¹ Fariseotsixi meta Saduseotsixi meniu ax+ani Hats+ana m+taa menita in+ata me iwawiriet+ kename kewaruhek+at+iyeke taheima timieme. ² m+k+ta p+katiwarutah+awe: ''taikai h+k+t+nitsie, xeme p+xemutiyuane: 'hik+ aix+ tikuy+ni, haiwitsie muxure.' ³ Uxa'ariekata ximeri xeme p+xemait+kani: 'hik+ta tsiti kumayare, hik+ mau'haiwiya. xeme xete akumate kehapa+ xeteheitimait+k+ka, keti anet+ taheima ti'ane , m+ta xekay+wawet+ xemeitimait+k+ne kehapa+ tiwatiy+xime tukari matihane. ⁴ xewit+ ke'kemieme tsitiuka iyarit+ ukitsi watemawiet+ ti'hek+akame katiwauneni, m+ta ni xeime kwayetuiriyerieni tita ti'hek+a xeik+a Jonastsie timieme.''m+ta Jesús kawarukwe eirieni kaneyani. ⁵ Iya t+riyamama xeitapa mepanex+a, m+ta metenat+maiyakait+ni kename pani me an'+nikekai. ⁶ Jesús p+katiwarutah+awe: ''Xeneneu'eni heitserimek+ wa+kawa xeyu'+wiyani fariseotsixi m+ta Saduseotsixi wa'+kitsika.'' ⁷ M+k+ t+riyamama p+meteyuk+h+awekai: '' pani tekwa a'+k+ kanaineni.'' ⁸ Jesúsita kataa enakait+ni yememait+kateitsie p+ta katiwarutah+awe: '' Xeme ukitsi wa+kawa sasuni xekate eriet+,¿ketiuru yexete hayuh+awe kename pani xeka'a+? ⁹ ¿Akuxi xekwahati enat+k+ka ni xekwaha eriwa pani auxuwimek+ mete ukwai cinco mil ,hapa+nata kepa tsamuri xemuxe+ri? ¹⁰ ¿Ni hapa+na xekwaha eriwa cuatro mil Netiwarumi, pani atahutamek+, kepata tsamuri xemuxe+ri? ¹¹ ¿titak+ri xeme xekatehati enat+k+ka kename Ne, panitsie, nekatikuxatakai? p+ta xeyu +wiyani Fariseotsixi meta Saduseotsixi kemente'uhu.'' ¹² Anam+rike mepeti enanat+k+ kename m+k+ panitsie mauyutiwiwa kaxatakai p+ta hait+ painekai mekeyu'+wiyanike iya Fariseotsixi meta Saduseotsixi kemente u'+kita. ¹³ hik+ta kepauku Jesús muta'atsie Cesaria tiyetewakaku Filipo kwieyaritsie, M+k+ yut+riyama waruta iwawiyax+, p+hait+: '' ¿kemehait+ka te+teri ke ane aku h+h+ Uki nu'aya?'' ¹⁴ M+k+'ta p+meputiy+: ''Hipat+ mepait+ka Juan el Bautista; hipat+ ta, Elias; hipat+ ta, Jeremías, ya xewit+ ti'mamateme. '' M+k+ p+katiwarutah+awe: ¹⁵ ''m+ta, ¿kexehait+ka ta xeme kename ke ane Né neh+k+?'' ¹⁶ Simón Pedro, p+tita'ei: ''Ek+ Cristo peh+k+, Kakaka+ mayeniere nu'aya.'' ¹⁷ Jesús p+katitah+awe: ''aix+ pe'it+rie,Simon Jonas nu'aya, ak+ manak+ pekwarakumate ik+'yemany+ne p+ta Ne'yau taheima kaniere metiuta +kit+a. ¹⁸ hapa+na p+nemerah+awe kename ek+ Pedro peh+k+, ik+'tetetsie ne teyupanie nepawewieni; ni m+kiriya kway+wekax+ani mika'una. ¹⁹ Ne tiyepiwame nemetsiyetuirieni taheima mieme. tita petih+ani ana'i kwiepa yaxeik+ata taheima p+katiy+mik+, yaxeik+ata tita petitatuani ana'i kwiepa yaxeik+a katiy+m+k+ taheima.'' ²⁰ m+ta Jesús yut+riyama p+katiwarutah+awe kename m+k+ xeime p+me katehah+awenikekai kename M+k+ h+k+t+kai Cristo. ²¹ Anam+pait+ri Jesús tiutsut+ani p+tiwarah+awet+ yut+riyama kename m+k+ yemiekai Jerusalen, kename iyamexi ukirawetsixi, tatsinitsixi te'+kitamete meta te'ut+wamete meyun+t+ memi mieni, pankuket+arieni hekwuamek+ hairieka tukari ankayayu. ²² M+ta Pedro yatewa i'hanaka p+reh+awet+:''ik+ yerany+ne kereutewani ahetsie, ne Ukiyari; ne p+nekwareuyeh+wa p+ti aneni a'Hetsie.'' ²³ M+ta Jesús Pedro antaxeiyaka p+reh+awe: ''!T+kakame nemieni tewapait+ ek+ tete witsest+arika peh+k+ Nehapa+sta, ketiuru pekwa a'+wiya Kaka+yari kemaine, p+ta teuteri kementeku eriwa.'' ²⁴ M+ta Jesús p+katiwarutah+awe yut+riyama: '' x+ka xewit+ ne'ut+a hauyeim+k+ni, kerat+maiyani kenreuyeh+wa yetikamieni yutukaritsie , p+ta yukuruxi at+t+ ne'ut+a ke'umieni. ²⁵ Meta ke'ane yutukari mauwikwest+am+k+ni peiyeh+ani, ke'aneta yutukari mauyeh+ani nek+manak+ pikaxeiya. ²⁶ m+ta ¿tita yumamatsie tih+ni i'ya tewi x+ka um+ni naime kwuepa ti'mieme rexeiyat+?¿titata tewi tiyetuani yutukarik+? ²⁷ M+ta uki Nu'aya kanuam+k+ kenraye axe hapa+na akeritsixi wa mat+a. ANAM+TA M+K+ TEUTERI KATIWARAKAPIT+AM+K+ YUXEXUIME KEMENTEKAK+K+. ²⁸ hasunik+ nexerah+awe, hipat+ xeme uwa xeyukanierit+a, m+k+riyatsie xekwa u'yek+ne kepaukurike xemixeiya uki nu'aya yukwueparitsie akamiekame.