¹ Meripait+ Jesús hats+a mapayeix+a t+riyamama p+mete heh+aweta: "¿Ke'ane masi raya'axe a Kieparitsie ta'heima?" ² Jesús xeime nunutsi putah+awix+ Hats+ana nuanik+ m+ta wa'hix+apa pitake ³ p+hait+: Sasunimek+ nexerah+awe, x+ka xeik+a ek+ pe'a uti'yarit+ani m+ta nunutsi hapa+ petiu a'h+awe, kway+we Kaka+yari kwieparieyatsie pamautayani. ⁴ Pa+m+ ti'ane ke'ane ik+ nunutsi hapa+ mayuyeit+ani, m+k+ tewi wa+kawa raya'axe Kaka+yari Kwieparieyatsie ta'heima. ⁵ Iya'ta ke'ane nunutsi mankwewieni aku nunutsi hapa+ Ne kenentiwikwest+a, m+k+ yu mamatsie Netsi h+mey+ni. ⁶ Ke ane'ta aku ik+ t+ri Ne hetsie sasuni mete'erie tatakuritsie meih+ani, a+x+ anenikeyu m+k+ x+ka tete nekame atit+t+arini k+ipieyatsie, m+taa x+ka haramaratsie hupait+ hauh+iyani. ⁷ ¡Yu hetsiets+ri te+teri kwiepa metáma tatakuri meteyupit+a! P+'reuyewetse tukari mankayeika p+ti'aneni; m+ta, ¡iya ke'ane tewi hetsiena tatakuri makamie! ⁸ X+ka a mama yatá a +ka tatakuri metipit+aka, na'witeki m+tá waneukah+wa wapait+. Aix+ ane a'hep+sta masi Kaka+yari Hats+a peyemie pa'mamam+rit+ pa'+ka m+rit+, ke akuxi taipa pamauh+iyani penaimit+ paha'mamat+ m+ta siere paha'+kat+. ⁹ X+ka a'h+xí tatakuri meti pit+aka, newatitu'í wapai neka'h+wa. Masi aix+ ane a hep+sta Kaka+yari Hats+a peya'ani xeime xitapa xeik+a pa'haunieret+, ke akuxi taipa pa'mauh+iyani maimek+ pahaunieret+. ¹⁰ xeunieri ke'ane itsimeyumate yaxekwa tewareu eriyani. Ne p+nexera'h+awe ana taheima, Akerimama Ne Yau manayexeiyani aku taheima kaniere. ¹¹ M+tá Tewi Nu'aya ana kwiepa peyat+a ke'ane mamauya'x+riekai. ¹² ¿Ke peti ku'eriwa ek+? X+ka xewit+ tewi 100 muxatsi warexeiyani, x+katá xewit+ hauyeweni, ¿Katiwa kwe'eirieni me 99 muxatsi mama'ariya m+taa ke'ane muxa mauyewe katiwaumie? ¹³ X+katá ikaxeiya wa+kawa yu'katemawieni ni ke akuxi muxatsi 99 makwa hauyax+rí. ¹⁴ M+taa siere p+ti'ane, A Yau p+'kwareuyah+wa aku ta heima yukanierit+a ik+ yak+ memauyumaririe mamauyax+r+weni. ¹⁵ X+ka a iwa tatakuri tiuyu pit+ani a hep+sta, hats+ana nemie neu hek+ata ke'muy+ ek+ m+k+ mat+a yu'xa+ta. ¹⁶ X+ka metsu enieni, a iwa papa'iwax+ aix+ manyinetsie. X+kata kametsu enieni a'hamat+a newara iniet+ yu hutame iwamari, pa+m+ iwamari temariwame yuhutat+ meta yuhaikat+, m+k+ niuki yu'enieni. ¹⁷ X+katá m+k+ kexe'u enieni, neutaxata kenti'ane tiwati xaxatsiwatsie. X+katá m+k+ iwamarixi kawaru enieni, tsepa ts+ri xetenetimani kename kaxe iwa kename Gentil h+k+ m+ta siere tumini xexe+riwame. ¹⁸ Sasunimek+ Nexerah+awe, tita iya ana kwiepa pakwa tipit+ani, hapa+ana taheima pakwati pit+iyarieni. M+tá tita iya peti pit+ani ana kwiepa timieme, hapa+na taheima timieme peti pit+iyarieni. ¹⁹ Hapa+na tawarie Ne'paine, x+ka xeme yu'hutat+ yaxeik+a xete uyuh+awe ana kwiepa tsepa titatsie meta tixa+ xete utawauni, yati yurieni Ne Yau aku taheima yukanierit+a. ²⁰ Aku kewa yu hutat+ ya yu haikat+ meme'yuxe+rie Ne'hetsie meku'eriwat+, mana Neyukanierit+a wa'hix+apa. ^{21 22} Umaniere Pedro nua Jesús p+rah+awe: "Ukiyari, ¿Ke'pamex+a ne iwa ne'reuyah+wirieni x+ka tatakuri tiuyupit+ani ne'hep+sta? ¿kepamex+a a'tahutamex+a?" Jesús p+reh+awe: "Ne p+nemarah+awe a'tahutamex+a hawaik+, p+tá 490 mex+a. ²³ M+tá, Kaka+yari Kwieparieya p+tiuyu hek+k+are xewit+ tatuwani p+tiyurienikekai yu n+'arima mete epiniriekai waru'wi. ²⁴ Ke'pauku warutiwitsie mete apikaik+, xewit+ n+'arimama pu'at+arie h+xiena, m+k+tá repinierikai $10000. ²⁵ M+k+'ta kwa heixeiyakai titak+ rayukatuani, ukiyarieya p+ tiun+'a ke'antah+iyanike +yaya siere niwemama siere hapa+na pini tita rexeiyakai, pa+m+'ta rayukatuame y+nikekai. ²⁶ Umaniere'ta m+k+ n+'arieya pu'kaya, titunumake h+xiena p+reh+awet+: 'Ti'+kitáme, ne neukwewi akuxi, kuta naime ne'marakapit+ani.' ²⁷ M+ta m+k+ ukiyarieya, pi'tinenimayatax+, pitatua hapa+na'ta repinieriekai reiyah+wiri. ²⁸ M+k+'ta n+'arieya pet+a xeime pukaxei yu hapa+ axeik+a mete uxumayakai m+k+'ta 100 denarios rapikai hats+ana. M+k+ n+'ari yu iwa puwí, k+ipit+ana awiet+ p+reha+awe: 'Netakapit+a kepá penerapinierie.' ²⁹ M+ta m+k+ iwaya pu'kaya titunumawet+ p+ painekai: 'Akuxi neneukwewi, naime kuta nemarakapit+ni.' ³⁰ M+k+'ta n+'ari yakwa tiutanake'eri p+ta, kaxariyarie peitah+a, kepaukurike maya'anikekai aku naime rayukatuanikekai. ³¹ Kepaukuta iwamama mete hetíma mamunierix+ kentiuy+kai, wa+kawa mapuyuka heiweri; me'pek+ yu ukiyari p+metehah+awe kemete unierekai. ³² M+ta m+k+ ukiyarieya pita kwewi p+reh+awe: 'tewi tsitiuka iyari, ne nemereuyah+wiri kepaa penerapinieriekai pa mu'atawauk+. ³³ ¿Ek+'ta siere a iwa paka retinenimayatakekai, ne aku a hep+sta nenimayatsika nemutixuawit+a?' ³⁴ Ukiyarieya puyaha'a piyatuata teyukwikate wa'hats+a ke'paukurike rayukatuamerike aku ke'pame rapikai. ³⁵ Pa+m+ siere Ne Yau taheima yukanierit+a p+'tikayani xe'hep+sta, x+ka yu iyarik+ yu iwa xekate hauyah+wirieni.