¹ Pamene kunacha, bakulu bakulu bansembe na bakulu bakulu ba bantu bana nkala na maganizo pali Yesu kuti bamu paye. ² Banamumanga, nakumutenga, naku mupeleka kuli Pilato kazembe. ³ Pamene Yudasi, wamene anamupeleka, anaona kuti Yesu bana mu weluza kuti apaiwe, ana tembenuka naku bweza zija ndalama za Siliva zokwanila ma kumi yatatu kuli bakulu bakulu bansembe na bakulu ba bantu, ⁴ naku kamba kuti, "Ine nachimwa chifukwa napeleka magazi yamene yalibe mulandu." Koma abanakamba kuti, "Nanga ise tingenamo bwanji? Ziba zako iwe." ⁵ Pamene apo eve anataya pansi zija ndalama mu tempele, naku yenda, naku yenda kukazi mangilila. ⁶ Bakulu bansembe banatenga zija ndalama naku kamba kuti, "Sichovomelesewa kuti ti ike ndalama mu tumba ya tempele chifukwa izi ni mutengo wa magazi." ⁷ Banakambisana ichi chintu, nakugula na ndalama izi munda wa opanga mpika kuti yankale manda yoikamo malilo yaba lendo. ⁸ Chifukwa cha ichi uja munda unaitaniwa kuti, "Munda wa Magazi"mpaka na lelo. ⁹ Apa chamene chinakambiwa na Yelemiya muneneli chinafikilisiwa, chokamba kuti, "Banatenga ndalama za Siliva ma kumi yatatu, ndalama za mutengo wamene banamuweluziliwa eve kuli bana ba Izilayeli, ¹⁰ nakugula munda wa opanga mpika, monga mwamene Ambuye banani uzila ine." ¹¹ Manje Yesu anaimilila pamenso pa kazembe, kazembe anamufunsa kuti, "Nanga ndiwe Mfumu ya ba Yuda?" Yesu anamu yanka nakukamba kuti, "Ndiwe wamene ukamba chamene icho." ¹² Koma pamene banamupasa mulandu ba kulu bansembe na bakulu ba bantu, sanaba yanke chili chonse. ¹³ Pilato anamufunsa kuti, "Nanga iwe ndishi siumvela zonse milandu zamene aba bakamba pali iwe?" ¹⁴ Koma sanamuyanke ngakale liu imozi, kulengesa kuti kazembe anankala odabwa maningi. ¹⁵ Manje pa pwando kunali mwambo wakuti kazembe anali ku masula wa mundende umozi wamene anali kusankiwa na gulu ya bantu. ¹⁶ Pa ntawi ija kunali wamu ndende imozi ovuta maningi zina yake Balaba. ¹⁷ Pamene banakumana pamozi, Pilato ana bauza kuti, "Niuti wamene ine nizaku masulilani imwe? Balaba, kapena Yesu wamene aitaniwa Kristu?" ¹⁸ Anaziba kuti banamupeleka Yesu kuli eve chifukwa cha nsanje. ¹⁹ Pamene anali nkezi pa mupando woweluzilapo, mukazi wake anatumiza mau kuli eve kuti, "Imwe musankale na chochita nawo uyo muntu wamene alibe mulandu. Chifukwa ine navutika vintu vambili chifukwa cha chiloto chamene ine ninali nacho pali eve." ²⁰ Manje bakulu bansembe na bakulu ba bantu banalimbikisa gulu kuti ipempelele Balaba, nakuti bamupaye Yesu. ²¹ Kazembe anaba funsa kuti, "Niuti pali aba babili wamene mufuna niku masulileni imwe?" Banayanka kuti, "Balaba." ²² Pilato anabafunsa kuti, nanga uyu muntu Yesu wamene aitanaiwa kuti Kristu nimuchite chani?" Bonse banayanka kuti, "Mupachikeni." ²³ Pamene apo anakamba kuti, "Chifukwa chani, nimulandu wa bwanji wamene apanga?" Koma banapunda mokweza mau kukamba kuti, "Mupachikeni." ²⁴ Pamene Pilato anaona kuti kulibe chamene angachitepo, koma panayamba kunkala pokoso, anatenga manzi, nakusamba kumanja pa menso pa gulu ya bantu, naku kamba kuti, "Ine nilibe mulandu pali magazi ya uyu muntu wamene alibe mulandu. Onani vamene muzachuta naye imwe." ²⁵ Bonse bantu banakamba kuti, 'Lekani magazi yake yankale pali ise na bana batu." ²⁶ Pamene apo anamu masula Balaba, koma anamukwapula Yesu naku mupeleka kuti apachikiwe. ²⁷ Pamene apo basilikali ba uja Kazembe banamuenga Yesu kuenda naye ku Boma ikulu naku bwelesa pamozi gulu yonse yaba silikali. ²⁸ Banamu chosa vovala nakumu valika mukanjo wofila. ²⁹ Banapanga chisote cha ufumu cha minga naku muika pa mutu, naku mupasa ndondo kumanja yake ya kwanja. Banamu gwadila naku munyoza, kukamba kuti, "Tikuoneni, Mfumu ya ba Yuda!" ³⁰ Banamutunyila mate, naku tenga ndondo naku mumenya pa mutu mobwezelapo. ³¹ Pamene banasiliza kumunyoza, banamuchosa mukanjo naku muvalika vovala vake, nakumupeleka kuti apachikiwe. ³² Pamene bachoka, banapeza mwamuna ochokela ku Saileni zina yake Simoni, wamene banakakamiza kuti aende nabo pamozi kuti amunyamulile mutanda. ³³ Banabwela ku malo yoitaniwakuti Gologota, yamene itantauza kuti "Malo ya Bonzo yaku mutu." ³⁴ Banamupasa vinyo kuti amwe osankaniziwa na ndulu. Koma pamene anayesa kuti amwe, anakangawa. ³⁵ Pamene banamupachika, banagabana vovala vake kupitila muku teya njuga, ³⁶ banankala pansi naku mulonda eve. ³⁷ Pamutu wake bana lembapo mulandu wake, wamene unalembeka kuti, "Uyu ndiye Yesu, mfumu yaba Yuda." ³⁸ Vigabenga vibili vinapachikiliwa pamozi na eve, umozi ku kwanja yake ya manja na wina ku kwanja yake ya manzele. ³⁹ Bantu bamene banali kupita banali kumutukwana, uku bapukunya mutu ⁴⁰ nakukamba kuti, "Iwe wamene unali kufuna kuononga tempele naku imanga futi mu masiku yatatu, zipulumuse weka! Ngati ndiwe Mwana wa Mulungu, seluka ubwele pansi kuchoka pa mutanda!" ⁴¹ Chimozi-mozi bakulu bakulu bansembe banali kumunyoza, pamozi na bolemba na bakulu-bakulu, kukamba kuti, ⁴² "Anali kupulumusa benangu, koma eve sakwanisa kuzipulumusa. Eve ndiye Mfumu wa Izilayeli. Mulekeni aseluke abwele pansi pa mutanda, ndiye pamene ise tizamukulupilila. ⁴³ Akulupilila muli Mulungu, mulekeni Mulungu amupulumuse manje apa, ngati Mulungu avomela kumu masula. Chifukwa ana kamba kuti, 'Ine ndine Mwana wa Mulungu." ⁴⁴ Chimozi-mozi vigabenga vija vamene vinapachikiwa pamozi na eve vina munyoza. ⁴⁵ Manje kuchokela ntawi ya twelve koloko yamu zuba kufikila ntawi ya fili koloko yamu zuba kunankala chimudima pa ziko yonse. ⁴⁶ Pa ntawi ya 3 koloko yamu zuba, Yesu anapunda na liu yokweza naku kamba kuti, "Eli, ELi, lama sabakatani?" kutantauza kuti, "Mulungu wanga, Mulungu wanga, nichani chamene mwanilekelela ine?" ⁴⁷ Pamene baja bamene banali imilile banamvela ichi, banakamba kuti, "Aitana Eliya." ⁴⁸ Pamene apo umozi pali baja ana enda naku tenga tonje, aizulisa na vinyo vosasa, ai ika pa ndondo ya ntente, nakumupasa kuti amwe. ⁴⁹ Bonse bamene banasala banakamba kuti, "Musiyeni eka. Lekani tione ngati Eliya azabwela kuti amupulumuse." ⁵⁰ Pamene apo Yesu analila na liu yokweza naku peleka muzimu wake. ⁵¹ Onani, chinyula chogabisa tempele china ngámbika pakati kuyambila kumwamba kufikila pansi, na ziko inagwedezeka, na myala zina ngámbika. ⁵² Manda yana seguka, ma tupi ya bantu boyela bamene bana gona yanaukisiwa. ⁵³ Bana choka mu manda pamene eve anaukisiwa, naku ngena mu muzinda oyela, naku onekela kuli bambili. ⁵⁴ Manje pamene Kentuliyo pamozi nabaja bamene banali kuona Yesu banaona kungambika kwa ziko na vintu vamene vinachitika, banayopa nakukamba kuti, "Zoona uyu anali Mwana wa Mulungu." ⁵⁵ Bazimai bambili bamene banakonka Yesu kuchokela ku Galileya kumusamalila banaliko kulanganila patali. ⁵⁶ Pali aba panali Maria Madalena, Maria mai wake wa Yakobo na Yosefe, na mai wa bana ba Zebediya. ⁵⁷ Pamene kunakala mazulo, kunabwela mwamuna olemela ochokela ku Alimatiya, zina yake Yosefe, wamene anali opunzila wa Yesu. ⁵⁸ Anafika kuli Pilato naku pempa tupi ya Yesu. Pamene apo Pilato anabauza kuti bamupase. ⁵⁹ Yosefe anatenga tupi, kui vumbatila mu nyula yo tuba, ⁶⁰ naku iika mumanda yake yamanje yamene ana kumba mu mwala. Pamene apo anaika chimwala chikulu pa komo ya manda naku enda. ⁶¹ Maria Madalena na uja Maria winangu banaliko kuja, banali nkale kulangana manda. ⁶² Siku yokonkapo, yamene inali siku yokonka siku Yokonzekela, bakulu-bakulu ba nsembe na ba Falisi banali banakumana pamozi na Pilato. ⁶³ Banakamba kuti, "Bwana, ise tikumbukila kuti uyu muntu waboza pamene anali na moyo, anali anakamba kuti, 'Pakapita masiku yatatu nizauka futi.' ⁶⁴ Chifukwa cha ichi imwe lamulani kuti manda baya londe kufikila siku ya chitatu, ndaba bopunzila bake bangabwele nakuba tupi yake naku yamba ku uza bantu kuti, 'Auka kubakufa,' na kunamiwa kosilizila kuzankala kukulu kuchilapo paja poyamba." ⁶⁵ Pilato anabauza kuti, "Tengani malonda. Endani mukaonesese kuti manda yalondewa munjla mwamene imwe mungakwanilisile." ⁶⁶ Pamene apo banayenda naku londesa manda, kuvala chimwala naku ikapo bolonda.