¹ Êlê manda,inen Santu, dá non di vokason, d'osé, pya Jizu mó Apostulu ku Sasedotxi di konfison non. ² Ê fô fieli ni Dêsu ku pê, axen mó Muzé tembeté fô fieli ni túdu ké Dêsu. ³ Axen á bê Jizu digunu di glôya maxi glandji dôkê Musé, punda ngê xi ku ka fe kétê gloya maxi tamé dôkê plopi. ⁴ Axen tudu ké sa fedu plô uã ngê, maji fedô di tudu kwa sa Dêsu. ⁵ Ni ôtlô patxi, Musé fô fieli mo selivi, ni tudu ké di Dês, pê pôji da sestemunho ni lispêtu di kwa ku ka bi sa fladu. ⁶ Mo Klistu sa mina, Ê sa liba di ké di Dêsu, ku sa non, xi non ta flimi ni ôsadia ku exatason ku non ska gwada. ⁷ Só so so, sa mo Suplitu ka fla:" xi bô têndê sama i Dêsu oze, ⁸ na fisa kloson di nansê mo ni lêbêlion, ni tempu di plóvason ni kampu azêtô. ⁹ Ka se da ola pe nansê xê ku lêbêlion, ka plapa-Mu; ni glêntu di kwatlu dexi anu sê inen bê tudu kwa ku un fé. ¹⁰ Maji un tinhaléva di inen Jelson sé.Un fla:" Inen dêsa kloson dinen govena inen, andêjime inen na ta kônsê stlada Mu fa." ¹¹ Axen so Un zula ni léva Mu:" inen na bila ka lentla ni sosêgu Mu fa." ¹² Inen manu, toma tenson, pla ku ni ômê nansê na tê kloson lizu i na kêlê fa uã kloson ku ka pata di Dêsu vivu. ¹³ Maji, da ôtlô fôsa dja plôdja samadu "oze" di modu ku nê uã ngê ni ômê nansê ka fisa kloson nganadu plô pekau. ¹⁴ Sososo non bila memblu di Klistu,xi non ta flimi antê kabamentu ku non tava ku Ê djina komesu. ¹⁵ Ni liba dise a ka fla:" xi bô têndê fala Dê, oze na fisa kloson nansê, mó ê fô ni lêbêlion fa." ¹⁶ Kêngê sa ixi ku têndê Dêsu, lébélá? Na sa tudu inen ku xê ni Egitu plô ômê di Muzé fa? ¹⁷ Kengê xi ku Dêsu tê léva kwatlu kudexi anu? Na sa inen sé ku peka ku ubwê di inen kyê ni kanpu azôô fa? ¹⁸ Ngê ku Ê zula ku na ka lentla ni sosêgu Dê, xi ê na sa inen ixi ku na vlegá fa? ¹⁹ Non bê kuma, inen na pôji lentla ni sósêgu Dê fa, plôvia di kloson lizu dinen.