¹ Hik+ta p+'tiuy+, mexi akuxi te+teri meyuxe+rie Jesús'aurie Kaka+yari niukieya me'eniet+. ² Iyaá puwekai harakuna testa Genesaret tiyetewakaku. Iyaá puxei hutame kanuwatsixi harakuna testa, kets+weiyamete mea'anatik+neka wipí me'hauxinakai. ³ Jesús Simón kanuwatsie kayar+ka, p+tin+'a hatesta yatewa kehein+anike. Mana'ayar+ka tiwa'+kit+akai teuteri haa'testa memu'uwakai. ⁴ M+ta tiu'hayawax+tsie tikuxatat+, Simón p+'rah+awe: ''kanuwa kenan+'a hapa mutiyawatsie meta a'wipi mana'keneukawiwi peti'kwaits+pake. ⁵ Simón p+reh+awe: ''Ti'+kitame, t+karimakamek+ teteuta'uximayatax+ xeime kets+ tekwua'anatiha, m+ta yepamainek+, wipi manepaukawiwieni.'' ⁶ M+ta yemetekak+tsie, kets+te yuwa+kawa me'warutiwi, wa'wipi titsanikekai. ⁷ Hipame yu'iwama mawaru'mawiyax+ mewa'parewienik+ hipame kanuwatsie. Iyaamexi meu'ax+aka yu'kanuwate meputih+niyax+, etsiwat+kaku mepukayunix+a. ⁸ Simón Pedro putitunumake Jesús h+xie, kepauku mixeitsie, p+hait+: ''keneutewarita, uki ne'h+k+k+ tatakuri nemexeiyak+, Ne'ukiyari.'' ⁹ iyaá h+xixiekai meta kehate'siere hamat+ana memu'uwakai, yuwa+kawame kets+te mewarutiwik+. ¹⁰ wa'hamat+a payewekai Jacobo (Santiago) meta Juan, Zebedeo niwemama, yunait+ mete'uximayakai Simón mat+a. M+ta Jesús Simón p+'rah+awe: ''pekwahaumaka, hik+ tiyayani ek+ teuteri wa'wiwiyame papayani.'' ¹¹ Kepauku yu'kanuwama memu'at+a harakuna testa, naime meteukwe'eirieka Ut+mana mepek+. ¹² A'na p+tiuy+ mexi Iyaá kiekari anyayautsie uyeikakaku, xewit+ tewi'uki manapuyeikakai hetsa hexeiyat+. Kepauku Jesús muxeitsie, utitunumawet+ kwiepapai yu'kana kanierit+at+, p+'reyawawiriekai: '' Ne'Ukiyari, x+ka a'iyari ye'aneni, Ek+ aix+'aneme penetsiayeit+ani.'' ¹³ M+ta Jesús yu'mamá utax+tseraka piwi, p+'reh+awet+: '' Ne ne'iyari ya'ane herie nemetsi'anet+anik+. Aix+ keneuy+ki. '' Ana yapauku herie'pane. ¹⁴ Iyaá p+'tin+aá kename xeime karaxaxat+wani kentiuy+kai hetsiena, p+'reh+awet+: '' nemieni tatsini hats+a, keneyuhek+ata h+xiena meta ketetimawa aix+pemu'it+ariek+, pa+m+m+ Moisés kentiun+aá hapa+, petihek+atak+ aix+ pemuit+ariek+ a'waiyaritsie.'' ¹⁵ M+ta naitsarie manhanet+katsie metehetima yuwa+kawa ik+ herie kenrane m+ta yuwa+kawat+ mepu'ax+a mei'eniekut+ hapa+na herie me'anex+anike metekukuyekaik+. ¹⁶ M+ixa peyeikakai yu'xewit+ teuteri memumawitsie meta yu'nenewiet+. ¹⁷ A'na heiwa p+'tiuy+ Iyaá ti'+kit+akaku, meyukanierit+akaku Fariseotsixi, metá mari'itsika +kitamete tewapait+ Galilea meyak+neka meta Judea hapa+na Jerusalén. T+r+kariya yatuiriyariekai herie hipame waranenet+wanik+. ¹⁸ Hik+ta hipat+ meu'ax+aka xeime tewi uki ka'uyeiweme me'at+t+ utatsie Jesús h+xie mepi'at+akukai. ¹⁹ M+k+ mekwa'uy+wekax+a h+xiena memi'at+ani, yu'wa+kawa teuteri mexuawekaik+, p+ta kitsie me'antik+neka mana mehekatua utamakame, heyemek+ Jesús h+xie. ²⁰ Nieret+ sasuni hetsiena kemente'eriekai, Jesús p+'reh+awe:''uki, a'tatakuri naime nemereuyah+wirie''. ²¹ Te'ut+wamete meta Fariseotsixi mete'utsut+a meyuku'iwawiyat+, me'utiyuat+: ''¿Ke'ane kuta yu'eriet+ yepaine? ¿Ke'ane y+we tatakuri maukuyeit+ani, p+ta xeik+a katiy+we Kaka+yari? ²² M+ta Jesús, timait+ kementeyu'k+h+awekai, P+'tiwaru'ei: ''¿Ketiu yexeteyuku'iwawiya yu'iyaritsie? ²³ ¿Ke kapa+ masi ha'utay+me kwakwaniwe: 'A'tatakuri nait+ paukuyeit+arie' sunu ha'utay+me: 'Nankukexi meta keneyayai?' ²⁴ M+ta xetehetimamatekenik+ kename Uki Nu'aya y+we a'nai kwiepa hipame tiwareuyah+wirieni wa'tatakuri naimek+, Ne ek+ p+'nemerah+awe: 'Nankukexi, a'uta keneutikweka kenemie a'kie.''' ²⁵ Yapauku yu'nait+ menenierekaku pankuke meta yu'uta ankukweka: yu'kie pet+a, Kakak+yari tiukakwuit+wat+. ²⁶ yu'nait+ me'h+xiekai meta Kaka+yari temawierika meyatuiriekai. yu'nait+ me'mamakai, me'utiyuat+: ''Hik+ tepunierix+ hawait+ pa+'m+m+ tekwatehenieriwekai.'' ²⁷ U'maniere yetiuy+ku, Jesús pet+a meta xeime pu'xei tumini xexe+riwame yu'xamarit+a ayakaime Leví titewakame. P+. reh+awe: ''Ne'ut+a kenemie.'' ²⁸ Leví naime tiukwe'eirieka, ankukeka ut+mana pet+a. ²⁹ M+ta Leví 'ikwai wa+kawa Jesús puwewiri. Mana meyu'kanierit+akai yuwa+kawat+ tumini xexe+riwamete meta kehate mexatsié memutitekai wa'hamat+a metekwat+. ³⁰ M+ta Fariseotsixi meta te'ut+wamete niuki me'x+at+akai Jesús t+riyamama wahats+a, p+'meutiyuat+: ¿Ketiuru xeme xetekwa'a tumini xexe+riwamete meta teuteri tatakuri meteyupit+a wahamat+a? ³¹ Jesús p+'tiwara'eiya: ''Teuteri aix+ metehau'erie ti'uatame mekwahauyah+wa, p+ta teuteri metekukuye xeime ti'uatame meneuyah+aka. ³² Ne nekwanua newata'inienike kehate aix+ mete u'iyari Kaka+yari hats+a memanuax+anik+, p+tá newata'inienike kehate meneniere kename tatakuri meteyupit+a, m+ta yaxeik+a mekway+akak+.'' ³³ Iyaá p+'meteheh+awe: ''Juan t+riyamama hura mepuyu'hakixime meta hura mepuyu'nenewixime meta Fariseotsixi wa't+riyamama hapa+na metekahu. M+ta a t+riyama mete'ukwa'a meta mete'ie.'' ³⁴ Jesús p+'tiwarah+awe: ''¿Xewit+ tiy+we ne+'kixa waruhakieni kehate memuta'inierie, akuxi nene+keme wa'hamat+a 'uyeikakaku? ³⁵ M+ta kanakamieni tukari kepauku 'nene+keme manayahanieni tewapait+, a'nam+ke meyuhakiekuni.'' ³⁶ M+ta Jesús '+xatsi tiwarutaxat+a: ''Xewit+ tewi kway+we ixuriki hekwa haukatsaname xeime kemari ukiratsime ma'manetsikit+ani. X+kate p+'tiuyurieni, ixuriki hekwa tsewiximani mitatsanak+ meta ixuriki hekwa aix+ kwatiyuhek+are kemaritsie ukiratsi hamanetsikit+. ³⁷ Ni, xewit+'uki winu kwa'akatuwe hekwuame ya'+tsie ukiratsimetsie. x+kate m+k+ pitiuyurieni, winu hekwa ya'++ nawiyarieya kaniukatsanaweni m+ta winu kaniutayauriex+aweni m+ta ya'++ katatsanim+k+. ³⁸ M+ta winu hekwua ya'++ hekuametsie katuariwani p+ta. ³⁹ Nixewit+'uki, arike winu ukiratsi an'ieme, wunu hekwa peiyeh+wa, m+k+ p+maine: 'winu'ukiratsi 'aix+ pa'ane.'''