¹ P+tiuy+ kepauku Jesus tiuhayawar+ tikuxatakai, payat+'a tiyatewakaitsie Galilea pet+'a kwie maka'at+katsie Frontera tiuyu teruwatsie Judea, hukaiwapait+ Rio Jordan an'ya yame. ² Wa+kawa te+teri mepiweiyakai mana m+k+ heriewaranet+ax+a. ³ M+ta Fariseos mepayeix+a hats+ana me ita'in+atake ketay+nikekai p+ mete'heh+awekai: "¿Ti y+we iya uki yu'+ya kw'erieni tsepa kerany+nemek+?" ⁴ Jesus waruta'ei p+ putay+: "¿Xeme kari xekwate akateruwawe maukatsut+ DIOS MARUTIWEWI UKI UKA? ⁵ ¿M+ta siere kanutay+ni: M+K+ YETI ANEK+ UKI YU YA'U SIERE YU TE'I KWE'EIRIENI, M+TA UKI UKA MEYUTIN+NI, M+K+ MEYU HUTAT+ XEI WAIYARI MEPAYANI? ⁶ M+k+ mekwayu hutani, pa+tari xeiwaiyari menh+k+. Yentianek+, Dios warutin+it+ak+, rekwayu eirieka xewit+ xetax+xiwani". ⁷ M+k+ta meteheh+awe: "M+ta, ¿ketiuxu Moises P+ PUTAY+ TEKEWAYATUIXIENI XAPA KENAME MEUYUKU'EIRI RE'UTSEME M+TA TEWA PEN'N+ANI? ⁸ M+k+ta tiwarah+awe: "M+k+ yu iyaritsie mentsetse+yekai Moises warupit+a mewaku'eirieni yu'+itama, meripait+ makatsut+tsie p+ kwa ti'anekai. ⁹ Ne nexe'rah+awe xewit+ tsepa ke ane x+ka yu'+ya ukueirieni, x+ka weiyarikak+, ka u'y+ni, x+ka utine+ke xeime mat+a ukitsi matemawie payeika karayuni; iya uki x+ka utine+ke eiriwame x+ka hewit+ni, karayuni payeika. ¹⁰ N+axitsiri p+ meteheh+awe Jesus: "X+ka p+tianeni wahepa+sta uki m+ta ukaraiya, aix+kwa'ane memuyu'wit+k+ni". ¹¹ M+ta Jesus p+ti warah+awe: "Yunait+ me kwa y+wawe memitanake'erieni ik+ +kit+arika, xeik+a iya ke ane menpit+arie meminake'erie". ¹² Metexuawe kanuariwet+ kaponitsixi metinunuiwa yeme'anenet+ yu te'i tsie pait+. Hipat+ta p+ meputi it+ariwa te+teri p+ mewatiyuxuwa. Siere hipa+ta mepu'uwa yuk+mana kaponi mepak+ yeti'yu nake'eriek+ ta heima timiemek+. Ke ane y+we ik+ +kit+arika yu'mamtsie ke'ih+ni. ¹³ M+k+ta pu at+iyarie t+ri m+k+ yutanenewienik+ yu'mama wahetsie mutanet+anik+: m+k+ta t+riyamama mepete'akai. ¹⁴ M+k+ Jesus p+tiwarah+awekai: "Xekene warupit+a ne hepa+ memak+ne xekwaxa imaiyani, m+k+ ta heima ma'kama wa'etsie katimiemet+ni." ¹⁵ M+k+ yu'mama wahetsie putanet+a, yepaukuta payat+a mana. ¹⁶ M+ta yetiuy+k+ xewit+ uki kanuani Jesus hats+a p+reh+awe: "Ti+kitame, ¿tita aix+'ti aneme netiyurieneni tukari kwar+we nemexeiyanik+?" ¹⁷ Jesus pa+reh+awe: "¿Ketiuru pepa'iwawa tita aix+tianek+? xewit+ xeik+a aix+ ane, x+ka ek+ p+ pereuyah+aka tukari pe ankuweiyam+k+ xeik+a kaka+yari kemaine yeketekamieni." ¹⁸ M+k+ta h+k+ p+reh+awe: "¿Ke ane mari'itsika?" Jesus putay+: "PEKWA'TI AMEMIWANI; PEKWA KARAYUNIT+NI; PEKWATINAWAYANI; PEKWA'TI ITAWANI, ¹⁹ A YA'U A TE'I AIX+ KETEWAREU ERIYANI; SIERE KE ANE A AURIE MUYEIKA AIX+ KETEU'ERIYANI EK+ KEPENREU'A ERIYA." ²⁰ M+k+ temaik+ reh+awe: "M+k+ naime yenetikamie; ¿tita tawari reuyawetse?" ²¹ Jesus p+ putay+: "X+ka ek+ p+ petikueriwani aix+ petiukaiyarini, ke nemie, ketetua tita penrexeiya m+ta iya men'mamawi ketewareyatuiri, pepayani raya ar+kame perexeiyat+ ta eima timieme. Uraniere kwiniwa kenenan'kweiya." ²² M+k+ u'enaka temaik+ Jesus kemutay+kai, pet+'a yuheiweriet+, m+k+ wa+kawa rexeiyakai pinite. ²³ Jesus pa+ tiwarahawe yut+riyama: "Sasunik+ nexerah+awe kwatiy+we xewit+ tewi wa+kawa rexeiyat+ mautahani ta heima kaka+yari mekanieretsie. ²⁴ Tawari'ta p+ nexerah+awe, ni tsikwa ane camello manyahani iwipame h+rieyatsie, keyuri xiku mautahani ta eima kaka+yari mekanieretsie." ²⁵ Kepauku t+riyamama memu enana, wa+ka memuyuti'iyarit+a p+ meputiy+: ¿Ke ane kuta kuwikueni? ²⁶ "Jesus waranxeiyat+yaka p+putay+: "Te+teri wa'hepa+sta kwatiy+we, Yusi hepa+sta hik+rix+a nait+ tiy+we." ²⁷ Yeti anekaku Pedro niutay+ni: "Neuxei, tame tetehe'kueiri temetsiu'weiyat+, yeti anek+ ¿tita te'tehexeiyat+ tetehak+ne tame? ²⁸ Jesus tiwarah+awe: "Sasunik+ nexerah+awe, xeme xenetsu'weiya, hekuame xemu'tinuiwax+, kepauku uki nu aya mankayar+ni +paritsie witsira'kuanetsie, xeme siere xepankayaxe doce +pari manka'u, aix+ xeteakayuruwat+ iya doce nuiwariyari Israel kiekatari. ²⁹ Yunait+ iya ke ane yuki memuku'eiri, yu iwama, yu ya'u, yu te'i, yu niwema, yu kwie ne k+manak+ Ne kenentitewak+, m+k+tikareiya cien masi rana pikame siere yu'mamatsie pih+ni tukari kwax+we. ³⁰ M+k+ wa+kawa memahait+t+a hik+ mema'k+ne memakuinanat+, m+ta m+k+ wa+kawa memakuinanat+ memak+ne memahait+a.