¹ Meripa+t+ Jesúsi kaniuka yeikakait+ni etsipa xawati tukariyaritsie.t+riyamama me pau hakakwikukai m+ta mekaniuta yuani takari meka t+k+t+ me ikwat+. ² kepauka fariseotsixi me munierix+tsie , pa+ mekatenah+aweni Jesúsi : ''petiniere , á't+riyama ya metekahu tita kwatipit+arit+ mari ítsika hepa+sta kem+tikamieni xawati tukariyaritsie.'' ³ M+ta Jesúsi p+tiwarah+awe: ''¿ xekate ekater+wa kentiuyuri David, kepauku muhakam+ siere ukitsi meyukanierit+akai hamatiana ? ⁴ ¿kepa+ m+k+ tiut+a kaka+yari kita m+ta pan mutakwai mawariekame, kwati pitiariet+kai m+k+ wahepa+sta tiutakwani m+ta siere kwatipitiarit+kai iya ke ane hamatiana meyukanierit+akai, ti pit+arit+kai xeik+a tatsinitsixi wa hepa+sta? ⁵ ¿M+ta xekwa hekater+wawe mari itsika, kename xawati tukariyaritsie tatsinitsixi teyupanie metenawat+we xawatitsie m+ta m+k+ yu hetsie mekwa y+a? ⁶ M+ta ne pa+ Ne netiwarah+awe kayukanierit+aka hax+pat+ teyupanie e'na muwe a iwat+. ⁷ X+ka metehetimainike ke any+t+ man'y+nekai: NE NEPEYAWAWA NENIMAYATSIKA M+TA HAWAIK+A HAWERIMIEME PIT+ARIKA,' mekwa warantax+r+wanike iyamexi keane tixa+ mekwate anierit+a. ⁸ M+ta Uki nu áya kanih+k+t+ni ta ukiyari tukarieyatsie xawati.'' ⁹ M+ta Jesúsi kaneyani manayeyaka kaneutahanita m+k+ wa sinagoga. ¹⁰ Muwata uki xewit+ kayukanierit+akait+ni mama wakit+. fariseotsixita Jesúsi pa+meteniku iwawiyani, pa+ me utiyuat+: ''¿ tipit+arit+ herie ranet+ani xawati tukariyaritsie?'' m+ta pa+m+ mete ixanetake tatakurik+. ¹¹ Jesús pa+ tiwarah+awe:''¿ ke anet+ tewi yukanierit+a xahamat+a, x+ka xeik+a xeime muxa nehexeiyani, x+kata muxa haukaweni xawata hau katewakaku xawati tukariyaritsie, iwiyame katiwatihana muwa? ¹² ¡wa+kawa Katinaya ákani tewi ke muxa! ya umieme katinipit+ariet+ni aix+ t+uyurieni xawatik+ .'' ¹³ M+ta Jesúsi pa+ tineh+aweni uki: '' ke neuta hani a mama. m+k+ta kanita hana aixi kaniu it+arieni, xewit+ mamaya ke mu,anekai pa+ ánet+ kanayani. ¹⁴ M+ta fariseotsixi mekaniwayak+ne pa+ metekuxatat+ hepa+stana mei,uniet+ kename me í,mienike. ¹⁵ Jesúsi ya tiu marieka kananayeyani.wa+kawat+ me peweiyakai m+ta naime herie wara nenet+wakai. ¹⁶ M+k+ pa+ tiwakuh+awekai kename meka ihek+atanikekai hipame wa h+xie, ¹⁷ Pa+m+ ti y+nik+ hek+akamek+ kemutiuta niukiekai iya hepa+sta timaikame Isaías, pa+ hait+: ¹⁸ '' KWINIWA, NE N+ ÁRI KE ANEME NE NEMANAYAHA; YANEKWAMAREU ERIYA, KE ANETSIE NE K+P+RI KANIERE AYA ÁKAMEK+. NEPEKATET+ANI NE ESPÍRITU M+K+ HETSIE, M+K+TA KANIYATUAM+K+ KEPAUKA AIX+ RAKAY+NI ENA KWIEPA. ¹⁹ M+K+ KWATIKUH+ANI HAPA+NATA KWA ITA H+AWE; HAPA+NATA HIWARIEYA KWA ENIENI KIEKARITA HÚYE MUYA HAPANETSIE. ²⁰ M+K+ NI XEIME KWATIKWINIST+ANIRI XEIME TIUKA KUKUINEME; NI XEIME KUAMIENI KWI'YEY+ANEME, ARIKERIKE KEPAUKA MUYATUIYANI AIX+ RAKAY+NITSIE RAYU IWAKAME. ²¹ M+TA TEUTERI SASUNI METENITA ERIKUNI TER+WARIKARIEYATSIE.'' ²² M+ta xewit+ kaniuwet+ siere kahaunieret+, t+kakame yu iyaritsie he xeiyat+, kaniu at+arieni Jesús h+xie. m+k+ ta aix+ kaniyurieni ha hek+akamek+ uki ka niuwe kaniuta niúni meta siere haunieret+. ²³ Meyu waikawat+ teuteri meniu h+xiyani pa+ meutiyuat+; ''¿ik+ uki ti y+we David nu áya mayani?'' ²⁴ Kepaku fariseotsixi memu enana kename aixi tiuy+kai pa+ me niutiy+ni; ''ik+ tewi kwawaraya x+riwa t+kakametsixi Belcebú t+r+kariya kaniyetuirieka, t+kakametsixi wa ukiyari. ²⁵ ''m+ta Jesúsi warakumaikai kementeyuku h+awekai m+ta pa+ tiwarah+awe: nait+ kwiepari u'unit+ yu hetsie kateuyeh+am+k+ siere xexuit+ kiekari ya ki unit+ yu hetsie kwareutere. ²⁶ x+ka t+kakame aya n+áni tikakame, m+k+ kani unini yu hetsie: ¿ m+ta keti +wiya yu kwiepari? ²⁷ x+kata ne newarayax+r+wanike t+kakametsixi t+r+kariya netsiyatuiriekaku: ke aneta t+r+kariya wayatuirie ne t+r+yama? ya umieme, m+k+ mekanak+nikuni juecitsixi. ²⁸ x+ka ne newarayax+r+wani t+kakametsixi kaka+yari Espíritu yak+,m+ta kaka+yari kwieparieya kani nuani xehetsie. ²⁹ Keta xewit+ tiu yeiwe xeime uki t+r+ka+ye kita ti nawam+t+ pinieya uki ka ih+awet+ meri? m+ta m+k+ katininawatsiriem+k+ pinieya kita ti mieme. ³⁰ ke ane ne hamat+a kwayukanierit+a m+k+ panayuyeh+wa ne hepaista, m+k+ iya ne hamat+a kwatikute+x+, katintayaurieka. ³¹ Hik+ta ne pa+ nexarah+awe, xexuit+ tatakuri meta siere tsirany+ne meteneuya h+wiyariekuni teuteri, íyata tsiraine Espíritu hepa+sta kwareuya h+wiyarieni. ³² ke aneta muta niuni iya uki nu áya hepa+sta, m+k+ta kateuye h+w+yariem+k+. x+kata xewit+ tsitiutay+ni Espíritu Santo hepa+ta, m+k+ kwareuyah+wiyarieni, ena kwiepa tamatsie,nita hekwamek+ ha mietsie. ³³ ite+ri pekakeni aix+ aneme meta ikwaxiyari aix+ aneneme, sunu ite+ri ti nawaya meta siere ikwaxieya tinawaya, m+k+ta ite+ri mayukumate yu ikwaxik+. ³⁴ Xeme kuteri niwemama, tsixete ú iyari,¿xete y+wawe aix+ rany+name xete'utaxata? m+k+ xeme xe 'iyaritsie xemeixeiya xemikuxata xetetak+. ³⁵ Uki aix+ tiyuku h+awe, aix+ aneme mexeiya yu iyaritsie, kaniyatuaka aix+ aneme; iyata uki aix+ kwatiyukuh+awe, tsiti'aneme rexeiya yu iyaritsie,m+k+ta tsiti aneme katiniyatuaka ³⁶ Neta pa+ nexerah+awe iya tukariyaritsie aix+ rakay+nitsie me tenaka hek+atakuni tsirany+neme mete u'taxa. ³⁷ M+ta xe niukik+ xekanti iwawiyariekuni meta siere xe niukik+ xeneunta x+riyakuni.'' ³⁸ M+ta hipat+ te'ut+wamete siere fariseotsixi pa+ metehe eiyat+ Jesúsi pa+ metehah+awet+:'' ti +kitame tateu hek+atsiri a hepa+sta.'' ³⁹ M+ta Jesúsi pa+ tiwaruta eiya pa+ hait+: nuiwari aix+ ka'ane m+ta siere yewa hek+ariya mu´waune. nita tixa+t+ kwati hek+are xeik+a nekanyatuam+k+ iya Jonás timaikame hek+atsikaya nekaniyatuam+k+. ⁴⁰ M+ta Jonás hapa+ haika túkari metasiere haika t+kari kaniuyurieni kets+ haxi pame hukayatsie, m+ta siere uki nu áya haika túkari meta siere haika t+kari kaniyuriem+k+ kwie iyarieyatsie. ⁴¹ Uki niwemama menanku úikuni aix+katakay+m+k+ teuteri wa nuiwari kani h+iyam+k+.m+k+ta mekaniuyuti iyarit+ani Jonás niukieyak+, m+ta xeneuninieri, xewit+ kwinienet+ Jonás a iwat+ ena kayukanierit+aka. ⁴² Reina tsut+a kaneunku kem+k+ aix+ rakay+nitsie uki´tsi wa hepa+sta wa nuiwari kanih+iyam+k+. m+k+ uka kaninuani kwie hepa+sta enáke tiyumainiatsie Salomón hepa+sta, m+ta xeu nieri, xewit+ haximariwet+ Salomón a íwat+ ana kayukanierit+aka. ⁴³ Kepauku t+kakame n+arieya tewi'tsie mayayanitsie, kaniuyeikani tixa+ kwa tiu'xuawiriwetsie xiekaripa m+x+katsie iwaunet+ kewa meka uxipieni, nita kwa'ikaxeiya. ⁴⁴ M+ta pa+ hait+: nepa nuani ne kita kewa nemaya t+a.' akunuaka, ki kaniuka xeiya uye itiyakame meta siere tiuye'ut+me. ⁴⁵ M+ta muwa mayetia kaneyani kaniwareku wit+ni hipame atahuta espíritus me enku iwakame haximete u iyarime kaniwareuta hat+ani, m+k+mexi meyunait+ muwa maka neutayaxe.m+k+ta tewi masi kwinie anet+ kanayeim+k+ ke mat+ari. meta siere pa+ kaniy+m+k+ m+k+ nuiwari aix+ kwa'ane hapa+. ⁴⁶ Mexita Jesúsi wa+kawa teuteri tiwakuxaxat+wa, teiyaya meta siere iwamama mekani ax+ani takwa mepita kwewiekai, hamat+ana metetixatake. ⁴⁷ Xewit+ta pa+ tineh+aweni neuxei atei a iwama ena makani ax+ani, me átsi wauximet+ mete xatakut+ a hamat+a.'' ⁴⁸ M+ta Jesúsi pa+ tiwara eiya pa+ tiwarah+wet+, keani ta p+ rah+awe:'' ¿ke anet+ta p+ne tei,? ¿m+ta keme'anenet+ mep+ne iwama'' ⁴⁹ M+ta yú mama kaniutahana yut+riyama wa hetsie pa+ hait+:''¡ xeneunieri, ena kayukanierit+aka ne tei meta siere ne iwama! ⁵⁰ M+ta tsepa ke'anet+ yatikayani ne yau taheima yuawitsie makawe kem+tín+'a, m+k+ tewi ne'iwa kanih+k+t+ni, ne kútsi meta siere ne tei.''