अध्याय 22
1
फासे बेखमीर माडा सण वेयो वल्हाडण आखते तो पाही आलो.
2
मोडा दास माही आने नियमशास्त्रा शिक्षक, येशुल केहकी तेअत माता आवी अ गोठी विचार केतुला कहाका तियान माहा बिख आथी
3
ताहा बारा प्रेषिताम नो एक म्हणजे यहुदा इस्काेय माजमे सैतान विठो.
4
यहुदा मोडो दास माही आने परमेश्वरा मंदीरा अधिकारी तिया पाही गिये आने तियाल हिती येशुल केहकी तीन देजी एकेही आखालाव्या
5
तियान खुब हारो पोटी गियो आने तियान पौसा दा आखा लाग्ये.
6
आनेतो मानी गियो आने तो माही नाय रे ताहा येशुल तेरा वाट जोवा लाग्यो.
7
बेखमिर माडा सण, ज्या दिही वल्हाडण बोकडो मानु दिही आलो.
8
ताहा तियाय पेत्राल आने योहनाल आखी मोकल्यो का “जा आने आपुखातोर वल्हांण सना माडो केरा आपु खाता
9
पेत्र आने योहान येशुल आखा लाग्य आमा तिया तियारी केहे केजी एकई तुमा मन हाय?
10
तो तियान आखा लाग्यो “ तुमा गावाम विहताज तुमाल एक माहु पाया बासने तिली जाता देखाय तो जिया कोमे जाय तिही तुमबिजा
11
आने तिया कोवा मालकाल आखा, “गुरूजीय तुम्हाल फुसा आख्यो का मा चेला वल्हांडन सणा मानडो खाता आवे एहनडो कोवो किही हाय
12
तो माहु तुमाल एक तीयार कोवो वेखावी तीही तीयारी केरा
13
ताहा पेत्र आने योहान तिहीनो निगी आला जेहकी येशुय आख्यो तेहकीज वेयो ताहा तियाय वल्हाडणा मानडो बोनाव्यो.
14
टाईम वेयो आने येशु प्रषिता आरी मानडो खा बोठो.
15
तो तियान आखालाग्यो “ माय दु:ख भोगा तुमा आरी वल्हाडणा सणा मानडो खाव एहकी खुब मन आथो.
16
काहा का माय तुम्हाण आखु का देवा राज्याम इ पुरो वेरे ताक हुग माय ओ मानडो फासे नाय केरू
17
ताहा येशुय पेलो आने उपकारस्तुस्ती कीन तो आखा लाग्यो ई ल्या आने वाटी ल्या
18
काहाका माय तुमान आखे का देवा राज्य आवी ताक माय द्राक्षारस पियु नाय
19
फासे तियाय मानडो लिन उपकारस्तुती किन मानडो मुडीन आने तियान दिन आख्यो इ मा शरीर हाय जो तुमाखातोर देदो मा याद आवे आखीन इ केरा.
20
फासे मानडो खांदो आने तियाय प्यालो लेदो आने तियाय आख्यो ई ल्या मा रगुतू नवो करार हाय
21
पेन वेरा ! विश्वासघात केनारा हाय मा आरीज मेज पे हाय
22
काहा का माहा पोयरो तीया खातोर पेन जिया आथाकी तियाल तेरावी तिया माहा हारो नाव वेणारो.
23
आने ते टाेलवायेन एक मेका आरी ठाके ठाके गाेगते आल्ये का आमामंनो इकेडो हाय, जो काम केरी
24
ताहा तियाय तियाल आख्यो “बिहरी जाती राजा तियाप हुकूम चालवुता आने तो उनकार आखाय
25
पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय.
26
पेन तुमा तेहकी नाहा जेहकीज तुमामनो आखासे मोडो जो हाय तो हाना हीस रेजा आने जो हाय तो मोडाे होय.
27
काहा का मोडो केडो हाय जो मानडो खा बाेठो तो का सेवा किरे तो ? जो मानडो खाय रियो तो का? पेन माय तुमाआरी केनारा होस हाय
28
पेन मा पारीक्षाम मा फाचाडी उभीऱ्या ऐहडे तुमाज हाय
29
जेहकी मा बाहकाय माल निवड्यो तेहकीज माय तुमा खातोर राज्य निवडु.
30
तिहाल तुमा मा राज्याम मानडाेव्या घा आने पीया बोहीन तिया आने इस्त्राएला बारा पिडी न्याय केरा
31
शिमोन, शिमोन, उना ! शैतानाय तुमाल माग्ये का गोवा सतरो निगे!
32
पेन शिमोन, तो विश्वास हो नाय, तिहाल माय तो खातोर प्रार्थना केई आने जाहा तु फिरो ता तो पावुहू विश्वास मे मजबुत के
33
पेन शिमोन पेत्र तियाल आखा लाग्या प्रभु माय तो आरी जेलाम आने मोरा भी तीयार हाय
34
पेन येशूय तियाल आख्यो “ पेत्रा माय तुल आखु आज कुकडों नाय वाहाय”
35
येशू शिष्यांन आखा लाग्यो “ जहा माय तुमाल थेली तिशवी आने काय तुमाल एगी वस्तु कमी वेयो? वेयो तीयाय आख्यो केहडाज नाहा
36
तियाय तियान आख्यो “ पेन आनी जीयाय ती थेंली हाय ती ल्या आने पिशवी बी ल्या आले जियाप तलवार नाहा तो तीया पोतडे वेचीन वेचती ल्या
37
माय तुम्हाल आखु, का तो खाराब माहा आरी गोनायो, इ आखाे मा खांतोर मा पुरो वेरा जोजे काहाका मा गोठ्या पुऱ्या वेरी आल्या
38
तीयाय आख्यो, “प्रभु वेरी इही बेन तरवारी हाय” तियाय तियान आख्यो “तोते पुरे”
39
आने तो तिहीआला होस जैतुना बोडा वेला गियो आने शिष्या तीया फासाडी गिया
40
ताहा तिही आवीन तियाय तियान आख्यो तुमा परीक्षाम पोडा नेय तिहाल प्रार्थना केरा
41
तो तियाहनो वाय दुर गियोने गुडगेटेकिने प्रार्थना केई
42
“ बाहका जर तो मन वेरी ता ओ प्यालो मासे दुर के तर मा मनाकी नाहा पेन तो मोनाकी वेरा दे”
43
स्वर्गमेनो एक देव दुत आलो आने तियाल सामर्थ दा लाग्यो
44
दु:खाकी खुप आतो तेबी तियाय खुब जीवलागविन प्रार्थना केयी आने तिया गोजारो रक्ता टिपका होय तोरतीप पोडा लाग्यो
45
आने प्रार्थना किन तो जाहा उठ्यो आने शिष्या पाही आवीन तियान तारासिमजे हुवता वेयो
46
तो तियान आखा लाग्यो “तुमा काहा हुवता? उठा आने परीक्षाम पोडा नाय तिहाल प्रार्थना केरा”
47
तो गोगतुलज का लोका टाेलो आलो आने बारा शिष्याम जो यहुदा इस्कयौत आखतुले एक माहु तिया आगाडी चालतुलो येशू चुंबन ला तो तिया पाही आलो.
48
पेन येशुय तियाल आख्यो “यहुदा चुंबन लिन माहा पोयरा विश्वास घात केतो का?
49
तीया आय पाही जो हाय तो काय वेरी इहकी उनायान तिया आख्यो “प्रभु आमा तलवार चालवुजी का?
50
तियाय ताे एका सेवका नोकराव वार केयो आने तीय हुदो कान तुही गीयो
51
येशुय उत्तर देदो, “ इहकी वेरा दे आने तियाय तिया कानाल आथ लागव्यो आने कान हारो केयो
52
फासे येशु माेडो याजक लोग, परमेश्वरा मंदीरा मोडो अधिकारी आने डायो जो तियाप आखो “ तुमा तलवार माप चालवुता जेहकी कास माय बानड हाय.
53
माय ता रोज तुमा आरी परमेश्वरा मंदीराम गिवाे आने तुमा माप आथ लागवुता नाहा पेन इ तुमा टाइम आने आधारा टोलो हाय”
54
तियाय तियाप अटक केयो आने ते तियाल महायाजकु को लीगीये पेत्र दुरनेज तिया फासाडी चालतुलो.
55
तियाय कोवा हुमूर वोचमेज कोचरो सिलगाव्यो आने तिया चारी सोमके बोठा आने पेत्र बी तिया आरी बाेठो
56
ताहा केली तेबी एक दासीय तिही आगी उजवाडाम तियाय बोठलो वेयो तियुय तिया वेला निवडीन वेयो आने ती आखा लागी “इ माहु बी तीया आरी आथो”
57
प्रेत्र आखाे “बाई माय तियाल नाहा वोखुतो”
58
थोडी वाकी एक माहीय तियाल वेयो आणे आख्यो “तुबी तियाम नोज एक हाय!” पेन प्रेत्र आखे खेरेज माय नाहा!”
59
फासे एक मास जे वेयो आने फासे एक माहु जोरमेज आखे, खेरेज इ माहुबी तिया आरी आथो ओ गलील प्रांता हाय,”
60
पेन पेत्रा आख्ये, “ खेरेज तु काय आखतो मान ताहा होमजुतो ! “तो गोगतुलोज आने कुंकडो.
61
आने प्रभुय वोलीन पेत्रा वेला ताहा पेत्राल प्रभुय फुसली गोठ ईतआली “ आज कुंकडो वाहाय ताक हुग तीन दाव नाय आख्यो” एहकी आखलो इत आलो.
62
फासे तो बारे जायेन मोडा दु:खाकी रोड्यो
63
येशुय नजर थोवनारा लोकाय तिया उपवास केरा आने तियाल ठोका सुरवात केई
64
तियाय तिया डोवा बांद्या आने तियाल प्रश्न केरा लाग्ये ते आखे “वोखे वारु तुल केढाेय ठोक्यो?
65
आने ते तीयाल विसावा खातोर आजी खुब काम गोग्या
66
दिही निग्यो नाहा डाया माहा म्हणजे तियाम बेन प्रकारा माही मुख्य याजक लोग आने नियमशास्त्रारा गुरू ते टोलवाया आने ते तियाक टोलाम लि आला.
67
ते आखे, “ जर तु ख्रिस्त हाय ता आमान आख” येशुय तियान आख्यो, जर “माय तुमाल आखे तेबी तुमा माप विश्वास नाय केरा.
68
आने जर माय प्रश्न विचारे तेबी तुमा माल उत्तर नाय द्या.
69
पेण आमिनोज माहा पोयरो सर्वसमर्थ देवा हुदी वेला बोठलो वेरी”
70
ते आखेज आखा लाग्ये, हाती तु देवा पोयरो हाय काय? तियाय तियाल उत्तर देदो, “तुमा आखता ता माय हाय”
71
आने ते आखा लाग्यो “ आमी आपुन आजी साक्षी काय गरज हाय? आपुय स्वत: तिया मुयाकी उनाया ते”.