat+kai m+ta ke 'utinuarieni yu 'iwa hetsie mieme.' ²⁵ Mana makanierekai 'atahuta iwamarixi. Manyaka putine+kix+ 'umanierata pu'm+, ka 'utinuarieka. M+k+ta yu 'iwa pukwe'eiriri. ²⁶ M+ta hutarieka 'iwaya yaxeik+a tikat+a, hapa+na hairieka mauwe, hap+na yunait+ 'ut+mana mamau'u. ²⁷ Umaniereta wa'ut+a ukaratsi siere puúm+. ²⁸ Hik+tari mankukenitsie, ¿ke'ane ta +yaya paya'ni aku iyá atahuta iwamarixi ? M+k+ yunait+ memewit+k+kaik+." ²⁹ M+ta Jesusi p+tiwarah+awe: "Xeme aix+ xekwa'hait+ka, Kaka+yari niukieya xekwa 'akumatek+, hapa+na xekwate akumate Kaka+yari kenti t+r+ka+ye. ³⁰ Kepaukuta mukite mamanku'uni xewit+ kwatine+ke ni hapa+na yu mamatsie makwa yuh+ni. P+ta, m+k+ meh+k+ akeritsixi wa hapa+ wana taheima. ³¹ M+ta yame kuyinek+ m+kite mamanku'unitsie, ¿xekate 'ekater+wawe Kaka+yari kexetiutah+awix+, p+hait+: ³² NE NEH+K+ ABRAHAM KAKA+YARIEYA, ISAAC KAKA+YARIEYA, M+TA SIERE JACOB KAKA+YARIEYA.'? Kaka+yari kwawa Kaka+yari me kwikwi'i p+ta mamayeneniere." ³³ Kepaukuta teuteri yuwa+kawat+ mamu'enana, me wawa+rekai ketiu '+kitakai. ³⁴ Kepaukuta Fariseotsixi memu'enana kename Jesusi Saduseotsixi warutatiekai, M+k+ mapuyuxe+ri. ³⁵ Xewit+ta ,mari'itsika maiwet+, xeime 'iwaurika putawewi, 'i'in+atam+t+: ³⁶ "Ti'+kitame ¿Ke'ane h+k+ mari'itsika masi wa+kawa raya axe?" ³⁷ Jesusi p+titah+awix+: "KENEUYAH+AKA A 'UKIYARI A KAK+YARI NAIME A 'IYARIK+ NAIME A K+P+RIK+ M+TA SIERE NAIME A MU'ÚK+". ³⁸ Ik+ h+k+ mari'itsika manyaka raya axe. ³⁹ Mari'itsika hutarieka raya axe hapa+na pekuy+ne- 'A IWA A AURIE MU'TIKA KENEUNAKE 'ERIEKA AKU EK+ KEPEREU ANEKE'ÉRIE HAPA+'. ⁴⁰ Ik+í hutat+ mari'itsika hakuhanie nait+ mari'itsikatsie meta temaikate memiti ut+a." ⁴¹ Mexita Fariseotsixi meyuxe+rie, Jesusi warutaiwawiyax+. ⁴² P+'tiu iwau: "¿Xeme kexete ku'eriwa Cristo hep+sta? ¿Ke'ane nu'aya? M+k+mexi p+meputiy+: "David nu'aya H+k+". ⁴³ Jesusi p+tiwarah+awe: "¿Ke hapa+ tam+ta David Espiritu tsie p+tih+awe Ne 'Ukiyari, p+'hait+: ⁴⁴ KAKA+YARI P+TITAH+AWIX+ IYA AKU CRISTO: 'UWA NEUTIYEXI NE TSERIETA, KEPAUKURIKE A NE+KIXIWIMA A H+XIE METIYAXE. ⁴⁵ X+ka David p+tih+aweni aku Cristo 'Ukiyari', ¿Ke hapa+ ane David Nu aya? ⁴⁶ Xewit+ kwa uy+wekax+a mita'eiya niukuk+, tawarita xewit+ kwa uy+wekax+a iwaurika miwewiriewni mana tukaritsie.