¹ Sósoso, bômu toma tenon pla nê uã nansê na plêdê plómesa sé, dêsadu da nansê,di lentla ni sósêgu di Dêsu. ² sososo, non lêêbê palavla, axenmo inen, maji mesajen na fe inen ben fa, punda inen na pê afé nê fa. ³ Punda non xi ku kêlê, non sa ixi ku ka lentla ni sósêgu se, exen mo ê fô fladu: Mó Un zula ni léva Mu, inen na bila ka lentla ni sósêgu Mu fa." Djina fundason di mundu obla Dê tava fedu za, ⁴ Sósoso Ê fla , ni uã ligê, ni lispêtu di sete dja: Dêsu floga ni sete dja di tudu inen obla Dê." ⁵ Ê bila fla:" Inen na k ba lentla ni dósêgu Mu fa!" ⁶ Andêjime, mo sósêgu i Dêsu sa lôklidu da uã dôsu ngê di lentla antwo, uã vê ku yô di Islaelita kuta palavla i kwa di sésêgu Sum inens na lntla nê fa plôvia di olia lizu, Dêsu bila gwada uã dja bwadu samadu "oze". ⁷ Ê pê dja se ola ê fla plô ômê di Davim modu ku Ê tava fla ni ôtlô ola:"Oze xi bô têndê sama Sum na fisa kloson bô fa." ⁸ So soso, xi Zosué ka ta da inen sós^gu, Dêsu na ka fla inen i ôtlô dja fa. ⁹ Êlê manda,uã sósêgu sabatiku pla pôvô Dêsu sen antawó. ¹⁰ Punda ngê xi ku ka lentla ni sósêgu di Dêsu ka floga ni obla dê mo Dêsu fe. ¹¹ Sososo, bomu fe fôsa pa non pô lentla ni s´sêgu se, odu ku nê uã ngê ka kyê moda se m ku inen kyê fa. ¹² Punda palavla di Dêsu Ê sa vivu xa pôdê, maxi moládu dôkê uã supada di dôsu ponta ku ka lentla antê divison d'alima ku suplitu, ni zunta ku medula, plontu di konsê intenson ku pensamentu di kloson. ¹³ Nê uã ngê na sa kondidu ni wê di Dêsu fa. Di ôtlô modu, tudu kwa sa betu pêdu ni wê Dixi ko non tê di bi plêsa konta. ¹⁴ Mo non tê, uã Sumu sasedotxi glandji ku lentla ni osé, Jizu,mina Dêsu, bômu pega konfison non lizu axi. ¹⁵ Punda non na tê uã Sumu sasedotxi ku na ka tê pena di flakêsa non f, maji ixi ku fô tentadu axen mo non,Ê sa di fakutu kuÊ na tê pekadu fa. ¹⁶ Bômu pôse ku ôsadia tlônu i glasa, p non lêsêbê mixikóji pa non bê glasa di valê non ni tempu di mixidadji.