¹ Ataxewi tukari ankayaku, Jesús waruta'ini Pedro, Jacobo (Santiago),meta yu iwá Juan, kawarewit+ni h+ri antitewikakutsie. ² Iyá wa'h+xie yuk+ anet+ pat+a. Yu h+xie tau hapa+ ayaxawat+t+ pat+a m+ta kemarieya wa+kawa xawawat+t+ pat+a. ³ Ana'm+, mepuhek+arix+ metekuxatat+ hamat+ana Moisés Elias mat+a . ⁴ Pedro uniereka Jesús p+rah+awe: ''ne ukiyari, a'na teyukanierit+ak+ aix+ ane. X+ka p+petinake'erieka, xamari haikame netiwewieni, xeime a'hetsie mieme, xeime Moisés tsie mieme, xeimetá Elias tsie mieme''. ⁵ Mexi akuxi tikuxata, haiwí mer+ka+yet+ warukuna, haiwi'tsata niuki payené p+hait+: ''Ik+ ne niwe nemeinake'erie kah+h+t+ni, k+manak+ wa+kawa nepauyutemawie, xekene'enieka''. ⁶ T+riyamama memu'enanax+'tsie, wamekanieritax+a me mamat+. ⁷ m+ta Jesús nuaka warumay+a, ana p+tiwarah+awe: '' Xekenanku'nenieri xekwamamaka'' ⁸ Ana'm+rike wa mepenenierex+ xeime tawarie me kwa u'xei Jesús xeik+a mepuxei. ⁹ H+ritsie me akahut+, Jesús p+tiwarah+awe: '' hik+ xeime xekwate haxaxat+wani kexente unierix+ p+tá kepauku tewi Nu'aya mankuket+arienitsie m+kite watsata''. ¹⁰ T+riyamama p+'metehe iwawiya: ''¿ Ketiu te ut+wamete me pait+ka kename Elias akuxi hamie?'' ¹¹ Pu'taa Jesús hait+: '' Casi Elias meri kanehamieni naime aix+ tiyurienike. ¹² Ne'ta p+nexerah+awe, meripait+ kanuaniri Elias, m+k+ mekwa itanake'eri; p+tá hetsiena yemeteniuyurieni kementehauyah+akai. Yaxeik+a'ta, tewi Nu'aya katikwinim+k+ wa mamatsie.'' ¹³ Ana'm+ mepetienanat+k+ t+riyamama kename Juan el Bautista tsie tiwakuxaxat+wakai. ¹⁴ Kepauku memu ax+atsie teuteri meyuxe+riekaitsie, auriena nuaka xewit+ tewi, putitunumake h+xiena, p+reh+awet+: ¹⁵ ''Ne ukiyari, ne niwe ke neutinenimayata, ka niutar+weweni ka tiyu kwinit+aka wa+kawa . M+ixa taipa ya siere hata ka neuwautseni. ¹⁶ A t+riyamama hats+a nepi'at+a mekwa uy+wekax+a herie memenenet+ani.'' ¹⁷ Jesús pita ei hait+: '' Nuiwari sasuni me kwate'erie hapa+na me kwate akumate tita aix+ ti ane ya hawaik+, ¿ Ke kutá ne reutere tawari xehamat+a? ¿ kepa+memek+ tawari ne nexetinewirieka? ana'í xekeneneu at+iri.'' ¹⁸ Jesús t+kakame n+arieya payan+a anam+rike payat+a hetsiena. Anarike iyá uki temaik+ herie pane. ¹⁹ Jesús t+riyamama me itaxeiyaka yu xewime p+ mete iku'iwawiya: ''¿ Ketiuru tekwa uy+wekax+a temeyan+'ani''? ²⁰ P+ tiwara eiya Jesús: '' Wa+kawa xekwate'eriek+. Ne sasunik+ nexerah+awe, x+kate tsipemek+ sasuni xete'erieka, mostaza hatsiyari ken nene hapa+, xeme xey+wekax+anikeyu x+kate ik+ h+ri p+ xete itah+awe: 'mana hutá p+ta kenemié', m+k+ ka xe eniem+k+. Nait+ tiy+wet+ kanayeim+k+. ²¹ Ik+ t+kakame n+arimama yeme a'nene kwa ayayani, p+tá nenewiyak+ hapa+na hakiyak+. ²² Mexi akuxi Galilea me u'uwa, Jesús yut+riyamama p+tiwarah+awe: '' Ukí tewi nu'aya te+teri wa mamatsie kayatuiyam+k+, ²³ Iyamexi meni miekuni, hairieka tukari ankayayu kanankukem+k+ta.''Ana t+riyamama mepuyukaheiweri. ²⁴ Capernaúm meya ax+atsie, tumini xexe+riwamete kaka+yari niukieya watixaxatsiwatsie ti miemek+ Pedro hats+a meya'ax+a, p+ meteheh+awe: ''¿Ti'+kitame tá katiyutua uwa miemek+?'' ²⁵ Iyá p+putay+: ''H+.'' Pedro mautat+atsie Jesús hamat+ana tiutaxa p+rehuawet+: ''¿Ek+ kepetiku eriwa, Simón? ke hate me its+kate, ¿ ke hate wa tumini me pan +we? ¿ kiekatari sunu tewa kiekatari?'' ²⁶ Pedro mutay+tsie: '' tewa kiekatari", Jesús p+ re'eiya: ''meka teneyutuats+ kehate me kiekatari. ²⁷ Niuki mekwa x+at+akak+ iyamexi tumini xexe+riwamete, haramara testa kenemie, a kwaits+pame ma kene haukawiwi, kepauku mat+ari xeime pemekwaits+patsie m+k+ pepewiya. Kwaits+ pehenatih+nirienitsie, tumini tetana hatimaneni. Peheiwati'+me pewa +it+ani iyá tumini xexe+riwamete wa hats+a, ta hetsie miemek+.