1
M+ta heiwa tukari, Cesar Augusto p+katiun+'ani naitsata te+teri me ke uti'in+atsienike ma aka utsiwat+ ke yu pat+ kiekari kiekatari me mu kutet+ka.
2
M+k+ kanayani mat+ari te+teri me muti in+atsie its+kame Cirenio makawekaitsie Siria kwieyaritsie.
3
Ya umieme yuna+ti me ne ta k+ne yu kiekaritsie kewa mete hawiwiya me haka utsienik+ me he ti in+atsieme.
4
Jose'ta siere kanayeyani Galilea,
atineka Nazaret kwieyaritsie, Judea, David kiekarieyatsie tiyetewakaku Belen, m+k+'ta h+k+t+kai David nuiwarieya.
5
M+K+ muwa pet+a ha yu ka ut+anik+ Maria mat+a, aku me man yuwit+nikekaik+ m+k+ta paya hukakai.
6
M+ta p+ka tiuy+ni mexi m+k+ muwa me u uwa, kana ya'ani tiniwekekaitsie nunutsi.
7
M+k+ kaniutiniwe uki nunutsi, nu'aya mu hait+a kanayani m+ta kanita eima eimame teewimek+ m+ta kani ka teni wakatsixi ti wa kwua'meya'tsie, kwa xuawekai kewa meme yehenikekai kieta.
8
Muwa'ta men xuawe ka+t+ni muxatsi wa huwemete yauta me niu uwakait+ni, me wa +wiyat+ yu tewama t+karik+.
9
Xewit+'ta Ukiyari akerieya muwa ka yu kanierit+ani wa+kawa Ukiyari hek+ariyaya'k+, m+k+'ta wa+kawa me mama'kait+ni.
10
M+ta akeri p+ kati wara h+aweni m+k+: '' Xe kwa mamaka ne xe ya at+rieka mariyarika aix+ many+ne temawiya wa+kawa ka at+am+k+ yunaime te+teriwatsie.
11
¡Hik+, xewit+ ti yu wikwest+wame kanetinui+wa xe hetsiemieme David kiekarieyatsie! ¡M+k+ ka h+k+t+ni Cristo wa Ukiyari!
12
P+ ka te yu hek+arimiki xe hapa+sta, xeme xe ne ka xeiyam+k+ nunutsi eimakame te wimek+ ixuriki, siere yakaikame wakatsixi tiwa kwa'ametsie.''
13
Yapaukuta akeri mat+a yu wa+kawat+ akeritsixi me niu ti xuawere, Kaka+yari mete kwit+a't+ p+mahait+kait+:
14
'' Paraya axe wa+kawa Kaka+yari
ta heima uxipiya peyetua ana kwiepa te+teri wa hepa+sta aku ke ane aix+ tiwareu'eriya''.
15
M+ta p+tiuy+ me me k+tsie akeritsixi yu heima, te h+wemete p+ me te u'yu ta h+awix+: '' teyahu hik+ Belen tepeniere ik+ ye re y+, ta Ukiyari ta tiu xei yast+a ''.
16
M+k+'ta me puyutamex+it+a m+ta mewarukaxei Maria siere Jose mepuxei nunutsi yakaikame wakatsixi me te a atikwa'atsie.
17
Umaniere'ta me ixeiyaka, m+k+ yeme put+y+ ke me te he ta h+awarie nunutsi hepa+sta.
18
Yuna+t+ ye me te u enana me kwa heiti mamatekekai ke me hait+kait+ me mait+katei te h+wemete.
19
M+k+ta Maria p+ tiyu ku h+awekai kentiu enakai, yu iyaritsie i'utat+.
20
Te h+wemete'ta me pa nuax+a, Kaka+yari me te u kwit+aximet+ kwinie ra ya ar+kame me ayeit+at+ naimek+ kemete he enanakai siere ke'me te henierekai, kemete he h+awariekai m+k+.
21
Met+atsie atahaika tukari, M+k+ circuncicion mu wewiyarie'tsie, p+tiu te ru warie Jesus, m+k+ miye tuiriekai akeri ke ti tewat+ mayanikekai M+k+ akuxi ka aka ye riwekaku hukatsie.
22
Maya'atsie tukari aix+ m+k+ me muy+kai, ken ti anekai Moises mari itsikayaya, Jose y Maria mepei ta' at+a teyupanie Jerusalen me i'ya xatake Ukiyari hatsia.
23
Ken reu ku uxak+ Ukiyari mari itsikayaya: '' Kepauku uki mat+ari tinuiwa yu tei'tsie m+k+ kana'na yexeiyariem+k+ Ukiyari hepa+sta .''
24
M+k+'ta ya umieme mete niu ti mawa p+ ma katainek+ Ukiyari mari'itsikayaya. '' yu hutame haum+xi yakatixa+ yu hutame kukur+xi me temarime.
25
M+ta xewit+ uki Jerusalen kaniukateit+ni titewat+ Simeon m+k+ uki aix+ tiu ka iyarit+ siere aix+ tikamiet+. M+k+ kata kwewiekait+n+ Israel kiekatari metin+t+arieni m+ta Espiritu Santo hetsiena kaka nierekait+ni.
26
M+k+ pu'xeiyast+ariekai iya Espiritu Santo kename m+k+ ka'm+nikekai akuxi Cristo Ukiyari xeiyame ri ke.
27
Espiritu iwit+r+met+, Simeon pauta'ha teyupanie. Kepauku yeukate memi'at+a aku nunutsi Jesus, yapu'it+arie M+k+ aku kemete'uhukai mari'itsikatsie,
28
m+k+ta nunutsi pu titui yu'mamatsie Kaka+yari tiutakwit+a p+reh+awet+:
29
Hik+ta an+'ari neupit+a aix+ tiyemie, Ukiyari, aku a niuki kemaine.
30
M+ta ne h+xite pixei a wikwest+arika,
31
Ek+ta m+k+ pepuhek+atax+ te+teri yunait+ wa'h+xie.
32
Hek+ariya h+k+ Gentiles wahep+sta, m+ta raya at+ wa+kawa ka h+k+t+ni kiekari israel.
33
Yauya meta nunutsi teyaya me wawa+'rekai kentiutay+kai Hepa+stana.
34
Simeon imikieri ti yatuiri p+ re h+awe'ta Maria aku teyaya:''Hek+a'ta ik+ nutsi ka nana yahanieni te+teri yuwa+kawat+ maman ku unik+ siere mama tix+rienik+ israel'tari m+ta hek+a're me kwa i tanake'erieni
35
m+ta kutsira k+p+rieya'tsie kaniu yeyeim+k+, yu wa+kawa iyari me yu h+awe me xeiyast+arieni'k+.''
36
Xewit+ timaikame titewat+ Ana mu paya katei. M+k+ h+k+t+kai nu'aya Fanuel nuiwarieya Aser. M+ki kwinie ti ukalait+kai. Yu ukilai'mat+a pukayar+kai atahuta witari m+ta pumawikai'ri.
37
W+ura pat+a 84 witari. M+k+ kwa u ku'eiri teyupanie ti uximayakai yu hakiet+ yu nenewiet+ t+karik+ meta siere hek+ta.
38
P+ upaukukaku'ta, m+k+ nua wa hatsia putayua'ta pampayutsi Kakaiyari rah+awet+ m+ta putaniu nunutsi hepa+sta ke ane me mitakwewiekaik+ aix+ me it+arienikekaik+ Jerusalen.
39
M+ta naime mete utahayawaxitsie ken reuyewekakai m+k+ Ta Ukiyari mari'itsikaya, m+k+ me pa nuaxia Galilea, yu kiekari Nazaret.
40
M+ta nunutsi putawerix+ t+r+kaiyet+, wa+kawa rakumait+ m+ta Kaka+yari imikierieya hetsiena kanierekai.
41
Yeyeumama mepeta axekai xey witari anyeyeikakaku Jerusalen pascua wiestayaritsie.
42
M+k+ mexeiyakaitsie 12 witari, m+ki tawari ma pan tik+ ke men te u hukaik+ wiestak+.
43
Umaniereta m+k+ me mu ku nuax+akai, kepa tukari mayeika wiesta, m+k+ me panuaxia yu kie. M+ta nunutsi Jesus pukunua Jerusalen yeyeumama mekate akumaikaku.
44
M+k+ p+mete ha eriwakai kename M+k+ umiekai hipame wa hamat+a, axeik+a me mu hukai, ya umieme xeime tukari me pu hukai. M+ta me putayua me iwaut+wet+ yu marema wa hats+a meta siere yu hamikuma wa hats+a.
45
M+ta m+k+ me kwa i kaxei, me pa nuax+a'ta Jerusalen m+ta me putayua me iwaut+wet+ M+k+ muwa.
46
P+tiuy+'ta umanieri haika tukari ankayaku, mepi kaxei M+k+ teyupanie, hix+apa ukaime te +kitamete wahamat+a, wa eniet+ siere wara iwawiyat+.
47
Yu na+t+ ke ane me mi ta eniekai me kwa yumaiwawekai kenra kumaikaik+ siere kenti ku ewakai'k+.
48
M+ta m+ki me mixeitsie, m+k+ me kwa yu maiwawekai . Teyaya P+ re h+awe: '' ne niwe, ¿ketiuru ye petasyuri? Ne'enani, ayau mat+a te metsi waut+wekai te yu h+awet+''.
49
M+k+ p+ ti wara h+awe:'' ¿Ketiu xeme xenetsi waut+we'ta? Xeme kuta xeka te akumate keneme Ne ne Yau kita ne ayakani?
50
M+ta m+k+ me kwa heikama+t+k+ ke hait+ mainekai M+k+.
51
Umanierita M+k+ kananuani wa hamat+a yu kie Nazaret m+ta hauenat+ kanayani. Teyaya naime kaniu ti uta yu iyaritsie.
52
M+ta Jesus kaniutawere kwinie ra kumait+ siere u tewit+, timiet+ wa+kawa kaka+yari hatsiana pu'katei siere te+teri.