¹ M+k+ tukaritsie Jesus kanaya'yani yukie kaniukayar+ni hara'mara testa. ² Mana'ta yu wa+kawat+ mepuyuku xe+ri, m+k+ta kanuwatsie pantit+'a m+ta pankaya. yunait+ mana meputekay hara'mara testa. ³ M+ta Jesus p+tiwaru'ta h+awix+ tiwa+ka'wametsie timie'me +xatsik+. M+k+ta p+'niutay+ni: ⁴ "M+ta etsame kanya'yani hau emieka. Xim+xi m+k+ enekai hipat+ im+ari pukax+ri huyetesta, wikiri me pitikwai. ⁵ Hipat+ta im+ari pukax+ri kwiepa u'teteriekaku, kewa wa+kawa kwie mu'mawitsie. Xeimieme kaniutiy+ra kwie kwa hau katewakaik+. ⁶ M+ta ta'u matinetsie, kaniu'ti tani m+ta m+k+ kwa ha'nanat+kaik+ wa+kawa, yeumieme kaniutiwani. ⁷ Hipat+ta im+ari pukax+ri xuya'tsata. Putiy+rax+ xuya pika'na. ⁸ Hipat+ta im+ari pukax+ri kwiepa aix+ anek+a m+ta wa+kawa im+ari puti'ne, hipat+ cien mexa wa+kawa, hipat+ setenta, m+ta hipat+ treinta. ⁹ Iya ke ane ma'nakat+ka ke'u ena. ¹⁰ M+ta t+riyamama mena yeix+ani p+metenita h+awe m+k+ Jesus: "¿Ketiuru pewara h+awe ik+ meyu'wa+kawa +xatsik+?" ¹¹ Jesus kawaru'ta eiya: "Xeme xeya tuixiyarie imikieri xete'he timanik+ kwaxayukumate kiekaripa m+k+ ana taheima, m+k+'ta me'kwayatuixiyarie. ¹² M+ta iya xewit+ rexeiya, tiyatuiriyarieni tawari rexeiyat+ ranayu hayawame. M+ta ke ane tixa+ kwa rexeiya tinawaiyarieni tita rexeiya. ¹³ Ye'umieme newarah+awe m+k+ +xatsik+, m+k+ menenieret+, me kwa neniere. Me'enanat+ me kwa enana, ni me kwa hau enana. ¹⁴ M+k+ wahetsie timaikame Isaias kanayuya at+wani, m+k+ kemaine: 'MEXI PE'ENA, PENE'ENATS+, M+TA NI TIXA+T+K+ PE KWA HETI'ENA; MEXI PENIERE, PEKENIERENI, M+TA NI TIXA+T+ PEKWARETI'MANI. ¹⁵ M+TA IYA IYARI IK+ KIEKARI KANAYA'WENI KAHAUENAT+, WA'NAKATE KANA HETETENI M+K+ ME ENANAK+, M+K+ MENANK+PIX+ANI, M+K+ ME KWA NENIERE YUH+RITEK+, ME KWA ENANA YUNAKAK+, M+TA MEMU ENANANI YU IYARIK+, P+TI'ANEKAKU M+K+ YURI METE'TA ERIENI, M+TA HERIE NEWARA NET+ANI. ¹⁶ M+ta aix+ ane'ne wah+rite, m+k+ me'neniere; m+ta wanakate, m+k+ me'enana. ¹⁷ Sasunimek+ Ne p+nexera h+awe me yu wa+kawat+ temaikate m+ta siere ukitsi aix+ me te u'iyari p+meteu yah+akai tita xete xeiya xeme, ni ta tixa+t+ mekwate'uxei. M+k+ p+mete hauya h+akai me enanani xeme kexen'te enana, m+ta me kwa'u enana. ¹⁸ Xekeneu enana ke hait+ paine +xatsi m+k+ etsame. ¹⁹ Kepauku xewit+ enieni niuki tsie timieme kwiepari m+ta kwaheiti enie, anam+m+ iya tsiti'it+a nuani tiwa nawairieni iya tita tiuka etsiekai iyarieyatsie. Ik+ im+ari ka h+k+t+ni muka etsie huye testa. ²⁰ Iya'ta muka etsie teteri'tsata iya ke ane niuki enieni m+ta men'wiya yu temawiet+ xeimieme. ²¹ M+ta m+k+ wa+ka kwa ha'nanaka xeik+a yepamexa yurieni. Kepaukuta ta'in+atsieni siere ti'nanaimarienitsie ik+ niukitsie hakunena xeimieme pa'nayayani. ²² Iya'ta muka etsie xuyatsata, m+k+ iya enie niuki, m+ta h+awiya ana kwiepa timiemek+ m+ta itarika raya axe an'a kwiepa timiemek+ p+'kanani niuki, m+ta payani ikuaxi kahe'xeiyat+. ²³ Iyata muka etsie kwiepa aix+ anek+a, m+k+ iya enie niuki m+ta men'enieni. Ik+ sasunik+ kayatuaka ikuaxi m+ta miti'm+iriya; hipame cien mexa tawari, hipameta sesenta m+ta hipame treinta." ²⁴ Jesus waruta h+wiri xeime +ratsi. p+'ti warutah+awir+: "Kiepa ta'eima m+k+ h+k+ xewit+ hapa+ uki muka'e aix+ aneneme im+ari yu kwiepa. ²⁵ M+ta xim+xi te+teri mekutsukai, kanuani meka'heka m+k+ta siere kanuka eni +xa trigo tsata, m+ta kianeyani. ²⁶ Kepauku im+ari mutine'tsie, siere puhek+arix+ iya tsi'ti it+a mika he. ²⁷ M+k+ iya kwie kutsiyari t+riyamama menayeix+a'nita p+metenita h+awe: 'Taukiyari, ¿pekatiuka'e ek+ aix+ aneme im+ari a kwiepa? ¿Ketiu hik+'ta pexuawe yik+ ti'anenet+? ²⁸ M+k+ p+tiwara h+awe: 'Xewit+ tsitiuka iyarit+ yekatiuyurieni.' Ik+ m+k+ta t+riyamama p+meteni'ta h+awe: 'M+ta, ¿te'teyahu te'teihuna?' ²⁹ M+k+ kwie kutsiyarieya p+kaniutay+ni: 'Tsepa, m+ta kataku kepauku cizaña tekapini tsie m+k+ trigo n+kame teyurieni. ³⁰ Xekeneuhayawa ke utit+t+re nait+ kepauku maya an'i teka itsana'tsie. Kepauku maya an'i teka itsana'tsie yenetay+m+k+: 'Meri teku xe+riem+k+ cizaña m+ta xemenah+ax+ani temiti'taiyata, m+ta te'tiuta trigo ti'utameta.' ³¹ M+ta Jesus tawari xeime +ratsi waruta'xat+a. M+k+ p+kaniutay+ni: "Kiekari taheima m+k+ p+ anet+ ane im+ariyari mostaza uki m+ta m+k+ met+ im+ari pika'eta yu'kwietsie. ³² Ik+ im+ari m+k+ tsipe masi h+k+ ke naime im+ari. M+ta kepauku tiy+ratsie, m+k+ masi haxtapare hipame ite+ri waraiwa. Payani ite+ri, m+k+tsie wa+kawa wikixi taheima memu'uwa meyuti'kit+ani m+k+ ite+ritsie." ³³ Jesus m+ta p+katiwaruta'h+awe tawari +xatsik+: "Kiekari taheima p+ anet+'h+k+ iya hapa+ Pan ax+yuruwame m+k+ ukaratsi meitipi m+ta miti'n+it+a haika in+ariyari tsie t+ri." ³⁴ Nait+ ik+ Jesus putiwaru tah+awix+ te+teri ixatsik+; ni tixa+t+ +xatsik+ m+k+ tsikuati waru'ta h+awix+. ³⁵ Ik+ ka h+k+t+ni kemutay+ hakunena'tsie timaikame hamie aix+ tiyurienike, ke pauku p+mutay+: "NE NEPANTAYEPIENI NE'TETA +RATSIK+. NE NETITAXATA M+K+ TIU'TI AWIETSIE KEPAUKU KWIE MUYUTA'WEWITSIE." ³⁶ M+ta Jesus waru'kueiri te+teri m+ta pautaha kita. T+riyamama me pe'k+ hats+ana p+mete itah+awix+: "tateuta'xat+a +ratsikayari iya cizaña aku kwiepa." ³⁷ Jesus waruta'ei p+kaniuta y+ni: "Iya ene aix+aneme im+ari h+k+ kaka+yari nu'aya. ³⁸ M+k+ kwie kah+k+t+ni ana'i kwiepa; iya aix+ ane im+ari kah+k+t+ni niwemama kiekarimutama. Cizaña h+k+t+ni niwemama iya tsitiuka iyari, ³⁹ iya tsitiuka iyari m+k+ mika'ekai tats+ri t+kakame. Ka itsanaxieni kwinat+rieka ana'i kwiepa, m+ta mete'kax+rieni m+k+ akerima'ma. ⁴⁰ Ik+ p+ aneme, xim+xi m+k+ cizaña kuxe+riyani m+ta titai'yarieni taipa, kepauku ik+ kwie makax+ni. ⁴¹ M+k+ nu'aya uki waran'n+ani yu akerima, m+k+ mete kuxe+rieni yu kwiepari naimek+ hakunena m+k+ ta'takurik+, m+k+ta hipat+ kemente uyurik+ hax+tianek+. ⁴² M+ta m+k+ meneuta x+riyam+k+ horno wayatakaku, kewa metixuawere tsuari m+ta siere tamete mewaku xim+ateket+ ku'kuiniyak+. ⁴³ M+ta te+teri ax+mete'u iyari metisawat+re ta'u hapa+ mana kwiepa yu ya'u hats+a. Iya ke ane mau'ena m+k+ ke u'ena. ⁴⁴ Kwiepa taheima p+ an'e raya'at+ wa+kawa awietset+ yauta. Xewit+ uki pikaxei m+ta piti awietax+. M+k+ yu temawiya ye'mie, tituani naime m+ta naneni m+k+ yauta. ⁴⁵ Hekuamek+, m+k+ kwiepa taheima p+ ane uki tituayame hapa+ ti waune witsi'ti aneme raya akame. ⁴⁶ Kepauku mikarei xeime witsi'ti ane, pet+a m+ta tiutu'a naime rexeiyakai m+k+ta pu'nanai. ⁴⁷ Hekuamek+, kwiepa taheima p+ anet+ ane wipí hapa+ haramaratsie mauwiwiya, m+ta yutsa'ta kets+te ti'waranati xe+rieni. ⁴⁸ Kepauku tah+ne, tekwaits+pamete wipí mepana'ti hana haramara'tsie. M+ta mana me uka yareka me'waran ya te+x+ wakax+rieni tsamuri'tsie aix+ me anene, aix+ mekwa anene wa'waraukax+rieni. ⁴⁹ Ya'xeik+a kati y+m+k+ kwinat+rieka. Akeri'tsixi me ax+akuni m+ta mewarana ya x+rieni tsimete u'iyayari m+ta siere aix+ mete u'iyayari. ⁵⁰ M+k+ta meneuta x+riyakuni Horno anti'teterekaku, kewa metixuawere tsuari m+ta siere tamete mewaku xim+ateket+ kukuiniyak+. ⁵¹ ¿Xete heiti enie+k+ka naime ik+? T+riyamama p+ metehe+awekai M+k+: "H+." ⁵² M+ta Jesus p+katiwaru'ta h+awe: "P+tiane, ke ane rakaut+wa kaka+yari n+arieya kwiepa taheima mat+a m+k+ iya uki kutsikamek+ ki h+k+, m+ta tiwayat+ni pini ti ukirawetsixi hekuame ti'yu utsixiekai'tsie." ⁵³ M+k+ta kaneya'yani yetiuxataka yepauku Jesus kateutiparit+ani ik+ +xatsi, M+k+ta kaneyani mana manyeikakai'tsie. ⁵⁴ M+ta Jesus kana'nuani yu kie heyeme m+ta katiwaruta +kit+ani te+teri meyutixexe+riwakaitsie sinagoga. M+ta wa+ka meneuyu ya x+rieni m+k+ hipat+ p+menai't+kateit+ni: ⁵⁵ "¿Kewa ik+ uki reyuta +kit+a ik+ yeti aneme wa+ka tiyuriene tihek+ata? ¿Ik+ uki kati'h+k+ Carpintero nu'aya? ¿Teyaya kati +k+ Maria? ¿Iwama'ma mekate +k+ Santiago, Jose, Simon m+ta Judas? ⁵⁶ ¿Iwama'mata, tatsata mekate u'uwa? Tam+ta, ¿ik+ uki kera nenet+wa ik+ yetianeneme?" ⁵⁷ M+k+ta haxmetenyu'eniwakait+ni. M+ta Jesus p+tiwaru'ta h+awe: "Xewit+ timaikame kwa tiyutanake'erieni yu kwiepa m+ta ni iwamama." ⁵⁸ M+ta m+k+ tixa+ wa+kawa kwatiuyuri mana hakunekaku'tsie yuri mekwa'te eriekaik+.