¹ 15 witari hautiyaku wa´ukiyari h+k+t+ Tiberio César -mexita Poncio Pilato tatuwani kanih+k+t+kai Judea, Herodes kanih+k+t+kai+ni tetrarca Galilea kiekame, tarutsieyata Felipe kanih+k+t+kait+ni tetrarca iya Iturea kwieyaritsie m+ta traconite siere Lisanias kanih+k+t+kait+ni tetrarca Abilinia kwieyaritsie, ² Tatsini h+k+t+t+ Anás meta siere caifás- kaka+yari niukieya kani'nuani Juan hats+a iya nu'aya Zacarías, tixa+ kwatiu xuawiriwetsie m+ x+katsie. ³ M+k+ maime kwietsie kaneutahani Jordán warie, +yarika iyarit+arika ku'xatat+ m+pa+ tatakuritsie tetehauya'h+wiyariekak+. ⁴ Reuku´uxa hapa+ xapatsie iya niukieya timaikame Isaías: NIUKI H+AWARIEKAME KANAWA+TSENI TIXA+ KWATIU XUAWIRIWETSIE MUX+KATSIE: ' AIX+ XEKENEYURIEKA TA UKIYARI HUYEYA, XE HUYE XEKENEWEWIEKA HEITSERIE U HUKAME. ⁵ NAIT+ MUKUWEWERI KANITI'HINIM+K+ M+TA H+RI META SIERE YETEMURI KANIKA K+NIM+K+ M+TA HUYE TUTUNI KANITIWEWIYAM+K+ HEITSERIE U'HUT+ M+TA KWIE MUKUNINIERE YAXEIK+A KA'ANENET+ KANITI'WEWIYAM+K+ HUYE ⁶ M+TA NAIT+ WAIYARI, KAKA+YARI WIKWEIST+ARIKAYA TEKANIXEIYAKUNI.'' ⁷ M+ta Juan mexi pa+ tiniwarah+awe meyu'wa+kawa te+teri ke ane memuwak+kakai M+k+ hats+a waka'+yak+: ''¡ xeme, kuteri niwemama!, ke'aneta pa+ xerah+awe xemuyuta'una hax+a mamiexime hepa+sta? ⁸ M+ta, ikwaxi xekenen+iwit+aka xey+wet+ xemuyuti iyarit+ani m+ta xekwatetsut+aka pa+ xeteyu'eniwani xeme yu hepa+sta: 'tame tenexeiyani Abraham ta yau hepasta', m+ta Né pa+ nexerah+awe kename kaka+yari y+we wareuku wit+ni t+ri Abraham hetsiemieme ik+ tetexitsie. ⁹ Hapa+nata hik+ hatsa mana kaneukerieka ite+rite nanayaritsie. m+ta nait+ ite+rite kwa ti xuawirit+awe aix+ ti'aneneme ikwaxi kana'kwitekiem+k+ m+ta taipa kaneu'h+iyam+k+.'' ¹⁰ M+ta meyu'wa+kawat+ mekani'iwawiyakait+ni, pa+ mehait+kait+: ''¿ m+ta kepa+ tetekahuni?'' ¹¹ M+k+ta pa+ tiwara'eiya m+ta pa+ tiwarah+awe: '' x+ka xew+ti hutame kemari re'xeiyani, xeime tewi ketiumini ke'ane xeime kwahexeiya m+ta ke'ane ikwai rexeiya pa+m+ siere keti'kamieni.'' ¹² Teyu wiwiyamete siere meniwak+ne hats+ana meti '+yarienik+ m+k+mexi'ta m+k+ pa+ metenah+aweni: ti'+kitame, ¿ keta tetekahuni?'' ¹³ M+k+ m+k+mexi pa+ tiwarah+awe:'' wa+kawa tumini xekwa wauka xeme xekwaten+'arie hapa+ xekwatewawiyeni''. ¹⁴ Hipat+ xutarutsixi siere M+k+ mene iwawiyakait+ni, pa+ mehait+kait+:¿ tameta tahepa+sta keti'aneni? ¿ tame keteteka huni? M+k+ m+k+mexi pa+ tiwarah+awe: tumini xekwa an'+weni xeime tuminieya hawerimieme xe'i pit+ati m+ta xeime hetsie xekwate'hautih+aka itarikak+. xeneyu temamawieka kexete pit+ariek+.'' ¹⁵ M+ta teuteri mepu'munuat+katei meta'ikwewat+ Cristo kename ha mie'kai, nait+ pa+ meteyuku'iwawiyakai yu iyaritsie Juan hepa+sta, x+ka m+k+ h+k+t+kai't+ni Cristo. ¹⁶ Juan pa+ tiwaruta'ei pa+ tiwarah+awet+ meyu naime iyamexi: ne nehepa+sta, né nexa +ya xeme ha'k+, m+ta xewit+ kanamieni wa+kawa t+ka+yet+ netsi a'iwat+ ne nekwa y+we kuxeyu nem+x+na kakaiyatsie. M+k+ xeme kaxati'+yam+k+ Espíritu Santo k+ meta siere tai'k+. ¹⁷ Ti h+tsiwame a mamatsie kayukanierit+aka maime tiuye itienike uximayatsika wayuti'h+wetsie m+ta trigo ku'xe+rienike itiutake utameta. m+ta M+k+ katitaiyam+k+ xatsi tai kayut+n+akamek+.'' ¹⁸ Wa+kawamek+ hipamek+ mari'it+arika m+pa+ siere, Juan niuki kuxatakai aix+ aneme te+teri wahats+a. ¹⁹ Kepauka Herodes iya tetrarca muta'tierie yu'iwa +yaya mat+a uti'ne+keka, herodías m+ta naimek+ tsirany+nek+ iya Herodes kem+tikayakai, m+k+ reuntin+it+a yu imieritsie timieme: ²⁰ m+k+ Juan kaneunani memantax+riwatsie. ²¹ Hik+ta kaninuani pa+ ti'yurienike,kepauka yunait+ teuteri me uti+yerieku, Jesús siere kaniuka'+yarieni. ²² M+ta Espiritu Santo kaniuyuka tet+ani M+k+ hetsie kukuru hapa+ anet+ m+ta niuki ta heima kanakaneni:'' ek+ peh+k+ Né niwe, Né ke'ane wa+kawa nemauya h+wa. Né temawiya nepexeiya a hepa+sta.'' ²³ Kepauka Jesús tiutsut+atsie yu uximayatsikatsie, M+k+ treinta witari kaniukateit+ni. M+k+ kaninu'ayat+kait+ni iya José, iyaa nu'aya Elí, ²⁴ Iya nu'aya Matat, iya nu'aya Leví, iya nu'aya Melqui, iya nu'aya Jana, iya nu'aya José. ²⁵ José kanu'ayat+kait+ni Matatías, iya nu'aya Amós, iya nu'aya Nahúm, iya nu'aya Esli, iya nu'aya Nagai, ²⁶ Iya nu'aya Maat, iya nu'aya Matatías, iya nu'aya Semei, iya nu'aya José, iya nu'aya Judá. ²⁷ Judá kanu'ayat+kait+ni Joana, iya nu'aya Resa, iya nu'aya Zorobabel, iya nu'aya Salatiel, iya nu'aya Neri, ²⁸ Iya nu'aya Melqui, iya nu'aya Adi, iya nu'aya Cosam, iya nu'aya Elmodam, iya nu'aya Er, ²⁹ Iya nu'aya Josué, iya nu'aya Eliezer, iya nu'aya Jorim, iya nu'aya Matat, iya nu'aya Leví. ³⁰ Leví kanu'ayat+kait+ni iya Simeón, iya nu'aya Judá, iya nu'aya José, iya nu'aya Jonán, iya nu'aya Eliaquiam, ³¹ Iya nu'aya Melea, iya nu'aya Mainán, iya nu'aya Matata, iya nu'aya David, ³² Iya nu'aya Isaí, iya nu'ya Obed, iya nu'aya Booz, iya nu'aya Salmón, iya nu'aya Naasón. ³³ Naasón kanu'ayat+kait+ni iya Aminadab, iya nu'aya Admím, iya nu'aya Aram, iya nu'ya Esrom, iya nu'aya Fares, iya nu'aya Judá, ³⁴ Iya nu'aya Jacob, iya nu'aya Isaac, iya nu'aya Abraham, iya nu'aya Taré, iya nu'aya Nacor, ³⁵ Iya nu'aya Serug, iya nu'aya Ragau, iya nu'aya Peleg, iya nu'aya heber, iya nu'aya Sala. ³⁶ Sala kunu'ayat+kait+ni Cainán, iya nu'aya Arfaxad, iya nu'aya Sem, iya nu'aya Noé, iya nu'aya Lamec, ³⁷ Iya nu'aya Matusalén, iya nu'aya Enoc, iya nu'aya Jared, iya nu'aya Mahalaleel, iya nu'aya Cainán, ³⁸ Iya nu'aya Enós, iya nu'aya Set, iya nu'aya Adán, kaka+yari nu'aya.