अध्याय 23
1
फांसे तिया आख्या लोक उठ्या आण तियाहाय येशुल तियामाहान लि गिया,
2
आण ते तियापे आरोप लागवा लाग्या ते आखा लांग्या, आम्हाय ईया माहाल लोकांहान दिशाभुल केता तेयो, तो कैसराल टेक्स दाखातोर विरोध केतुलो आण आंखा लाग्य का तो स्वत: ख्रिस्त एक राजो हाय,
3
फांसे पिलाताय येशुल फुच्यो तु यहुदीया राजो हाय का, येशुय आख्यों तु आखतो तेहकी,
4
फासे पिलाताय मुख्य याजकाने आण लोकांने आख्यो, ईया माहाम माल कायज चुक नाहा देखाती,
5
पेन ते विनंती किन आखा लाग्यो यहुदीया शेहरामुने आखा लोकांन तो आपे हिकवुनु हिकिविन चेतवुतोलो तियाय गालील शेहरामुने सुरवात केई आन ईही लुग आलो हो
6
पिलात ऐहेकी उन्हायो ताहा फुचा लाग्यो का ओ माहुं गालील शेहेरा हाय का,
7
जाहा तियाल होमजो का येशु हेरादा आथा थुलेनु हाय, ताहा तियाय तियाल हेरोदा होवे मोकल्य तो तिया दिहाम यरूशलेम शेहेराम मुज आथो,
8
हेरोदाय येशुल वेयो ताहा तियाल खुप खुशी वेई काहाका तियाय तिया बाबतीम उन्हालं आथो, का तियाल ऐहेकी हमजातुल का तो एगदो हमजातुल का तो एगदो चमत्कार केरी आण तो आपुल वेरी तिली ऐहडी आशा तियान आथी,
9
तियाय येशूल खुबूज प्रश्ने फुचे पेन येशुय तियान उत्तर देदो नाहा,
10
मोडो सेवक लोक आण नियमशास्त्रा हिकवुनारा तिही उभा रिने तिया विरूध्द खुब रोगमे आरोप लागवुतूला.
11
हेरेदाय तिया शिपायां आरी येशूल अपमाना होय वागणुक देदी तिया थट्टा केई, तियाय तियापे एक भोळक पोतळो पवीन आण तियाल तिलाताही फांसे मोकल्यो,
12
तियाज दिहाल हेरोद आण पिलात एक बिहीरा हेगांत्या बोन्या तिया पेहेला ते एक बिहीरा दुश्मन आथा,
13
पिलाताय मोडा सेवकान आण पुढारीन आण लोकांहाल एकजागे हाद्या,
14
ओ माहुं लोकांहान तुम्हा पाही ली आलाहा, आण वेरा जियु गोठीह आरोप तुमा ईयाप थोवताहा तिया खातोर माय तुमा हुबूर होद फुच केई आण माल ईयाल माहाम कायज चुक सापडी नाहा,
15
हेरादालबी चुकी बद्दल कायबी आधार सापड्यो नाहा आण तियाही तियाल फांसे आमा पाही ली आला, तुम्हाबी वी शेकता का मारूलो शिक्षा देवुलो एहेडो तियाय कायज केयो नाहा,
16
तियाय माय ईयाल फटका ठोकीन सोडी देहे,
17
काहाका तियाप ति सणाम तियाल तियाहा केता एकाल सोडा पोडी,
18
पेन ते आखे मिलीन मोडाये बोंबल्ये ईया माहाल माय टाका, आण आम्हा खातोर बरब्बाला सोडा,
19
बरब्बाय शेहेराम दंग मातवुलो आथो तियाय थोडाक लोकांन मायबी टाकले आथे, तियाहाल तियाल जेलुम टाकलो आथो,
20
फांसे पिलात येशुलं सोडा खातोर तिया मोनाकी तियाआरी गोगा लाग्यो,
21
पेन ते बोबुलूतेज रिये तियाल वधस्तंभाप खिला ठोका तियाल वधस्त्ंभाप खिला ठोका.
22
पिलाताय तिनदाव तियाहान आख्यो का ईया माहाय एहेडो केल्लों गुन्हो केलो हाय मारुलो शिक्षा दुवलो ऐहेडो तियाम मान कायज देखायो नाहा, तियाहाल ईयाल माय फोटकाहा शिक्षा दिन सोडी देहे,
23
पेन ईयाल वधस्तंभाप खिलांच ठोका ऐहेकी ते मोडोये बोंबलिन विनती केई आण तियाहा बोंबलुन फांयदो वेयो,
24
ताहा पिलाताय तियाहा मागोलो आथो तेहेकी वेराे जोजे ऐहेकी ठोरव्याे
25
जो माहुंव दंगो आण खुन ईया केता जेलुम टाकलो आथो आण जिया तियाय मागणी केली आथी तियाल तियाय सोडी देदोलो, पिलाताय तिया मोना पासुन केरा खातोर येशूल तियाहा हाताम दि देदो,
26
ते तियाल ली जातुले ताहा कुरेनेकर शिमोन नावा केडोतेबी एक खेता होवेनु आवतलो, तियाहाय तियाल तेयो आण तियाहाय येशू फाचाळी चालीन बधस्तंभ उखली लागा खातोर तो तीयोप थोंव्यो
27
लोंका आण बाई मोडो टोलाे ति फासाळी चालतुले, ते बाईया तिया खातोर साती ठोकिन रोळतुल्या
28
येशू तियाहा होवे फिरीन आखा लाग्यो यरूशलेमा पोयरीही मा खातोर नाहा रोळा पेन आपू स्व्त: खातोर आण तुमा पोयरा खातोर रोळा
29
काहका ऐहेडा दिही आव्ही, ताहा लोक आखी धन्य ते बाया जे वायट्या हाय आण धन्य हाय ती बाई तियुले दिही नाहा रिया आण धन्य ते तियुकी किधी दुध ना पाजों,
30
ताहा ते डोंबुल आख्यी आम्हाप पडा आण ते बोड्या आखी आम्हान बुजी द्या
31
निला चाळाआरी ऐहेकि केताह हुकाला चालाआरी काय काय नेय केनारा,
32
आण बिहीरा बेन माही गुन्हाम आथा तियान बी तिया आरी मारा खातोर ली गिया,
33
आण जाहा ते गुन्हेगारा आरी कवटी आखतुले तिया जागाप आले, तिही तियाय तियाहान आण तिया गुन्हेगाराल एकाल तिया हुदी वेल आण एकाल उलटी वेल ऐहेकी वधस्तंभाप खिला ठोकला.
34
फांसे युशेय आख्यो हे पिता ईयान क्षमा के काहाका ते काय केहेता तो तियान हमजुतो नाहा, तियाहाय चिठ्ठ्या टाकीन तिया पोतोडे वाटी लेदले,
35
लोक तिही वेता उभी रेहेले आण पुढारी थट्टा किन आखा लाग्या, तियाय बिहरांन वाचवुले जर तो ख्रिस्त देवा निवडुलो वेरी त तो स्वत:ल वाचाविली,
36
शिपायांय बि तिया थट्टा केई तिया पाही आला आण तियाहाय तियाल आंबो देदो,
37
आण ते आखा लाग्या जर तु यहुदां राजो हाय ता स्वत:ल वाचव,
38
तियापे ऐहेकी लिखलो आथो ओ यहुदी लोका राजो हाय,
39
तिही खिला ठोकला गुन्हेगाराय तिया निंदा केई, तो आखा लाग्यो तु ख्रिस्त नाहा हाय का स्वत:ल आणआम्हाल बी वाचव,
40
पेन बिहरा गुनहेगाराय तियाल गायदेदो आण आखा लाग्यो, तुल देवा धाक नाहा का तुलबी तीज शिक्षा देदली हाय,
41
पेन आपु शिक्षा खेरी हाय काहाका आपुहूय जो केयो तिया खेरो फोल आपुहून मिली रियोहो, पेन ईया माहाय कैल्लीज चुक केई नाहा,
42
फांसे तो आखा लाग्यो येशु तू तो राज्यांम आवोह ताहा मानबि ईतवुजे,
43
येशु तियाल आखा लाग्यो माय तुल खेरो आखुहू आज तु माआरी सुखलोकांम रेहे,
44
ती टाईमाल पाही पाही पारगा बारा वाजले आथे आण तीन वाजे लुग देशाम आंधारो पडलो आथो तिया टाईमाल सुर्याय बि दिही नाहा देखाड्यो,
45
आण परमेश्वरा मंदीरामनु पडदो वोसमेनुज फाटलो आण तिया बेन भाग विगिया,
46
येशु मोडाये बोबल्यो बाहाका माय मा आत्मा तो हाताम होपी हिदु ऐहेकी आखीन तियाय तिया जिव सोडी देदो.
47
जाहा रोमी शताधीपतीय काय वेलो तो वेयो ताहा तियाय देवा गौरव केयो आण आखा लाग्यो खेरोखेर ओ हारो माहुवे आथो,
48
ऐहेडो दृश्य वेरा खातोर टोलवाला लोकोहाय घडल्या गोठ्या वेया ताहा ते छाती ठोकताज परत गिया,
49
पेन तियाल ओहकुनारा आख्या लोक तो वेरा खातोर दुर उभी रेहेला, तियाहाम गालील शेहेरामनु तिया फाचाली आल्या बाह्या आध्या
50
तिही योसेफ नावा एक माहुव आथो तो यहुदी सभा पुढारी आण हारो आण नितीमान माहुव आथो,
51
तियाय तिया कामाल आण विचाराल संमती नाहा देदी, तो यहुदा शेहरात नु अरिमथाई गावा आथो तो देवा राज्या वाट वेतुलो,
52
ओ माहुव तिलाताय गियो आण तियाय येशू शरीर मागा लाग्यो
53
ते तियाय वधस्तंभापनु ऐठाहा उताव्यं आण चादराम गुडाळीन फांसे तो डोगडाम खोदंलो माहानाम थोवलो, ई महान ऐडोह आथो का तियाम किदिहीज केडाल थोवलो नेय आथो,
54
तो तियारी दिही आथो आण शब्बाथ सुरू वेणारो आथो,
55
गालील शेहरामनु येशू आरी आल्या बाया योसेफा फाचाळी गेहेल्या तियाहाय ती कबर आण तियाहाम तो शरीर केहेकी थोवलो तो वेयो,
56
फांसे ते को गिया आण तियाहाय आज्ञा देहली तेहकी आराम केयो,