¹ Punda tudu sumu sasedotxi, kôydu ni ômê di pôvô, ê sa kôydu pê pôji tlaba,da pôvô ni kwa di Dêsu, pa flêsê tantu ofeta mo saklifisu plô pekadu. ² Ê sa kapaji di tlata ku paxênsa inen ku na sêbê fa ku ka fe mali,punda êlê tembete sa lojadu di flakêsa. ³ Plôvia di kwa se êlê tembeté plixisá flêsê saklifisu plô pekadu dê plopi, axen mo ê ka fa plô pekadu di pôvô ⁴ Ku nê uã ome na ka toma honla se pa êlê me fa, aji ê sa samadu plô Dêsu, mo ku Alon fô. ⁵ Axen, Klistu tembete na honla Êlê me fa, Ê fe di sumu sasedotxi, maji ixi ku fê fla:" Bô sa nima Mu; Un gela Bô oze. ⁶ Modu ku ê sa sklêvidu tembete ." Bô sa Sasedotxi pala semplê segunu oji i Melkisedéki." ⁷ Djina dja ku Ê bi ni kani, Ê flêsê lason ku suplika,ka klama ku awa wê ni wê da ngê xi ku sa kapaji di stlavé di motxi, plôvia di piadadji Dê, Ê fô kutadu. ⁸ Ê pôji sa mina, ê sêbê kumpli da kwa ku Êsfli. ⁹ Modu ku ê fô plepaladu, Ê bila fôntxi di stlavason pala semple da tudu ngê ku ka têndê. ¹⁰ Sa mandadu plô Dêsu mo Sumu sasedotxi segundu odji di mekisédeki. ¹¹ Ni kwa se, nontê yô ka pa non fla, maji ê ka da matxi di fla, punda mali muntu di têndê. ¹² Ni ola se nansê toka mêsê za, andêjime ê sa plixisunantawo ku ngê xina nansê plumê ximentu di palavla Dêsu.Nansê toka lêtê, na sa kume lizu fa. ¹³ Punda tudu ngê ku ka bêbê lêtê tan sa novu ni palavla di zustxisa pundaê sa uã mina anzu. ¹⁴ Modu ku modu, kume lizu sa pla ngê tamé, ngê xi, ku nisêbê sa tlenadu ku sêbê di pompla ben ku mali.