¹ M+ta Jesus, h+net+ iya Espiritu Santo k+, kana kunuani mana Rio Jordan m+ta kanei'inieni Espiritu aku tixa+t+ kwa tiu'xuawetsie ² mana 40 tukari kanuyurieni manam+ t+kakame in+atanekai. M+k+ tixa+t+ kwa ti'kwakai ye'pa tukari m+ta kwinat+'rieka M+k+ pu'hakam+. ³ M+k+ t+kakame p+'tita hawix+: "X+ka ek+ aku Kaka+yari nu'aya peh+k+t+ni, te'te neu'ta n+'a pani ke'ayani." ⁴ Jesus kanita eiya: "P+ kateu'ku ukani: 'UKI KWA Y+WE MUYEIKANI PANIK+ XEIK+A."' ⁵ M+ta m+k+ t+kakame kane'inieni Jesus mana anti'tewakaku m+ta mana kati xeiyast+ani naime an'a kwiepa ti'mieme ya'pauku. ⁶ M+k+ t+kakame p+katita h+awe: "Ne nemetiya tuirieni naime ik+ imikieri m+ta naime aix+ ti'aneme, m+k+ naime ne'ya tuiriyarie ne m+ta ne ne'y+we tsepa ke ane ne'ya tuiri. ⁷ M+ta, x+ka Ek+ pe'u ti'tunumakeni penetsi'aya xeiyat+, m+k+ nait+ a'pini ra'yani." ⁸ M+ta Jesus kanita'eiya: "P+ kateuku u'kani: 'EK+ KENAYA'XEIYANI A UKIYARI KAKA+YARI M+TA KENE UXIMAYAKA M+K+ XEIK+A."' ⁹ M+ta, t+kakame kane inieni Jesus mana Jerusalen m+ta kanenti inieni teyupanie k+tsiena'pait+ mana'pait+ta p+'katita h+awe: "X+ka Ek+ Kaka+yari pe Nuayat+ni, an'a keneu'aka h+wa. ¹⁰ M+ta, p+ kateuku ukani: 'M+K+ KAWARA N+AM+K+ YU AKERIMA M+K+ ME'METSITA +WIYAK+, M+K+ ME'METSI NANIK+', ¹¹ m+ta 'M+K+ ME'METSI ANKU'HANA YU MAMAK+, M+K+ EK+ A +KA NI XEWIT+ TETE'TSIE KWA U'TA NENI."' ¹² M+ta p+ katita eiya, Jesus katita'h+awe: "p+ ka'ta niuwani: 'TIXA+ A UKIYARI KAKA+YARI PE'KWA IN+ATANENI."' ¹³ Kepauku t+kakame xeu'tiparit+a Jesus in+atanet+, kane yani m+ta kani hayawa yepamexa. ¹⁴ M+ta Jesus kana kunuani Galilea m+k+ t+r+kariyak+ Espiritu m+ta niuki mauta yeix+a naime tsarie mana'ma manet+'katsie. ¹⁵ M+k+ katiuka tsut+ani ti+kitat+ mana sinagoga tsie m+k+ta me'yunait+ me'peya xeiyakai. ¹⁶ M+k+ pet+a Nazaret, kiekari kewa meta'weriyariekai, m+ta mete a'ya xeiyakai, M+k+ kaneuta hani sinagoga tukari uxipiwe'metsie, kehapa+ mete a'ya xeiyakaitsie, m+ta anku'keka ka'taka teruwa yu't+r+karima ha'nut+. ¹⁷ M+k+ mita'ut+a timaikame Isaias ya'tuiriyarie M+k+. M+k+ xapa panta'yepi m+ta pika'xei mana mu'tainetsie: ¹⁸ "M+K+ ESPIRITU NE UKIYARI MIYA'TUA NE HETSIE YUKA NIERIT+A, M+TA M+K+ NETSI U'WIRI NETIWAYA TUIRIENIK+ AIX+ TI'ANENEME HE'HEKWAME IYA TIXA+ ME'KWA TE'HAU XEIYA. M+K+ NETSI HE'YA N+'A P+ NETA'Y+NIK+ KENAME METI'X+NE KEHATE ME'MA KU'W+ M+TA ME'MANTA NIERE ME'KWA HAU NENIEREKAI, METI´X+NE KEHATE ME'MAUYU HEIWERIET+KA, ¹⁹ MITAXATA TA UKIYARI NUKIEYA." ²⁰ M+ta ka'nita kurumatsita m+k+ raka'utsekai, kaniya tuirieni ti'parewiwame m+ta kana'nka yar+ni. Yunait+ meni xeiyakait+ni mana sinagoga meyu'ka nierit+akai. ²¹ M+k+ katiuka'tsut+ani p+ tiwara h+awet+: "Hik+ ik+ utsika kanayu'ya at+ani xeme xeh+rie." ²² Yunait+ meniu ena'nani M+k+ kemuta'y+ m+ta meyu nait+ meh+ririe't+katei m+k+ niuki aix+'aneme maya nekaik+ teta'na. Hipat+ p+ mepait+katei: "Ik+ kati h+k+ Jose nu'aya, ¿wa'at+?" ²³ M+k+ p+kati waruta h+awe: "Sasunimek+ xeme xeta y+ni: "Ti'uatame, keteu'a uat+a asewit+. Tsepa ke'tentehe enana kepen're yuri Capernaum, p+ keteuyuri a kiekaritsie." ²⁴ M+ta m+k+ p+kaniuta'y+ni: "Sasunimek+ p+ nexera'hawe xeme, ni xewit+ timaikame aix+ kwaram'wiyarieni yu kiekari tsie. ²⁵ Ne sasunik+ nexera'hawe, wa+kawa me xuawekai ukarawetsiri wiuratsixi Israel tiyatewakaku kepauku muyeikakai Elias, kepauku ta heima makama mau'yuna haika witari, kepauku haka aku mutawe kwiepa. ²⁶ M+ta Elias kwa he n+arie ni xeime hats+a, xeik+a Serepta mana Sidon, xewit+ wiura ma'pu katei. ²⁷ Manam+ wa+kawa mexuawekai me etsat+'kait+ Israel ra'kutewakaitsie Elias timaikame muyei'kakaitsie, m+k+ ni xewit+ herie kwa a'ne, xeik+a iya Naaman Sirio t+kai." ²⁸ Yunait+ te+teri mana Sinagpga meyuka'nierit+akai me'puya ha'a kepauku memu'enana yeti kuxatakai. ²⁹ M+kta mepanku'ui m+ta mepenya'h+a mana kiekaripa m+ta mepei'wit+ hritsie kewa kiekari maka'at+katsie, m+k+ tek+a me'heika h+anike tek+a. ³⁰ M+ta M+k+ watsata uya'yaka xeitapa pet+a. ³¹ M+k+ta peyat+a Capernaum, m+k+ kiekari kuma'kakai Galilea, m+ta mana pi'tsut+a ti'wa+kitat+ tukari hamuka uxipieni'tsie. ³² M+k+ta me h+riri'et+katei me enanat+ kenti ku'+kitakai, m+k+ aka'xewimek+ tiuta'xaxatakaik+. ³³ Hik+ta, manam+ sinagoga, yuka'nierit+akai xewit+ uki he'xeiyat+ t+kakame n+'arieya m+ta pahiwakai yu t+r+karima: ³⁴ "¡Ah! ¿Tame'ta kete'te yurieni ha'hepa+sta, Jesus Nazareno? ¿Peti'ya axe petatsi'ku mawiriyake? ¡Ne nera'ku mate ke ane pe'h+k+- Ek+ pe'h+k+ Santo Dios!" ³⁵ Jesus puta'ti t+kakame, p+re'hawet+: "¡pakua'ha nukani kena'ya y e'i hetsiena!" Kepauku t+kakame n+arieya tewi kwiepamuka'hakai, m+k+ payat+, m+ta ni kwa ti kwinit+a. ³⁶ Yunait+ te+teri me h+ririe't+katei m+ta metekuxatakai mana yetiu'y+kaik+ meyunait+ hipame wa'hamat+a. M+k+ta p+meputiy+: "¿Tita niukiyari m+k+ tih+k+? M+k+ wa'n+a espiritus tsimeteu'iyayari wa+kawa t+r+kariya hexeiyat+ wara'ya x+r+wa." ³⁷ M+k+, niuki kenti'yurienekai naitsarie pauta k+nix+a wa+kawa kiekaripa man'manet+katsie. ³⁸ M+ta Jesus kawaya'yani mana sinagoga m+ta kaneu'ta hani Simon kita'na. M+ta, Simon war+ka+ya kwiy+anekai h+iyak+ m+k+ta p+ metehe h+awe kenti aneka'i. ³⁹ M+ta, M+k+ hetsiena kaniere'ka h+iya kaniuta'tieni yepauku h+iya kani'hayawa. M+k+ta anku'keka ikuai katiu'ka wewieni. ⁴⁰ Kepauku tau mankat+atsie, te+teri Jesus mete u'at+ri tekwi'kwikate yutsata kwiniya mete he'xeiyat+kaikame. M+k+ yu ma'ma wa'hetsie ka'tet+wakai, yuxexuime wahetsie m+ta herie wa'ra ne'net+wakai. ⁴¹ T+kakame t+riya'mama me'paye k+kakai wa+kawa wahetsie, me'ha hiwat+kait+ p+ mehai't+kait+: "¡Ek+ pe h+k+ Kaka+yari nua'ya!" Jesus wara'teakai t+kakame n+ari'mama m+ta kwa wa pit+akai meti'nuni m+k+ mete a'ku maikai kename M+k+ h+k+'t+kai Cristo. ⁴² Kepauku muka hek+arir+, M+k+ wayat+a pet+a xewit+ kwa he yeikakaitsie. M+ta meyu wa+kawat+ te+teri me'pi waut+ wekai mepeta'ax+a kewa meka'tei . M+k+ta mepiku'n+it+wakai kwa he'yeikanik+ kwa waru'ku eiriwanik+. ⁴³ M+k+ p+tiwara h+awe: "Ne tixaxa'tame neh+k+ kaka+yari kename yu kiekari ta heima heta'mana netiwa'xata hipame kiekaritsie, m+k+ yeumieme Ne nepeya n+arie ana'i." ⁴⁴ M+ta M+k+ tiya'weiyakai tiku'xatat+ Sinagogas muku'wet+kateitsie Judea.