अध्याय 20
1
एक दिही येशु परमेश्वरा मंदीराम लोकाहान गोठ्या आखीन हिकवुतला, आने सुवार्ता आखतलो आथो ताहा मुख्य याजक लोक आने नियम शास्त्र हिकवनारा शिक्षक आने वडीला संकट पाही तियाही आल्लाे
2
ते तियाल आखा लाग्या, केलला अधिकारा ऐ गोठ्या केअतो इ आताहाल आख ओ अधिकारा केडाय देदो?
3
ताहा तियाय तियाहान आख्यो आय बी तुमाहान एक गोठ फुचूहू तोमान आखजा
4
योहाना बाप्तिस्मा स्वर्गामने आथो का मांअहापने आथो?
5
तियाही तिया –तियाहाज विचार किईन आख्यो स्वर्गामेने ऐहकी आखुहू ता तो आखी ताहा तुमाहान तियावे भोरूसो काहाना केअयो
6
पेन आपे आखुहू माअहांहीने ता बादा लोक आपुहून डोगोमार केरी काहाका योहान ओ एक देवा निरोप्यो आथो एहेकी ते मानते हे
7
ताहा तो केडाहीने आथो इ आमाहान मालुम नाहा एहेकी तीयाही तीयाल आख्यो
8
ताहा येशुय तियाहान आख्यो ताहा आयबी इ गोठ केलला अधिकारा की केतोहो किहु तो आय बी तुमाहान नाय आखु
9
फाचो तो लोकाहान एक गोठ आखा लाग्यो एका माअहाय दाराक्षाहा दिहीलुग बिहीरा देशाम निगी गीयो.
10
आने दाराक्षे काडुन टेम आलो ताहा तीया सेवकाल खेती केअनाराहाय मोकल्यो खेती केअनारा माने दाराक्षाहा फोलवे दि पेन खेती केअनारा तियाल मार दिइन रिकामोज मोकली देदो
11
फाचो तियाय बिहरा सेवकाल ताहा तियालबी तियाहाय मार दिइन तिया निंदा किइन रिकामोंज माेकली देदो.
12
फाचो तियाय तिसरा सेवकाल मोकल्यो तियाल बी तियाहाय खुब मार दिइन रोडी कुडीन मोकली देदो.
13
ताहा दाराक्षाहा मोला मालीक आखेहे आमी काय किव? आय मा खाजगी मेराला पायराल मोकलेहे तियाल तेबी ते मान देई.
14
जाहा खेती केअनाराहाय तियाल देख्यो, ताहा ते तिया तियाहाज विचार केरा लाग्या ओ ता वारिसदार हाय आपु इयाल माय टाकता बादी मिलकत आपुज वी जाय.
15
आने तियाहाय तियाल दाराक्षाहा मोलामेने बारे फेक्यो आने जायने माय टाक्यो आमी दाराक्षाहा मोला मालीक तियाहान काय केरी.
16
तो आवीन तिया खेतो केअनाराहान माय टाकी आने दाराक्षाहा मोलो बिहीराहान होपी दी इ उनायने तियाहाय आख्यो ऐहकी नायके
17
येशुय तियाहा वेल विइन आख्यो जो डोगडो बादनारा मिस्तीऱ्याय निकामो गोअयो तोज कोपरामेने डोगडो वी गियो ऐहेकी जो नियमशास्त्राम लेखलो हाय तिया आर्थ काय हाय?
18
जो केडोबी तिया डोगडावे पोडी ताहा तुकडा वी जाय आने तो डोगडो केडावे बी पोड्यो ता तीया चुरो वी जाय ताहा जो डोगडो बादनारा हाय नकांता गोअयो तोच कोपरामेने डोगडो वी गियो
19
नियमशास्त्रा शिक्षण देणारा आने मुख्य याजक लोकाही विचार केअतला तियाल तिइदा खातोर पेन ते लोकाहान धांकातला, तियाहा तियाल तेरूलो आथो काहका तियहा मालुम आथो का, इ गोठ तियाय तियाहानुज आखीली आथी
20
ताहा तो काय तेबी चुकीन गोगीता ती चुक होदा खातोर ते तियाही ठाकाज बोठला आने तियाल आधीपती सत्ता आने आदीकारांम होपेने ते धार्मिक वेहे लिईन एहेडा चुक्या सापडरवनारा लोक मोकल्या
21
आने तियाही प्रश्न फुच्या सापडावनारा लोक मोकल्या आने तियाही तियाल प्रश्न फुच्यो तियाय आख्यो गुरूजी आमाहान मालुम हाय का जो तु हारो हिकवुतोहो हारो गोगतेहे आने केडाल पक्षपात नाहा केता पेन हारिरीती देवा मार्ग जो खेरो हाय तोज हकिवुतोहो
22
आपुहूय कैसराल करपट्टी देवनू इ हारों हाय का नाहा ?
23
तियाय तियाहा ढोंग होमजीन ऐ माला फोसावा खातोर हाय इ येशुल मालुम आथो तियाल तो तियाहाल आख्यो माल एक दिनार (रूपयो) देखावा
24
इया वे केडा साप आने नाव हाय? तियाहाय आख्यो “कैसरा हाय”
25
ताहा तियाहान आख्यों “कैसरा तो कैाराल आने देवा तो देवाल द्या
26
ताहा ते लोकाहा हुंबूर तियाल जो काय गोग्यो तियाम तियाहाल तेरुलो जाग्यो नाहा तीयाय जो आख्यो तियाकी तियाहान नोवाय लागी आने ते ठाकाज रिया
27
मोअले माअही फाचे जीवी नाय उठनारे एहेकी आखनारा सदुकी तियाही आला तियाही तियाहान प्रश्न फुच्यो लाग्या तियाय आख्यो
28
गुरूजी मोशेय आमा खातोर ऐहेकी लेखलो हाय का जाहा एगोहो पावुहू मोय जाय आने तिया पावाहा थेअव हाय पोयरो नाहा ती पावाहाय तीया थेअयी आरी वोराड किअन आने पावाहा खातोर पोयरो उबजावा जो जे
29
सात पावुहू आथा पेअलाय वोराड केयो आन तो पाेयरो नेय वेता मोय गियो.
30
ताहा बिहीरा पावाहाम तियोआरी वोराड केयो.
31
ताहा तिसऱ्याय तियोआरी वोराड केयो सातीही पावाहा आरी ताज गोठ उबजीन वेयी केडालबी पोयरो नाय वेअता ते मोय गिया
32
शेवटीवे ती थेअ बी मोय गियी
33
फाचे ते जीवते ताहाती केडा थेअ वेआनारी काहाका तियोय सातीही पावाहाय तियो आरी वोराड केलो आथो
34
ताहा येशुय तियाहाल आख्यो इया जमाना लोक वोराड कि लेताहा आने वोराड कि बी देताहा.
35
पेन जे लोक तिया आवनाऱ्या जमानाम मोलामेने फाचे जिवतो विइने उटी ताहा भाग लाअखातोरा हारो उबजी ते वोराडे केअनारे बी नाय आने वोराडे देनारे बी नाय
36
फाचे ते माअनारे बी नाय, काहाका ते देवदेताहाच हायारी ते मोअलामेने जिवते विइन उठले हाय, पोयरो हाय ते देवा पोयरेबी हाय.
37
बोलता चाडवा गोठ मोशेय निरव्योहो ताहा तियाय परमेश्वराल अब्राहामा देव इसहाका देव आने याकोबा देव ऐहकी आख्यो आने मोअले माअहे जीवी उठतेहे इ देखावलो हाय.
38
देव मोअला नाय पेन जीवता देव हाय वादा लोक तिया हाय ते जीवते हाय
39
ताहा नियमशास्त्रा लोकाहाय आख्यो गुरूजी हारो आख्यो
40
फाचे फिरीन केडाय बी बिहीरो काय फुचनू हिमत्त नाहा केयो.
41
फाचे तियाय तियाहाल आख्यो “ख्रिस्त दाविदा पोयरो हाय एहेंकी ते काहा आखताहा?
42
काहाका दावीद सोताहा स्त्रोत्रा पुस्तकाम आखेहे.
43
आय तो दुश्मनाहान तो पागाहा थुले की देहे तावलुगू हुदीवेले बोहो
44
एहेकी रितीहीकी दाविदा तियाल प्रभु आख्यो ताहाती तो ख्रिस्ता दाविद पोयरो केहकी परमेश्वराम माअहा प्रभुल आख्यो
45
बादा लोक उनातला ताहा तिया चेलाहान आख्यो.
46
नियमखास्त्र हिकवनारा शिक्षकाहाने हाचवीन रेजा, तियाहान लांबा झोगा पोवीन फिरूलो पोटेहे तियाहान बाजाराम नमस्कार केरावनु, सभास्थानाम आन मांडो खाताहा तिही तीया हा मोनापणे जागावे बोहोवुलो पोटेहे.
47
आने ते रोडे वायीही को लुटताहा आने देखावाखातोर लांबी प्रार्थना केताहा त्या माहान खुबूज मोडी शिक्षा वेरी