6 ¹ Kia ta ixybyle ijõmy rabire ka hãwaki bederyry nihikỹmy: ² Deuxu heka aõ ibutumy riwahinymyhỹre, iny aõmybo reamyhỹre wahe. Iny iaõdimy ityhymy runykremy, suu riwahinymyhỹre, ibutumy aõwiwi. Iribi tahe tamyreny riwahinyõhyymyhỹre idi elelemy ratxirenykemy. Kia aõ iwitxira tahe idi elelemy riuhemyhỹre, tii aõkõ. Kia tasỹ bònadỹỹnalerare, kia aõ òbiti aõkõ rare. ³ Aõmybo tahe hãbu-ò sõemy bede beòra riemyhỹre, cem-my iriòre, kia aõnawiwidi riuhemy ratxireri wesehekỹ, kia awimy aõbo rityhynymy aõbo rituunyrenyre? Diarỹ rarybemyhỹre, uladu tarubulemy tadiwo-ribi reamyhỹre, kia heka tii iratyremy bede riòbynymy tuu reamyhỹre. ⁴ Kia heka isirarare uladu nonana; tii heka bedelurutxi riõmyhỹre, tai rusamyhỹre. ⁵ Kia bede loosonamy dee rehemynyõhyymyhỹre, kia timybo bede kaki roimyhỹre rieryõhyymyhỹre. Ka ixielehyna nihikỹtxi tahe reare, hãbu ratyremy. ⁶ Kia ta inatxi wyramy bede rieke, kia kai hãwaki aõnaõna elelemy riuhemy aõkõ. Kia ikonanau tahe iny boho wihãwa weseòtyhy rykòirenytyhy? ⁷ Kia ibutumy tarurumy raõmysỹdỹỹnymyhỹrenyre riroxirenykremy, kia ta tiu awityhymy ratxirenyõhyymyhỹrenyre. ⁸ Aõbo tahe bedeery mahãdu itxỹte mahãdu ratyre-ribi ròtamyhỹrenyre? Aõbo tahe iny iaõkõmy rỹimyhỹrenyre mahãdu ijõdire bede rierymy ròtarenykremy, awimy ratxurenytykemy? ⁹ Kiasỹ bòdỹỹnaõlere, iwese yhy reamyhỹre wesele. Kiale heka awityhyre, iny aõdibo ixiki idi rỹimyhỹre, kia ixyby iny aõdi risỹnymyhỹre ratyre. ¹⁰ Kia ibutumy aõnaõna ròhònyre ka hãwa bedeki, kia tiwesebeu aõkõ riywinymy roimyhỹre. Kia iny uladu reakrekotyreuhykyle, kia raywimy roimyhỹre aõhebo rutỹỹnykre. Iny boho heka rierymy ratximyhỹrenyre, mobo iny ratyrerenymy inihikỹmy ratximyhỹre-wana tamy rybebina rikiwinyõrenykremy. ¹¹ Aõ sohoji heka òbiti rare: iny boho sõemy rarybemyhỹrenyre-wana, kia ire rybebinamy iny boho rarybemyhỹrenyre; kia tahe iny boho aõ idi ritarenyõhyymyhỹrenyre. ¹² Uriki inatyhymy, timybo tahe awityhymy rikieryrenykre, ubròrò reamyhỹre wesemy? Timybo tahe rikieryrenykre aõbo suki iny rykorenyki ròhònykre iny rubu sỹtybyrenymy?