¹ Iya tukaritsie Herodes el tetrarka niuki pu'eni Jesus hepa+sta. ² M+k+ tiwarah+awe yun+arima "ik+ Juan el Bautista ka'h+k+t+ni mankuke m+kite watsata. Ye umieme ma+kawa tiyurienekai". ³ M+k+ Herodes Juan puwiyakai; pih+a m+ta pentah+a kaxariyarie m+k+ yeti anekaku Herodias, +yaya iwaya Felipe. ⁴ M+k+ Juan reh+awekai: "m+k+ aix+ kwa'ane m+k+ pemawit+k+ni a +yat+ni". ⁵ Herodes y+weyai x+ka imienike, m+k+'ta te+teri watexiekai, m+k+ mayeit+ariekaik+ kawitera ti hein+tsame. ⁶ M+k+ kepauk+ maya'a tukarieya mutinuiwax+tsie Herodes, Herodias nu'aya tiukanei hix+apa utakeka m+ta m+k+ Herodes pinakix+. ⁷ M+ta m+k+ titaxat+a akaxewimek+ tiyatuirienikekai tsepa tita tiutawaunike. ⁸ Ariketa teyaya titah+aweku, m+k+ta p+reh+awe: "keneneyatuiri, xak+r+tsie yakaime Juan el Bautista mu'uya." ⁹ M+k+ ukiyari yu'eiweriekai tita tiwawiyariekaik+, m+ta m+k+ mekarewiriyakaik+ m+k+ yeti yurienenikekai hipat+ memieniekai tikwakaitsie, m+k+ pu'p+tay+ p+ketiuy+nike. ¹⁰ Niutan+ani ke'antiwitekienike Juan kaxariyarie hayakaikaku. ¹¹ M+k+ mu'uya niu at+iyarieni xak+r+tsie yakaime, m+ta uka yu'tei yatuiri. ¹² M+k+ Juan t+riyamama mepayeix+a, mepeikwei m+k+ mepikateukix+. Yetiuy+ku mepek+ Jesus hats+a phmete'eh+awe. ¹³ Kepauk+ Jesus mu'enax+ yetiuy+kai, panayat+a yu xewit+ xeitapa kaiwat+ mumatsie. M+k+ta te+teri meyu'wa+kawat+ memu'enanatsie, me penkuwei yu+kama mana kiekaripa meya k+neka. ¹⁴ M+k+ta Jesus puta'a wahats+a, warurei wa+kawa te+teri. Warutinenimayatax+ m+k+ herie waranet+ax+a ke ane mentekukuye. ¹⁵ Kepauk+ta t+karik+ mat+a t+riyamama me pu ax+a hats+ana pa+ meteheh+awe: "Ik+ ts+ yauta h+k+ tixa+kwatiuxuawetsie, tukari kanankayaniri. Kenewaruta teut+a ik+ wa+kawa te+teri, m+k+ mekehek+ne yu'kie m+ta ikwai meketehetinaneni yu hetsie mieme." ¹⁶ Jesus ta'tiwarah+awe: "M+k+ p+'kwa reuyawetse meyahu. Xeme xeketenewarumikwa." ¹⁷ M+k+ta p+ meteheh+awe: "Tame tixa+t+ tekwa tehexeiya xeik+a auxuwime pan hutame kets+te." ¹⁸ Jesus tiwarah+awe: "xekenetenapit+a ne". ¹⁹ M+k+ Jesus p+ tiwarah+awe te+teri me mixeiyakai meke ukayaxeke tupiriyatsata. M+k+ rankupi auxuwime pan hutame kets+te. Yu heima hautiniereka, aix+ piyuri yunenewiet+ wayatuiri pan yut+riyama. T+riyamama m+k+ te+teri meyu m+ireka mewarumi. ²⁰ M+k+ yunait+ meteukwai, meputi huxai. M+k+ta mepikute+xix+ yuhayawame ikwai doce tsamuriyari h+p+neme. ²¹ Iya meteukwai meh+k+t+kai auxuwime waxayari, siere ukari t+ri. ²² Kwit+wata m+k+ putay+ t+riyamama meke antik+neke kanuwatsie mekehek+neke m+k+ kuxi kaheyeiwekaku anta+yetsie m+k+ akuxi watateut+anikekai te+teri meyum+irekai. ²³ Ariketa warutateut+aka te+teri meyum+irekai, pantit+a h+ritsie yutanenewienike. Ukuy+reku mana pukatei yusewit+. ²⁴ M+k+ kanuwatsie haramara hix+apa yawekai, hamuxaripam hetsienapai reutiwayakai m+k+ eka penta'wayakai. ²⁵ Nauka h+iyaritsie t+karik+ Jesus p+wat+a wa'hats+a umiet+ haramaratsie. ²⁶ M+k+ t+riyamama me'mixei umiekame haramaratsie, m+k+ memutima'ma wa+kawa p+meputiy+: "naka'we katikuy+ane" me puti hiwar+ marikak+. ²⁷ M+k+ Jesus waruta h+awir+ p+ tiwarah+awe: "¡Xeu'yu ka wa+liyani! ¡Ne'ne h+k+! ¡Xe'kwa haumamaka!" ²⁸ M+k+ Pedro pita'ei putay+: "Kaka+yari x+ka peh+k+t+ni p+keneutay+ki nekeheyani a'hats+a hapa ne'umiet+." ²⁹ Jesus putay+: "Kenamkieni." M+k+ Pedro pankat+a kanuwatsie pet+a hapa umiet+ Jesus hepa+. ³⁰ M+k+ Pedro munierir+ pu+'ekakai t+r+ka+yet+, m+k+ putima. Kayunix+mekaik+ putahiwax+: "Kaka+yari neneuku'wikueist+a ³¹ Jesus yapauku yu'mama pauta'tserar+, Pedro puwi p+ reh+awe: "Ek+ uki wa+ka yuri pekuati'erie, ¿ketiuxu petitawe'erie?" ³² M+k+ yetiukuku Jesus siere Pedro mepantik+ kanuwatsie, eka tiuhayawax+ mu'ekakai. ³³ M+k+ t+riyamama kanuwatsie Jesus me'payaxeiyakai p+me'utiyuat+: "Sasunimek+ ek+ Yusi nu'aya peneh+k+ts+" ³⁴ M+k+ memank+tsie anta+ye, mepeta'ax+a kwiepa Genesaret tiyatewakai. ³⁵ Kepauku te+teri Jesus me'metimatsie , niuki mepauta'n+ax+a naitsarie kiekari man'manet+kateitsie, m+ta metekukuye mewaru at+ax+a hats+ana. ³⁶ M+k+ p+meteha'eriwakai kewaru'pit+anike m+k+ memi'may+ani kemarieyatsie, m+k+ ke ane memikuma+wakai herie mepanei'kakai.