¹ Hali imizi imbili gusa hanyuma yu musi mukulu wi ipasaka ni yimikate hagila umwambilo. Umukuhani mkulu na bandichi balimo balamu londela kugila mbamufate Yesu kwishavu ni kumwicha. ² Kukubela yavuze, sikumwanya uwu wo kumusi mukulu abantu nimbaze mbaleole ivulungu. ³ Mwumwanya Yesu hoyali Bethania muhila kwa Simoni mukoma amalagenda kumeza, umugolegole yumwe alanza kwiwe afishe ichupa ya Malashi ya Nalido safali yighalama nini chane yalaimenye ichupa ni kuisesa hejulu kumutwe wiwe. ⁴ Aliko haliho hanyuma yambo mbali mbase havuye mbalabwalaye mbene kuli mbene mbavuga, "Ni mbiki kubela kutakala uku? ⁵ Amanukato aya yalikushobola kuguzwa kwizaidi yidinali amajana atatu na mbalahabwa ambakene Nambo mbalamukemeye. ⁶ Aliko Yesu alavuga, mumbaleke mbonta kubela iki mumbagola? Yakoze ijambo dyiza kwaje. ⁷ Imisi yose mbukene mulinabwo umwanya wowose mwizeye mwoshombola kukola vyinza iwambo, Aliko ntimulomba naje umwanya wosi. ⁸ Yakoze kidya chashomboye alausize umumbili gwase amavuta kubela kuzika. ⁹ Kweli ndambabwila, kila hantu injili ilahubiligwa mwisi yose, kidya yakoze umugolagole uyu kilovugwa ni kwimbukwa kwiwe. ¹⁰ Naho Yuda iskaliote, yumwe na badya chumi na babili mbalagiye ku mukulu wa mbakohani kugila yuko mbalonke kumukabizi iwambo. ¹¹ Umwanya mukulu wabakohani mbuvishije idyo, mbalaneze lewe ni kumbemelela ni kumuha amahela yambajije kulondela umwanya wo kumikambizi iwambo. ¹² Kubela umusi wa mbele wu mukate utambigwa, umwanya mbatanga umwa wintama wi Pasaka, nambanafunzi mbiwe mbala mubwiye, ushaka tujehe? Tulagenda kugila tulonke ivyokudya numlo wipasaka? ¹³ Yalambatumwe ambanafunzi mbiwe babili ni kubabwila, mugende mujini nu mugabogabo yikoleye ugweso alabonana namwe mumukwilikile. ¹⁴ Izu yalokwijila mulomukwilikile na namumubwile wene nyene izu iyo umwalimu alavuga, "Kilihehe ichumba cha mbagenyi ahanu hodolila ivyokudya dyi Pasaka na mbanafunzi mbange. ¹⁵ Alobeleka ichumba kinini chisamani kadi kilitayali nimukole amadalizi kukubela twege hadya. ¹⁶ Abanafunzi mbalagiye mbalagenda mumuji mbasazekila kintu niko yambabwiye na mbalandala umulo wi Pasaka. ¹⁷ Mumwanya hasohola kumugolomba yalaje na mbadya chumi na mbabili. ¹⁸ Na mbalimukushola hofi yimeza Yesu alavuga, ubukweli ndambabwila, yumwe hagati yanyu udya amaladya hamwe naje alosaliti." ¹⁹ Bose batagula kubabala na yumwe hanyuma yuyudi balamubwiye, "Mbega ni jewe. ²⁰ Yesu alishula niku mbabwila, "Ni yumwe mlichumi na mbabili hagati yanyu, umwe kubela uwu mwanya amaladimba intonge mwimbakuli hamwe naje. ²¹ Kukubela ambana ba adamu alogenda ntakudya amandiko yavuga hejulu jiwe aliko ole wene umuntu yudya alushila wene mwana wa Adamu alosalitigwa yakumba neza chane kwiwe ntayudyab muntu atalikuvuka. ²² Homba baladya Yesu yalatoye umkate, alavuga uhezagila ni kuumanyula yalabahaye avuga nimutole ugu numubili waje. ²³ Yalatoye ikikombe nikukihezagila nikubaha bose nikukinywa. ²⁴ Alambabilaaya na malaso yaje yi sezela no amalaso asiseka kubela ya mbeshi. ²⁵ Kweli ndambabwila sindonywa tena mwizao ili dyi mizabibu maka umusi gudya ndonywa mbushasha mubwami bwimana. ²⁶ Bamaze kulimba ululimbo, mbalagiye mumusozi wa Muzetuni. ²⁷ Yesu yalambabwiye, mwenge mwesi mulokwitenga kulele kubela jewe, kukebela vyandichwe, "Ndo mukumbita umunogezi ni ntama zilosazala. ²⁸ Aliko hanyuma yokuzuka kwaje ndombatangu lila imbeloe yanyu Galilaya. ²⁹ Petro yalamubwiye, "Naho mbose balokuleka, "Jewe sindokuleka." ³⁰ Yesu alambwila, umbukweli nikumubwila ijolo ili, isake italambike isafali zimbili, umba uyi hakayi gatatu. ³¹ Aliko Petro alavuga, "Ndalazimika kupfa hamwe nawe, sindakuhakana bose mbalemeye ihadi iyoiyo. ³² Balaje kwieneno dyitwa Gethsemane, na Yesu alambabwila ambanafunzi mbiwe mwikale hano mwuyu mwanya imindasenga. ³³ Yatwaye Petro, Yakobo, na Yohana hamwe na wene, ambanza kuzunguka nikuhangaika chane. ³⁴ Yalambabwiye, "Umtima wange kulambabala chane ni kupfa musigale aha na mukeshe. ³⁵ Yesu alagenda imbele katoyi, alagwa hasi alasenga yo vyamba bishombokan kwisa ha iyi yalikuchepuka. ³⁶ Avuga, "Aba dawe imbintu vyose kwawe mbila shomboka nkulilaho ikikombe iki Aliko sikubwulukundo gwange ni kubwulukundo gwawe. ³⁷ Yalagaluche na asanga mbadya mye nikumbabwila Petro, "Simoni mwadyamye? Ntimbashomboje kukesha ni saha yimwe. ³⁸ Mukeshe musenga ntimuze mwijile mubigelagezo nubuhakika umutima gwemeye aliko umumbili gulatinya. ³⁹ Yalagiye kadi ni kusenga na akolesheje amajambo gadya gadya. ⁴⁰ Alaza kadi ambasanga mbadyamye kukubela amaso yambo yalilemeye ntimbamenya igiki chokumubwila. ⁴¹ Yalaje katatu nikubabwila, "Bado mulacha dyamye ni kuluhuka? Ilatosheje isaha ilasohoye lemba umwana wa Adamu alosalitigwa mumamboko yambafishe ivyaha. ⁴² Muvyuke tungunde lemba yudya asaliti alihofi. ⁴³ Hoyamavunga, Yuda, yumwe mwabadya chumi na mbabili yasohoye ni kundi linini kuva kumbakulu wa makohani na mbandishi na mbazehe bafishe imbipanga na malungu. ⁴⁴ Muluwo mwanga umusaliti wiwe yaliyamba haye ishala, avuga yudya wonza kumuha ibusu, niwe mufatani kumushila hasi yumbulizi. ⁴⁵ Mumwanya Yuda asohoye moja kwa moja alagenda kwa Yesu ni kuvuga, "Mwalimu ni kumubusu. ⁴⁶ Chambamushila hasi yumbulinzi ni kumufata. ⁴⁷ Aliko umwe hagati yambo wuhagaze hofi yiwe yalatoye ikipanga chiwe alamu kubita umukozi wa kuhani mukulu ni kumutima ungutwi. ⁴⁸ Yesu alamubwila, "Muje kufata kumapanga na malungu ntumwe yakana? ⁴⁹ Mumwanya ni kumusi ndalihamwe namwe ni kumbigisha mwikanisa, ntimwafashe. Aliko ili lilakoleche kugila amandiko yashohole. ⁵⁰ Namba dya bose mbalihamwe na Yesu mbala muleche ni kwiluka. ⁵¹ Umusole yumwe yalamukwiliye yali yambaye ishuka gusa yoyagifuche ni kumuzunguka balamufashe aliko. ⁵² Yalambiyache aliluka nukuisiga hadya hasi. ⁵³ Balamutwaye Yesu kumukulu wa kuhani hadya mbalakosayiche hamwe na bakuhani mbakulu mbose ambazehe na mbandichi. ⁵⁴ Petro nawe yalamukwilikiye Yesu kwa kulele, mbelekeye kwi uwa dya kuhani mkulu. Yikaye hamwe na balinzi balihofi yumulilo balimombalota kugila mbalonke imjoto. ⁵⁵ Umwanya uwo mbakohani mbakulu bose ni mbalaza dyose mbalondela ivyemezo vyokumwemeza Yesu kugila mbalonke kumwiche aliko ntimbabulose. ⁵⁶ Kukubela abantu beshi mbazanye ivyemezo vyububeshi hanyuma yiwe aliko ni vyemezo vyambo ntivya susa. ⁵⁷ Bantu bakeyi balahagaze ni kuzana ivyemezo vyububeshi hanyuma yiwe mbavuga, ⁵⁸ Twalamwuvishije avuga, ndolimbomola ikanisa ili idyumbachwe na mamboke mumisi itatu ndokumbaka ilindi litumbakwa na mamboko. ⁵⁹ Aliko ivyemezo vyambo ntivyasusa. ⁶⁰ Kuhani mukuluyalahagaze hagati yambo ni kumbaza Yesu nttajibu ufishe. Abantu amba mbalemeza nibiki hejulu yawe. ⁶¹ Aliko ntiyavuze na ntiyishuye chochose mala kohani mukulu alamumbaza wewe ni Klisto, umwana yabali kiwe? ⁶² Yesu alavuga, "Jewe niwe na ulombona umwana wa Adamu yikaye mukuboko kubudyo gwinguvu aza ni mbichu vyomwijulu. ⁶³ Umukohani mukulu yalashibuye impuzu ziwe ni kuvuga bado tushaka abemeza. ⁶⁴ Mwumvishije nimuvuge ubwamuzi bwanunu bwahe? Na bose balamuhukumu nuko yumwe yashakigwa kupfa. ⁶⁵ Abandi mbambaza kumuchwi lako amate ni kumufundikila amaso ni kumukumbita ni kumubwila, "Tabili mbaafisa mbalamu mutwaye ni kumukumbita. ⁶⁶ Na Petro aliho hanyuma yaho hasi mubuwa ni umukozi yumwe wu mukobwa numukoha ni mukulu yalaje kwiwe. ⁶⁷ Yaboye Petro hoyali hagaze amalota umulilo na Yamulevye kukumusoholako kadi alavuga, "Nawe yuko wali hamwe na munazaleti, Yesu. ⁶⁸ Aliko alahakanye alavuga Sindamumenya kadi sindamwelewa kuvyelekeye icho chuvuga, "Hanyuma alavayo agenda hanze kumusilani (Nuzigtiye uwu mustali, "Isake ilambika umo mwinakala za kela. ⁶⁹ Aliko umukozi wu mukobwa hadya yalamubonye na alambaza kumubwila kadi badya mbali bahagaze hadya uyu ni umwe wambo!" ⁷⁰ Aliko yalahakanye kadi hanyuma katoyi badya bali bahagaze hadya balimombala mubwila, "Ni kweli wewe numwe mulimbo kubela wewe ulu mugalilaya. ⁷¹ Aliko yambajije kwishila wene nyene hasini laana ni kulahila, "Simumenya umuntu uyo womumulavunga. ⁷² Hanyuma isake ilimbika kambili hanyuma Petro yalimbuka amajambo Yesu yamubwiye, isake italambike kambili unyihakana katatu na yalanguye hasi ni kulila.