¹ Anton, bomu dêsa ni kwa ku non sêbê ni plavla di klistum bômu sa fotxi wó. na bia fla, ni fundamentu kulependimentu di obl matxi da fe ni Dêsu fa. ² Nê fundamentu ku xina di butxismu, pê non, lesulêson di motxi nê zutxi pala semplê. ³ Non tembete ka fa inen kwa se xi Dêsu mêsê. ⁴ Punda, ê na ka pôji sa inen ngê xi ku bê kandja uã vê za, ku plôva don di liba,liba memblu di Suplitu Santu. ⁵ Lentla ni bon palavla di Dêsu, di pôdê di tempu ku ska bi. ⁶ Zawo inen kyê, ê na ka bila da di inen lêpêndê fa.Sa punda inen bila klusifika pa inen me,ku plopi mina Dêsu fê uã objtu di vlegônha publiku. ⁷ Punda tla ku ka kukusumi suba ku ka kyê ka da kume bau pa inen ngê xi ku ka tlaba nê, Dêsu ka da benson. ⁸ Maji sê da npian ku ablôlhos, ê bwa fa ku ê na ka tada di sa maiuadu fa. Fin dê sa di kêma. ⁹ Inen amadu, non sa kônvexidu ni kwa bwadu ni lispetu nansê, kwa ni lispêtu di stlavason, antawo ku non ka fla di modu sé. ¹⁰ Dêsu na sa injustu di kêsê di stluvisu nansê fa ku amôlê ku nansê musa ni nomi Sum, ni ixi ku nansê stlivi da santu i sa nê ka fé. ¹¹ Non gôgô montxi axi ku kada uã nansê ka fé penhu sé me antê fin, ku uã spelansa gwadadu. ¹² Na bila pligisosu fa, sa imitadô di inen s ku, plô mê fe ku paxensa, ka léda plómesa. ¹³ Punda ola Dêsu fa plómesa Dê da Ablon, ku ê tê ni uã ngê maxi tamé dôkê di zula fa Ê zula dê mé. ¹⁴ Ê flá: Nga da bô bensa setu axi bila klesenta bô montxi axi. ¹⁵ Di modu se, ê nganha kwa ku a plômêté ola ê gwada ku paxensa. ¹⁶ Ngê ka zula ku ngê maxi tam dôkê da tudu ku inen ka fe di konflima zulamentu. ¹⁷ Ola Dêsu dixidi di musa maxi klalu, da inen lêdêlu di plômêsa di kwalidadxi di plopósitu Dê ku na ka muda fa.Ê da galatia ku zulamentu. ¹⁸ Ê fé plô ômê di dôsu kwa ku na ka muda fa, ê sa impusivé Dêsu fla mintxila, pa non sé ku xê di gôló kamya kôndê,pa non ta fotxi ni kloson pa non pega flimi axi ni spelânsa ku a da non. ¹⁹ Ku non tê mo ângula sêgulu flimi ni alima nonku ka lentla vala véu. ²⁰ Andji Jizu, ku bê ni wê non, lentla ni lugê non bila Sumu Sasedotxi pala semplé, segundu odji di Melkisêdeki.